മലയാളക്കര ആഘോഷമാക്കിയ റിയാലിറ്റി ഷോ ആണ് ബിഗ് ബോസ്. മോഹൻലാൽ അവതാരകനായി എത്തുന്ന പരിപാടിയിലെ എല്ലാ താരങ്ങളേയും പ്രേക്ഷകർ നെഞ്ചേറ്റി കഴിഞ്ഞു. ബിഗ് ബോസിൽ പൂവിട്ട ആദ്യ പ്രണയം പേളി മാണിയും ശ്രീനിഷും തമ്മിലുള്ളതായിരുന്നു.

പേളി മാണിയും ശ്രിനിഷും തമ്മിലുള്ള ബന്ധത്തെയാണ് പലരും പ്രണയമായി വിശേഷിപ്പിച്ചത്. പരിചയപ്പെട്ടപ്പോൾ മുതൽ ഇരുവരും നല്ല സുഹൃത്തുക്കളായി മാറിയിരുന്നു. പേളിയുമായി പ്രത്യേക അടുപ്പം സൂക്ഷിക്കുന്ന താരമാണ് ശ്രീനി. ആദ്യ പ്രണയം പരാജയപ്പെട്ടതിനു ശേഷമാണ് ശ്രീനി ബിഗ് ബോസിലേക്കെത്തിയത്.

പ്രേക്ഷകര്‍ക്ക് ഏറെ പ്രിയപ്പെട്ട ജോഡികളായി മാറിയിരിക്കുകയാണ് ഇരുവരും. ഇരുവരും പ്രണയമാണെന്ന് ഹൌസിനുള്ളിൽ ഉള്ളവർ തന്നെ പറഞ്ഞ് തുടങ്ങിയിരുന്നു. കഴിഞ്ഞ എപ്പിസോഡിൽ ശ്രീനിഷ് ഇക്കാര്യം അർച്ചനയുടെ അടുത്ത് സമ്മതിക്കുകയും ചെയ്തതാണ്. ഈ ബന്ധത്തില്‍ താന്‍ സീരിയസാണെന്ന് ശ്രീനി നേരത്തെ വ്യക്തമാക്കിയിരുന്നു.

ഇപ്പോഴിതാ, പേളി തന്നെ തുറന്നു പറഞ്ഞിരിക്കുകയാണ് ഇഷ്ടമാണെന്ന്. ‘എനിക്കിഷ്ടമാണ്. ഡേറ്റിങ്ങിനല്ല, വിവാഹം കഴിക്കാനാണ് താൽപ്പര്യം’ എന്താ നിന്റെ അഭിപ്രായം എന്ന് ശ്രീനിയോട് ചോദിച്ചപ്പോൾ ‘സമ്മതമാണെന്നായിരുന്നു’ ശ്രീനി മറുപടി പറഞ്ഞത്.

ശനിയാഴ്ച ലാലേട്ടൻ വരുമ്പോൾ ചോദിക്കാതിരുന്നാൽ മതിയെന്നും പേളി പറഞ്ഞു. ശ്രീനിയോട് ഈ കാര്യം വീട്ടിനുള്ളിലുള്ളവരെ അറിയിക്കരുതെന്നും പേളി പറയുന്നുണ്ട്. എന്തുകൊണ്ടാണ് പരസ്പരം ഇഷ്ടമായതെന്നും ഇരുവരും തുറന്നു പറയുന്നുണ്ട്. തന്റെ ബന്ധുക്കളെ ഓരോരുത്തരുടെയും പേരെടുത്ത് പറഞ്ഞ് പേളി ശ്രീനിഷിനെ അവർക്ക് പരിചയപ്പെടുത്തുന്നുണ്ട്. എന്തായാലും ഇനിയുള്ള കളികൾ നേരിൽ കണ്ടറിയാം.