അവധി നല്‍കാത്തതിന്റെ ദേഷ്യത്തില്‍ ആര്‍പിഎഫ് ഉദ്യോഗസ്ഥന്‍ മേലുദ്യോഗസ്ഥനെ വെടിവച്ചു കൊന്നു. പരുക്കേറ്റ മൂന്ന് ഉദ്യോഗസ്ഥരെ ആശുപത്രിയില്‍ പ്രവേശിപ്പിച്ചു. മേഘാലയയിലെ ഖാസി ജില്ലയിലാണ് സംഭവം നടന്നത്.

ആർപിഎഫ് ഉദ്യോഗസ്ഥൻ അർജുൻ ദേഷ്‌വാൾ ആണ് അസിസ്റ്റന്റ് കമാൻഡന്റ് ആയ മുകേഷ് സി ത്യാഗിയെ സർവീസ് റിവോൾവർ ഉപയോഗിച്ച് വെടിവച്ച് കൊന്നത്.

അവധി നിരസിച്ചതിന്റെ രോക്ഷത്തില്‍ ഓഫീസില്‍ എത്തിയ അർജുൻ ദേഷ്‌വാൾ ത്യാഗിയെ വെടിവച്ച് കൊന്ന ശേഷം 13 റൗണ്ട് നിറയൊഴിക്കുകയും ചെയ്‌തു. ഈ സമയത്താണ് മറ്റു ഉദ്യോഗസ്ഥര്‍ക്കും പരുക്കേറ്റത്.

അർജുൻ ദേഷ്‌വാളിനെ പൊലീസ് അറസ്‌റ്റ് ചെയ്‌തു.