2018ൽ മമ്മൂട്ടി തന്റെ ആദ്യചിത്രത്തിലേക്ക് കടന്നു. കോലഞ്ചേരിയില്‍ വെച്ചാണ് സിനിമ ചിത്രീകരിക്കുന്നത്. ഹനീഫ് അദേനിയുടെ തിരക്കഥയില്‍ ഷാജി പാടൂരാണ് സിനിമ സംവിധാനം ചെയ്യുന്നത്.

ടൈറ്റില്‍ കഥാപാത്രമായ അബ്രഹാമിന്റെ മൂത്ത പുത്രനായി മമ്മൂട്ടിയും സഹോദരനായി അന്‍സണ്‍ പോളും എത്തുമെന്നുള്ള വിവരങ്ങളാണ് ഇപ്പോള്‍ ലഭിക്കുന്നത്. അബ്രഹാമിന്റെ സന്തതികൾ എന്ന് പേരിട്ടിരിക്കുന്ന ചിത്രത്തിന്റെ ഫാൻ മെയ്ഡ് പോസ്റ്റർ പുറത്തിറങ്ങി.

നീണ്ട ഇടവേളയ്ക്ക് ശേഷം മമ്മൂട്ടിയും കനിഹയും ഈ ചിത്രത്തിലൂടെ വീണ്ടും ഒരുമിച്ചെത്തുകയാണ്. സ്ട്രീറ്റ്‌ലൈറ്റ്‌സിന് ശേഷം വീണ്ടും മമ്മൂട്ടി പോലീസ് വേഷത്തിലെത്തുന്ന ചിത്രമാണ് അബ്രഹാമിന്റെ സന്തതികൾ.