വളരെ ഏറെ പ്രതീക്ഷയോടെ തിയ്യേറ്ററില്‍ എത്തിയ സിനിമയാണ് നിവിന്‍ പോളിയുടെ റിച്ചി. എന്നാല്‍ ചിത്രത്തിന് അത്ര നല്ല പ്രതികരണമല്ല ലഭിച്ചത്. എന്ത് തന്നെയായാലും റിച്ചി തമിഴകത്ത് നിവിന്‍ പോളിയുടെ താരമൂല്യം വര്‍ധിപ്പിച്ചു. ഇപ്പോള്‍ ചര്‍ച്ചാ വിഷയം അതൊന്നുമല്ല. ചിത്രത്തിലെ ഒരു അനുഭവത്തിനെ പറ്റി നായിക ശ്രദ്ധ
തുറന്നു പറഞ്ഞിരിക്കുകയാണ്.

ടൈംസ് ഓഫ് ഇന്ത്യയ്ക് നല്‍കിയ അഭിമുഖത്തില്‍ സംസാരിക്കവെ ശ്രദ്ധ ശ്രീനാഥ് നിവിന്‍ പോളിയ്‌ക്കൊപ്പം അഭിനയിച്ച അനുഭവത്തെ കുറിച്ച് പറഞ്ഞു. താനൊരു വലിയ നിവിന്‍ ആരാധികയാണെന്ന് പറഞ്ഞുകൊണ്ടാണ് ശ്രദ്ധ തുടങ്ങിയത്. ഒരു ആരാധികയെ സംബന്ധിച്ച് ഏറ്റവും സന്തോഷമുള്ള കാര്യമാണ്, ആ താരത്തിന്റെ നായികയായി അഭിനയിക്കുക എന്നത്. ആ അവസരം എനിക്ക് കിട്ടി.

ചിത്രീകരണം നടന്നുകൊണ്ടിരിയ്ക്കുന്ന സമയത്ത്, നിവിന്റെ മുന്നില്‍ നില്‍ക്കുമ്പോള്‍ സംസാരിക്കാന്‍ തനിക്ക് വാക്കുകള്‍ പോലും കിട്ടാത്ത അവസ്ഥയായിരുന്നു എന്നാണ് ശ്രദ്ധ പറഞ്ഞത്. മാധവനും വിജയ് സേതുപതിയും അഭിനയിച്ച് തകര്‍ത്ത ചിത്രമാണ് വിക്രം വേദ. തമിഴിന് പുറമെ മലയാളത്തിലും ഹിറ്റായ ചിത്രത്തില്‍ മാധവന്റെ നായികയായിട്ടാണ് ശ്രദ്ധ അഭിനയിച്ചത്.