യോഗ ഒരു മതത്തിന്റെയും ഭാഗമല്ലെന്ന് മുഖ്യമന്ത്രി പിണറായി വിജയന്‍. ചിലർ ആര്‍ക്കും മനസിലാകാത്ത
ചില സൂക്​തങ്ങള്‍ ചൊല്ലി യോഗ​യെ ഹൈജാക്ക്​ ചെയ്യാൻ ശ്രമിക്കുന്നുണ്ട്​. അതിന്​ ആരെയും അനുവദിക്കില്ല. ഇതില്‍ നമ്മള്‍ മനസിലാക്കേണ്ടത് ആ സൂക്തങ്ങള്‍ ഉണ്ടാകുന്നതിനും മുമ്പ് തന്നെ യോഗ ഇവിടെ ഉണ്ടായിരുന്നു എന്നതാണെന്നും അദ്ദേഹം പറഞ്ഞു.

സെൻട്രൽ സ്​റ്റേഡിയത്തൽ യോഗ ദിനാചരണത്തി​​ന്റെ സംസ്​ഥാന തല ഉദ്​ഘാടനം നിർവഹിച്ച്​ സംസാരിക്കുകയായിരുന്നു മുഖ്യമന്ത്രി.

മതേതര മനസോടെയാകണം യോഗ അഭ്യസിക്കേണ്ടത്. എല്ലാവർക്കും പരിശീലിക്കാവുന്ന വ്യായാമ മുറകളാണ്​ യോഗ. ഇത്​ സ്​കൂളുകളിൽ പരിശീലിപ്പിക്കുന്നതിന്​ പദ്ധതി തയാറാക്കും. യോഗയെക്കുറിച്ച് തെറ്റിദ്ധാരണ പരത്താന്‍ ബോധപൂര്‍വമാണ് ശ്രമം നടക്കുന്നത്. അത്തരം ശ്രമങ്ങളെ ചെറുക്കണമെന്നും മുഖ്യമന്ത്രി വ്യക്തമാക്കി.