ലോകത്തെ ഏറ്റവും മികച്ച താരം മെസിയെന്ന് നെയ്‌മര്‍; ബ്രസീല്‍ താരം ബാഴ്‌സയിലേക്ക് - ചര്‍ച്ചകള്‍ സജീവം

  barcelona , neymar , mesi , messi , നെയ്മര്‍ , ബാഴ്‌സലോണ , ലയണല്‍ മെസി , പിഎസ്ജി
പാരീസ്| Last Modified വെള്ളി, 19 ജൂലൈ 2019 (14:21 IST)
ഫ്രഞ്ച് ക്ലബ് പാരിസ് സെന്റ് ജര്‍മെയ്‌നില്‍ നിന്നും നെയ്മര്‍ വീണ്ടും ബാഴ്‌സലോണയിലേക്ക് എത്തുമെന്ന റിപ്പോര്‍ട്ടുകള്‍ ശക്തമാണ്. ട്രാന്‍സ്ഫര്‍ തുകയുടെ കാര്യത്തില്‍ ധാരണയില്‍ എത്താന്‍ കഴിയാത്തതാണ് നെയ്‌മറുടെ കൂട് മാറ്റത്തിന് തടസമാകുന്നത്.

ഇതിനിടെ ബാഴ്‌സയുടെ സൂപ്പര്‍‌താരം ലയണല്‍ മെസിയെ പുകഴ്‌ത്തി നെയ്‌മര്‍ രംഗത്തുവന്നു. ലോകത്തെ ഏറ്റവും മികച്ച താരം മെസിയാണെന്നാണ് നെയ്‌മര്‍ പറഞ്ഞത്. “മെസിക്കൊപ്പം കളിക്കാന്‍ കഴിഞ്ഞത് അഭിമാനമായിട്ടാണ് കാണുന്നത്. ഞാന്‍ കണ്ട ഫുട്‌ബോള്‍ താരങ്ങളില്‍ മെസിയോളം മികച്ച ഒരാളുമില്ല. ലോകത്തെ ഏറ്റവും മികച്ച ഫുട്‌ബോളറാണ് അദ്ദേഹം. ഞങ്ങള്‍ അടുത്ത സുഹൃത്തുക്കള്‍ കൂടിയാണ്” - എന്നും നെയ്‌മര്‍ പറഞ്ഞു.

ബാഴ്‌സ നെയ്മറിന് വേണ്ടി ഔദ്യോഗികമായി പിഎസ്ജിയെ സമീപിച്ചു കഴിഞ്ഞു. ഇതു സംബന്ധിച്ചുള്ള ചര്‍ച്ചകള്‍ സജീവമായി തുടരുകയാണ്.

90 മില്യണ്‍ പൗണ്ടിന് പുറമെ രണ്ട് താരങ്ങളേയും നല്‍കാമെന്നാണ് ബാഴ്‌സ മുന്നോട്ട് വച്ചിരിക്കുന്ന ഓഫര്‍. ഫിലിപ്പെ കുടിഞ്ഞോ, ഓസ്മാന്‍ ഡെംബേല, ഇവാന്‍ റാകിടിച്ച്, മാല്‍ക്കോം, നെല്‍സണ്‍ സെമെഡോ എന്നിവരില്‍ നിന്ന് പിഎസ്ജിക്ക് രണ്ട് പേരെ തെരഞ്ഞെടുക്കാം.

2017ല്‍ 222 ദശലക്ഷം യൂറോയെന്ന ലോകറെക്കോര്‍ഡ് ട്രാന്‍സ്ഫര്‍ തുകയ്ക്കാണ് നെയ്മറെ പിഎസ്ജി ബാഴ്‌സലോണയില്‍ നിന്ന് സ്വന്തമാക്കിയത്.


ഇതിനെക്കുറിച്ച് കൂടുതല്‍ വായിക്കുക :