jibin|
Last Updated:
വ്യാഴം, 15 ജൂണ്‍ 2017 (17:29 IST)
സംസ്കൃതത്തില്‍ ‘മകര’ എന്ന് പറഞ്ഞാല്‍ മുതല എന്നാണര്‍ത്ഥം. മകരാസനം ചെയ്യുന്നതിലൂടെ പൂര്‍ണമായും ആയാസരഹിതമായ, ലാഘവത്വമുള്ള ഒരു അവസ്ഥയിലെത്താന്‍ സാധിക്കുന്നു.
ചെയ്യേണ്ട വിധം
* നിലത്ത് കമഴ്ന്ന് കിടക്കുക.
* നിങ്ങളുടെ അടിവയര്‍, നെഞ്ച്, താടി എന്നിവ നിലത്ത് സ്പര്‍ശിക്കണം.
* കാലുകള്‍ നിവര്‍ത്തുക.
* കൈകള്‍ ശരീരത്തിന് ഇരുവശത്തും വയ്ക്കണം.
* കാലുകള്‍ രണ്ടും വിടര്‍ത്തി ആയാസരഹിതമായി വയ്ക്കുക
* ഉപ്പൂറ്റികള്‍ അഭിമുഖമായിരിക്കത്തക്ക വിധത്തിലാവണം കാലുകള്‍.
* വിരല്‍ത്തുമ്പുകള്‍ തറയില്‍ സ്പര്‍ശിക്കുന്നു എന്ന് ഉറപ്പുവരുത്തുക.
* കാല്‍പ്പാദങ്ങളും കാലുകളും തമ്മില്‍ സമകോണത്തില്‍ ആയിരിക്കണം.
* കാല്‍‌വിരലുകള്‍ വെളിയിലേക്ക് ചൂണ്ടിനില്‍ക്കുന്ന അവസ്ഥയിലായിരിക്കണം.
* ഇനി നെറ്റിയും തലയും ഉയര്‍ത്തണം.
* വലതു കൈയ്യ് ഇടത് തോളിനു താഴേക്ക് കൊണ്ടുവരിക.
* ഇടതു കൈയ്യ് ഉപയോഗിച്ച് വലത് തോളില്‍ പതുക്കെ പിടിക്കുക.
* ഈ അവസ്ഥയില്‍ മടക്കിയ കൈമുട്ടുകള്‍ ഒന്നിനുമുകളില്‍ ഒന്നായി രണ്ട് ത്രികോണങ്ങള്‍ തീര്‍ത്തിരിക്കുന്നത് കാണാം.
* ഈ ത്രികോണങ്ങള്‍ക്ക് മേലെ നെറ്റി മുട്ടിച്ചു വയ്ക്കണം.
* ത്രികോണങ്ങള്‍ക്കിടയിലുള്ള സ്ഥലത്ത് മുഖം വരുന്ന രീതിയില്‍ കിടന്ന് വിശ്രമിക്കുക. ഈ അവസരത്തില്‍ കണ്ണുകള്‍ അടച്ച് പിരിമുറക്കമില്ലാതെ വേണം കിടക്കേണ്ടത്.
* ശരിക്കും പിരിമുറുക്കങ്ങള്‍ അയയുന്ന അവസ്ഥവരെ ഈ നിലയില്‍ തുടരാം.
* പതുക്കെ പൂര്‍വാവസ്ഥയിലേക്ക് മടങ്ങുക.
പ്രയോജനങ്ങള്‍
* ആന്ത്രവായുക്ഷോഭം ഇല്ലാതാവും
* ചെറുകുടലിന് ഉത്തേജനം ലഭിക്കുന്നു, ദഹനപ്രക്രിയയെ സഹായിക്കുന്നു.
* ഉയര്‍ന്ന രക്തസമ്മര്‍ദ്ദത്തെ നിയന്ത്രിക്കും
* മൂത്രാശയ സംബന്ധമായ രോഗങ്ങള്‍ക്ക് ശമനമുണ്ടാവും.
* ശ്വാസതടസ്സം ഉണ്ടെങ്കില്‍ മാറാന്‍ സഹായകമാണ്.
* കഠിനാധ്വാനത്തിനു ശേഷമോ കഠിനമായ യോഗാസനം ചെയ്ത ശേഷമോ മകരാസനം ചെയ്യാവുന്നതാണ്.
