മുഖ്യമന്ത്രി പിണറായി വിജയന് തന്നെ ഭയമാണെന്ന് ബിജെപി സംസ്ഥാന ജനറൽ സെക്രട്ടറി കെ സുരേന്ദ്രൻ. മഞ്ചേശ്വരം തെരഞ്ഞെടുപ്പിൽ താൻ ജയിക്കുമോയെന്നോർത്താണ് മുഖ്യമന്ത്രിക്ക് തന്നെ ഭയമെന്ന് സുരേന്ദ്രൻ കൊട്ടാരക്കരയിൽ പറഞ്ഞു.

മുഖ്യമന്ത്രിയുടെ ഓഫീസ് തന്നെ വേട്ടയാടുന്നുവെന്നും സുരേന്ദ്രൻ ആരോപിച്ചു. തന്നെ കള്ളക്കേസുകളില്‍ കുടുക്കുന്നതാണ്. തനിക്കെതിരായ കേസുകള്‍ നിയമപരമായി നേരിടും. മുഖ്യമന്ത്രിയുടെ ഓഫീസ് ഗൂഢാലോചന നടത്തിയാണ് തനിക്കെതിരെ കള്ളക്കേസ് രജിസ്റ്റര്‍ ചെയ്യുന്നത്. കള്ളക്കേസുകള്‍ കൊണ്ടൊന്നും താന്‍ വീഴില്ലെന്നും അദ്ദേഹം പറഞ്ഞു.

നെഞ്ചുവേദനയൊന്നും ഞാന്‍ അഭിനയിക്കില്ലെന്നും പി. ജയരാജനെ പരോക്ഷമായി പരിഹസിച്ച് സുരേന്ദ്രൻ മാധ്യമങ്ങളോട് പറഞ്ഞു.