ഒ​ന്നാം ക്ലാ​സ് വി​ദ്യാ​ർ​ഥി​യെ അ​ധ്യാ​പക​ൻ മൂ​ത്രം ക​ല​ർ​ത്തി​യ ജ്യൂ​സ് കു​ടി​പ്പി​ച്ചു. ആ​ന്ധ്രാ പ്ര​ദേ​ശി​ലെ പ്ര​കാ​ശം ജി​ല്ല​യി​ൽ എ​സ്പി​ആ​ർ വി​ദ്യാ ക​ണ്‍​സെ​പ്റ്റ് സ്കൂ​ളി​ലാ​ണ് സംഭവം. കുട്ടിയുടെ മാതാപിതാക്കളുടെ പരാതിയില്‍ കാ​യി​കാ​ധ്യാ​പ​ക​നാ​യ വി​ജ​യ​കു​മാര്‍ അറസ്‌റ്റിലായി.

ഒ​ന്നാം ക്ലാ​സുകാരന്‍ സ​ഹ​പാ​ഠി​യാ​യ ഒ​രു പെ​ണ്‍​കു​ട്ടി​ കൊണ്ടുവന്ന ജ്യൂസില്‍ മൂത്രമൊഴിച്ചതാണ് സംഭവങ്ങളുടെ തുടക്കം. താന്‍ ജ്യൂസില്‍ മൂത്രമൊഴിച്ചെന്നും, അതിനാല്‍ ജ്യൂസ് കുടിക്കരുതെന്നും കുട്ടി പെണ്‍കുട്ടിയോട് പറഞ്ഞു.

ഈ വിവരം പെ​ണ്‍​കു​ട്ടി അധ്യാപകനായ വി​ജ​യ​കു​മാ​റിനെ അറിയിച്ചു. കു​ട്ടി​യെ വി​ളി​പ്പി​ച്ച ഇയാള്‍ മൂ​ത്രം കലര്‍ന്ന ജ്യൂ​സ് മു​ഴു​വ​ൻ കു​ടി​ക്കാ​ൻ കുട്ടിയോട് പറഞ്ഞു.

കുട്ടി ക്ഷമ ചോദിച്ചു കരഞ്ഞെങ്കിലും വി​ജ​യ​കു​മാ​ര്‍ മു​ഴു​വ​ൻ ജ്യൂ​സും കു​ട്ടി​യെ കൊ​ണ്ട് നി​ർ​ബ​ന്ധി​ച്ചു
കു​ടി​പ്പി​ക്കുകയായിരുന്നു.

വീട്ടില്‍ എത്തിയ വിദ്യാര്‍ഥി മാതാപിതാക്കളോട് വിവരം പറയുകയും ഇവര്‍ സ്‌കൂളില്‍ എത്തി അധ്യാപകനോട് വിവരങ്ങള്‍ തിരക്കുകയും ചെയ്‌തു. എന്നാല്‍, കു​ട്ടി ആ ​ശി​ക്ഷ അ​ർ​ഹി​ക്കു​ന്നു​വെ​ന്ന മ​റു​പ​ടി​യാ​ണ് ഇയാള്‍ നല്‍കിയത്. ഇതേ തുടര്‍ന്നാണ് മാതാപിതാക്കള്‍ പൊലീസില്‍ പരാതി നല്‍കിയത്.