പ്രണയം ആര്‍ക്കും ആരോടും എപ്പോള്‍ വേണമെങ്കിലും തോന്നാം. പ്രണയം തികച്ചും വ്യക്തിപരമാണ്. അവര്‍ക്ക് അവരുടേതായ കാഴ്ചപ്പാടുകളും നിലപാടുകളുമുണ്ടാകും. എന്നാല്‍, ആകര്‍ഷണത്തിന്റെ കാര്യത്തില്‍ ചില പൊതുവായ ഘടകങ്ങള്‍ ഉണ്ട്. ചില പ്രത്യേക സ്വഭാവമുള്ളവരോട്, ചില ജോലികള്‍ ചെയ്യുന്നവരോടൊക്കെ സ്ത്രീകള്‍ക്ക് പൊതുവായി ആകര്‍ഷം തോന്നാറുണ്ട്.

ഒരു ഫോട്ടോഗ്രാഫര്‍ ആണോ നിങ്ങള്‍? പ്രണയിക്കുന്ന പെണ്‍കുട്ടിയോട് അത് തുറന്ന് പറയാന്‍ മടികാണിക്കേണ്ട. കാരണം, അവര്‍ നിങ്ങളുടെ ജോലിയില്‍ ആക്രഷ്ടരാകും. ഫോട്ടോഗ്രാഫറോടും യാത്ര ചെയ്യാന്‍ ആഗ്രഹിക്കുന്ന പുരുഷന്മാര്‍ക്കും മേല്‍ സ്ത്രീകളുടെ ഒരു കണ്ണുണ്ടെന്ന് തന്നെ പറയാം.

അടുത്തത് ഷെഫ് ആണ്. നന്നായി പാചകം ചെയ്യാന്‍ അറിയാവുന്ന ഒരാളാണ് നിങ്ങളെങ്കില്‍ പെണ്‍കുട്ടികള്‍ വളരെ പെട്ടന്ന് തന്നെ അടുക്കും. നന്നായി പാചകം ചെയ്യാനറിയാവുന്ന ആള് കൂടെയുണ്ടെങ്കില്‍ കുക്കിങിന്റെ കാര്യത്തില്‍ ടെന്‍ഷന്‍ വേണ്ടല്ലോ.

ഒരു ഡോക്ടറാണോ നിങ്ങള്‍? എങ്കില്‍ പെണ്‍കുട്ടികള്‍ എപ്പോ പ്രണയിച്ചെന്ന് ചോദിച്ചാല്‍ പോരെ? സമൂഹത്തില്‍ അത്യാവശ്യം നിലയും വിലയുമെല്ലാം ഉള്ള ആളാണ് ഡോക്ടര്‍. താന്‍ സ്നേഹിക്കുന്ന ആളെ സമൂഹം അംഗീകരിക്കുകയും ബഹുമാനിക്കുകയും ചെയ്യുന്നുണ്ടെന്ന് കണ്ടാല്‍ ഏത് പെണ്ണിനാ അത് ഇഷ്റ്റപ്പെടാത്തത്?

അടുത്തത് പാട്ടുകാരനാണ്. നന്നായി പാടാന്‍ കഴിയുമെങ്കില്‍ പാട്ടിലൂടെ പ്രണയിക്കുന്ന പെണ്‍കുട്ടിയുടെ ഹ്രദയത്തിലേക്ക് നിങ്ങള്‍ക്ക് ഇടിച്ചു കയറാം. കലയെ സ്നേഹിക്കുന്നവരാണ് എന്നും സ്ത്രീകള്‍. പാട്ട് ഇഷ്ടമില്ലാത്ത സ്ത്രീകള്‍ ഉണ്ടാകില്ല. നിങ്ങളുടെ പാട്ടില്‍ അവള്‍ മയങ്ങിവീഴാന്‍ സാധ്യതയുണ്ട്. അതുപോലെ തന്നെയാണ് നന്നായി എഴുതാന്‍ കഴിയുന്നവര്‍ക്കും സ്കോപ്പുണ്ട്.