പതിനാറുകാരിയെ മദ്യം കൊടുത്ത് മയക്കി കൂട്ടബലാത്സംഗം ചെയ്തു. ഉത്തര്‍പ്രദേശിലെ നോയ്ഡയിലെ ബുദ്ധനഗറിലാണ് സംഭവം. പരാതി നല്‍കിയിട്ടും പൊലീസ് കേസെടുക്കാന്‍ തയ്യാറായിട്ടില്ലെന്ന് പെണ്‍കുട്ടിയുടെ ബന്ധുക്കള്‍ ആരോപിച്ചു.

ഓഗസ്‌റ്റ് 20നാണ് സംഭവമുണ്ടായത്. തയ്യല്‍ ക്ലാസ് കഴിഞ്ഞ് വീട്ടിലേക്ക് മടങ്ങിയ പെണ്‍കുട്ടിയെ ബൈക്കിലെത്തിയ രണ്ടംഗ സംഘം തട്ടിക്കൊണ്ടു പോകുകയായിരുന്നു. ആളൊഴിഞ്ഞ സ്ഥലത്ത് എത്തിച്ച ശേഷം പെണ്‍കുട്ടിക്ക് മദ്യം നല്‍കി ബോധരഹിതയാക്കിയ ശേഷം ബലാത്സംഗം ചെയ്‌തു.

ക്രൂര പീഡനത്തിനൊടുവില്‍ അവശയായ പെണ്‍കുട്ടിയെ വീടിന് സമീപം ഉപേക്ഷിച്ച ശേഷം പ്രതികള്‍ രക്ഷപ്പെട്ടു. കുട്ടിയെ വൈദ്യപരിശോധനയ്‌ക്ക് വിധേയമാക്കി.

പീഡനം നടന്നതിന് പിന്നാലെ പൊലീസില്‍ പരാതി നല്‍കിയെന്നും എന്നാല്‍ പ്രതികളെ പിടികൂടാനോ തുടര്‍ നടപടികള്‍ സ്വീകരിക്കാനോ പൊലീസ് തയ്യാറായില്ലെന്ന് ബന്ധുക്കള്‍ വ്യക്തമാക്കി.