അയ്യപ്പദര്‍ശനത്തിന് എത്തിയ ഭിന്നലിംഗക്കാരനെ സന്നിധാനത്ത് നിന്ന് പൊലീസ് പിടികൂടി തിരിച്ചയച്ചു. വെല്ലൂര്‍ സ്വദേശിയായ മോഹന്‍ ആണ് തമിഴ്‌നാട്ടില്‍ നിന്ന് എത്തിയ സംഘത്തോടൊപ്പം അയ്യപ്പദര്‍ശനത്തിന് എത്തിയത്. ഭിന്നലിംഗക്കാരനെന്നു തെളിയിക്കുന്ന തിരിച്ചറിയല്‍ കാര്‍ഡുമായാണ് ഇയാള്‍ എത്തിയത്.

ദര്‍ശനം നടത്തിയശേഷം ഭക്തര്‍ വിശ്രമിക്കുന്ന സ്ഥലത്തു നിന്നുമാണ് ഇയാളെ പൊലീസ് പിടികൂടിയത്. തുടര്‍ന്ന് പൊലീസ് സംരക്ഷണത്തില്‍ ഇയാളെ സന്നിധാനത്തു നിന്ന് പമ്പയിലേയ്ക്കു കൊണ്ടുപോയത്. സംഭവത്തില്‍ ഒന്നും പറയാനില്ലെന്നും, ദര്‍ശനം നടത്തുന്നത് ആചാരലംഘനമാണോ എന്നറിയില്ലെന്നും, ഇക്കാര്യത്തില്‍ പൊലീസ് കൈക്കൊള്ളുന്ന തീരുമാനം അംഗീകരിക്കുമെന്നും ദേവസ്വം ബോര്‍ഡ് പ്രസിഡന്റ് എപദ്മകുമാര്‍ പ്രതികരിച്ചു.