ഷാര്‍ജ|
jibin|
Last Updated:
തിങ്കള്‍, 19 മാര്‍ച്ച് 2018 (20:11 IST)
കാമുകിയുടെ പിതാവ് അപ്രതീക്ഷിതമായി വീട്ടില്‍ എത്തിയതറിഞ്ഞ് രണ്ടാം നിലയില്‍ നിന്നും താഴേക്ക് ചാടിയ യുവാവ് ആശുപത്രിയില്‍. ഗുരുതരമായി പരുക്കേറ്റ യുവാവിനെ ഷാര്‍ജയിലെ ആശുപത്രിയിലെ സ്വകാര്യ ആശുപത്രിയില്‍
പ്രവേശിപ്പിച്ചു.
കുടുംബാഗങ്ങള്‍ എല്ലാവരും പുറത്തു പോയ സമയത്ത് യുവതി യുവാവിനെ വീട്ടിലേക്ക് വിളിച്ചു വരുത്തുകയായിരുന്നു. രണ്ടു മണിക്കൂറിനു ശേഷം പെണ്‍കുട്ടിയുടെ പിതാവ് അത്യാവശ്യമായി വീട്ടില്‍ മടങ്ങിയെത്തി.
വാതില്‍ തുറക്കുന്നതിനായി പിതാവ് പുറത്ത് കത്തിരിക്കുമ്പോള്‍ പെണ്‍കുട്ടി യുവാവിനെ വീടിന്റെ ബാല്‍ക്കണിയില്‍ ഒളിപ്പിച്ചു. ഏറെനേരം കഴിഞ്ഞ് വാതില്‍ തുറന്ന മകളുടെ പെരുമാറ്റത്തില്‍ സംശയം തോന്നിയ പിതാവ് വീട്ടില്‍ തിരച്ചില്‍ നടത്തുകയും ചോദ്യം ചെയ്യുകയും ചെയ്‌തു.
പിതാവ് വീട്ടില്‍ തുടരുന്നതായി മനസിലാക്കിയ യുവാവ് പിടിയിലാകുമെന്ന ഭയം മൂലം തുടര്‍ന്ന് ബാല്‍ക്കണിയില്‍ നിന്നും താഴേക്ക് ചാടുകയായിരുന്നു. താഴേക്ക് ചാടി രക്ഷപ്പെടാന്‍ പോകുകയാണെന്ന് കാമുകിക്ക് സന്ദേശം അയച്ച ശേഷമാണ് ഇയാള്‍ ബാല്‍ക്കണിയില്‍ നിന്നും ചാടിയതെന്ന് അന്വേഷണത്തില്‍ വ്യക്തമായി.
താഴെ വീണ യുവാവിനെ ഗുരുതര പരുക്കുകളോടെ ആശുപത്രിയില്‍ പ്രവേശിപ്പിച്ചു. പെണ്‍കുട്ടിയുടെ മൊബൈല്‍ ഫോണില്‍ നിന്നും കൂടുതല്‍ നിന്നും ഇരുവരും തമ്മിലുള്ള കൂടുതല്‍ വിവരങ്ങള്‍ ലഭിച്ചു.
