ബംഗ്ലൂരു|
jibin|
Last Modified ചൊവ്വ, 5 ജൂണ്‍ 2018 (14:53 IST)
സ്‌റ്റൈല്‍ മന്നന്‍ രജനികാന്തിന്റെ പുതിയ ചിത്രം ‘കാല’ കര്‍ണാടകയില്‍ പ്രദര്‍ശിപ്പിക്കാന്‍ അനുവദിക്കില്ലെന്ന് കര്‍ണാടക ഫിലിം ചേംബര്‍ ഓഫ് കൊമേഴ്സ് വ്യക്തമാക്കിയതിന് പിന്നാലെ പുതിയ നീക്കവുമായി രജനി ഫാന്സ് അസോസിയേഷന്‍.
കര്‍ണാടകയില്‍ കാലയുടെ റിലീസ് തടഞ്ഞാല്‍ ചിത്രം കാണാന്‍ ആഗ്രഹിക്കുന്നവര്‍ക്ക് തമിഴ്‌നാട്ടിലേക്ക് പോകാന്‍
സൗകര്യമൊരുക്കുമെന്നു രജനി ഫാന്സ് അസോസിയേഷന്‍ അറിയിച്ചു.
കാവേരി വിഷയത്തില്‍ രജനി നിലപാട് വ്യക്തമാക്കിയതാണ് കര്‍ണാടക ഫിലിം ചേംബര്‍ ഓഫ് കൊമേഴ്സിന്റെ എതിര്‍പ്പിന് കാരണമായത്. വിഷയത്തില്‍ രജനി മാപ്പു പറഞ്ഞാലും കാലാ റിലീസ് ചെയ്യിക്കില്ലെന്നാണ് ഇവരുടെ നിലപാട്. വരും ദിവസങ്ങളില്‍ പ്രതിഷേധം ശക്തമാക്കാനാണു നീക്കം.
കാല കര്‍ണാടകയില്‍ പ്രദര്‍ശിപ്പിക്കാന്‍ അനുവദിക്കില്ലെന്ന കന്നഡ സംഘടനകളുടെ തീരുമാനത്തെ രൂക്ഷമായ ഭാഷയില്‍ വിമര്‍ശിച്ച് നടനും സംവിധായകനുമായ പ്രകാശ് രാജ് നേരത്തെ രംഗത്തു വന്നിരുന്നു.
