തെലങ്കാന രാഷ്ട്രസമിതി പാര്‍ട്ടി നേതാവ് ഭാര്യയെ മര്‍ദ്ദിക്കുന്ന വീഡിയോ വൈറല്‍. ടിആര്‍‌എസ് നേതാവ് ശ്രീനിവാസ റെഡ്ഡിയുടെ വീഡിയോയാണ് വൈറലയായിരിക്കുന്നത്. നാലു വര്‍ഷം മുന്‍പാണ് ശ്രീനിവാസ റെഡ്ഡി സംഗീതയെ വിവാഹം കഴിക്കുന്നത്. ഇവര്‍ക്ക് ഒരു പെണ്‍കുഞ്ഞ് പിറന്നതോടെ റെഡ്ഡിക്ക് സംഗീതയോടുള്ള സമീപനത്തില്‍ മാറ്റം വന്നു.

തുടര്‍ന്ന് സ്ത്രീധനം ആവശ്യപ്പെട്ട് റെഡ്ഡിയും വീട്ടുകാരും മാനസികമായും ശാരീരിരകമായും തന്നെ ഉപദ്രവിക്കാറുണ്ടെന്ന് സംഗീത ആരോപിക്കുന്നു. സംഗീതയുടെ പരാതിയില്‍ സത്രീധന പീഡനം ആരോപിച്ച്‌ റെഡ്ഡിക്കും കുടുംബത്തിനുമെതിരെ പൊലീസ് നേരത്തെ കേസെടുത്തിരുന്നു.

ഇതിനിടയില്‍ വിവാഹ മോചനം പോലും നേടാതെ റെഡ്ഡി മറ്റൊരു സ്ത്രീയെ വിവാഹം ചെയ്തു. ഇതറിഞ്ഞ് വീട്ടുകാരെ കൂട്ടി റെഡ്ഡിയുടെ വസതിയിലെത്തിയ സംഗീതയെ റെഡ്ഡി തള്ളിയിടുകയും മുടിയില്‍ പിടിച്ചു വലിക്കുകയും ചെയ്തു. സംഭവത്തിന്റെ വീഡിയോ നിമിഷങ്ങള്‍ക്കകം സോഷ്യല്‍ മീഡിയയില്‍ വൈറലാകുകയും പൊലീസ് റെഡ്ഡിയ്ക്കെതിരെ കേസെടുക്കുകയും ചെയ്തു.