ഇന്ന് പ്രണയിക്കുന്നവരുടെ ദിവസമാണ്. തങ്ങളുടെ പ്രണയദിനം ആഘോഷമാക്കാൻ വ്യത്യസ്തമായ വഴികളാണ് ഓരോരുത്തരും സ്വീകരിക്കുന്നത്. കൂട്ടത്തിൽ വെറൈറ്റി ഐറ്റവുമായി നടൻ കാളിദാസും എത്തിയിരിക്കുകയാണ്. കാമുകനെ സഹോദരനായി കണ്ട് ഒഴിവാക്കുന്ന പെൺകു‌ട്ടിക‌ൾക്കുള്ള മറുപടിയുമായിട്ടാണ് കാളിദാസ് എത്തിയത്. ഇതിന് കാളി കൂട്ടുപിടിക്കുന്നത് സ്വന്തം അമ്മയേയും.

പ്രിന്ദർശന്റെ അക്കരെയക്കരെയിലെ ഒരു രംഗമാണ് കാളിദാസ് തന്റെ ഇൻസ്റ്റഗ്രാമിലൂടെ ഷെയർ ചെയ്തിരിക്കുന്നത്. സിനിമയിൽ ശ്രീനിവാസൻ നടിയായ പാർവതിയോട് ഇഷ്ടം തുറന്നു പറയുന്ന സീനാണിത്. ' സ്നേഹത്തിന് ഒരു അർത്ഥം മാത്രമേയുള്ളോ? നിങ്ങളെ ഞാൻ എന്റെ സഹോദരനെ പോലെയാണ് കണ്ടത്' എന്നാണ് പാർവതി പറയുന്നത്.

ഇതിന് ശ്രീനിവാസൻ നൽകുന്ന മറുപടിയാണ് കിടിലൻ 'കാണാൻ കൊള്ളാത്ത ആണുങ്ങളെ സഹോദരന്മാർ എന്നു പറഞ്ഞ് സ്നേഹിക്കുന്നത് പെണ്ണുങ്ങളുടെ സ്ഥിരം ഏർപ്പാടാണ്. എന്നാലും എന്നോടിത് വേണ്ടായിരുന്നു എന്നാണ് ശ്രീനിവാസൻ പറയുന്നത്. ഒടുവിൽ കാളിദാസനും തേപ്പ് കിട്ടിയോ എന്നാണ് ആരാധകർ ചോദിക്കുന്നത്. ഏതായാലും സംഭവം കളറായിട്ടുണ്ട്.