വാര്‍ത്ത

ചോറ്റാനിക്കര മകം തൊഴല്‍ വ്യാഴാഴ്ച

Wed, 20 Feb 2008 12:17:41 +0530

നെടുമംഗല്യത്തിനും, സൗ ഭാഗ്യത്തിനും, സന്താന ലബ്ധിക്കുമായി കന്യക മാരും സുമംഗലികളും എത്തുന്ന കേരളത്തിലെ പ്രധാന ക്ഷേത്രമാണ്‌ ചോറ്റാനിക്കര.

ഭക്‌തിനിര്‍ഭരമായ മനസ്സോടെ മങ്കമാര്‍ ഇവിടെ മകം തൊഴാന്‍ എത്തുന്നു. ദേവിയെ ഒരു നോക്കു കണ്ട്‌ സങ്കടങ്ങള്‍ ഉണ ര്‍ത്തിക്കാന്‍ കഴിഞ്ഞാല്‍ ജന്മം സഫലമായി എന്നു വിശ്വസിക്കുന്നു ഭക്‌തര്‍.

ചോറ്റാനിക്കര ദേവീ ക്ഷേത്രത്തിലെ പ്രസിദ്ധമായ മകം തൊഴല്‍ വ്യാഴാഴ്ചയാണ് .വില്വമംഗലസ്വാമിയാര്‍ക്ക്‌ ഭഗവതി, ദര്‍ശനം നല്‍കിയത്‌ മകം നാളിലാണെന്നാണ്‌ വിശ്വാസം.

21 ന് ഉച്ചയ്ക്ക്‌ രണ്ടു മുതല്‍ നടക്കും. 21 ന് രാവിലെ ഏഴിന് ഓണക്കുറ്റി ചിറയില്‍ ആറാട്ട്‌, ഇറക്കിപൂജ, തിരികെ എഴുന്നള്ളിപ്പ്‌, പൂരപ്പറമ്പില്‍ ഏഴു ആനകളെ എഴുനല്ലിച്ചുള്ള അണി നിരക്കുന്ന മകം എഴുന്നള്ളിപ്പ്‌, പാണ്ടിമേളം, ഉച്ചയ്ക്ക്‌ ഒരുമണി മുതല്‍ ഉദയനാപുരം സി.എസ്‌. ഉദയ കുമാറിന്റെ നാദസ്വരം, രണ്ടു മുതല്‍ രാത്രി 8.30 വരെ മകം തൊഴല്‍, കാണിക്കയിടല്‍, പറ എന്നിവ ഉണ്ടായിരുഇക്കും

രാത്രി ഒന്‍പതിന് പറയ്ക്കെഴുന്നള്ളിപ്പ്‌, മങ്ങാട്ട്‌ മനയില്‍ ഇറക്കിപൂജ, തുടര്‍ന്നു ക്ഷേത്രത്തില്‍ എത്തി മകം വിളക്കിനെഴുന്നള്ളിപ്പ്‌ നടക്കും.

22 ന് രാവിലെ ആറിന് കച്ചേരി പറയ്ക്കുശേഷം പറയ്ക്കെഴുന്ന ള്ളിപ്പ്‌, രാത്രി എട്ടിന് പൂരം എഴുന്നള്ളിപ്പ്‌, ചോറ്റാനിക്കര വിജയന്‍മാരാരുടെ പഞ്ചവാദ്യം, രാത്രി 11 ന്‌ ഏഴു ദേവീ ദേവന്‍മാരെ കൂട്ടി എഴുന്നള്ളിപ്പ്‌, കാണിക്കയിടല്‍, 12 ന് കരിമരുന്നു പ്രയോഗം,

23 ന് രാവിലെ കിഴക്കേച്ചിറയില്‍ ആറാട്ട്‌, വലിയ കീഴ്ക്കാവില്‍ ഇറക്കിപൂജ, കൊടിയിറക്കല്‍, താലം പ്രദക്ഷിണം, 24 ന് കീഴ്ക്കാവില്‍ അത്തം വലിയ ഗുരുതി എന്നിവ നടക്കും.

മകം ഉത്സവം 15 ന് ആണ് തുടങ്ങിയത്. ഉത്സവകാലം മുഴുവന്‍ ദേവി ശാസ്‌താ സമേതയായി ദേശം ചുറ്റി പറയെടുക്കുകയാണ്. 19 ന് ഉത്സവ ബലി നടന്നു

ആ‍ാദീയ ശക്തി വ്വിളിച്ചോതി പിആര്‍ഡി എസ്. ഘോഷയാത്ര

Sun, 17 Feb 2008 12:49:05 +0530

ഇരവിപേരൂര്‍ : പൊയ്കയില്‍ ശ്രീകുമാരഗുരുദേവന്‍റെ 130 മത് ജയന്തി ആഘോഷങ്ങളുടെ ഭാഗമായി ശനിയാഴ്ച ഇരവിപേരൂരില്‍ ബ്ഭക്തി നിര്‍ഭരമായ ഘോഷയാത്ര നടന്നു.

ശുഭ്രവസ്‌ത്രധാരികളായ വനിതകള്‍ ഉള്‍പ്പെടെ പതിനായിരങ്ങള്‍ അണിനിരന്ന ഭക്‌തിനിര്‍ഭരമായ ഘോഷയാത് പ്രത്യക്ഷരക്ഷാ ദൈവസഭ (പി.ആര്‍.ഡി.എസ്‌.)യുടെയും ആദീയരുടെയും ആത്മീയ ശക്തി വിളിച്ചോതി. നെറ്റിപ്പട്ടമണിഞ്ഞ ആനകളും മന്തോച്ചാരണങ്ങളും വാദ്യമേളങ്ങളും നിശ്‌ചലദൃശ്യങ്ങളും മുത്തുക്കുടകളും ഘോഷയാത്രയെ ശബളാഭമാക്കി

നൂറ്റാണ്ടുകളായി അടിച്ചമര്‍ത്തപ്പെട്ട ആദിയര്‍ ജനതയുടെ വിമോചനത്തിന്‌ യത്നിച്ച പൊയ്‌കയില്‍ ശ്രീകുമാരഗുരുദേവനെ സ്‌തുതിക്കുന്ന ഗീതങ്ങളും മുദ്രാവാക്യങ്ങളും ഘോഷയാത്രയില്‍ മുഴങ്ങിക്കേട്ടു. നെല്ലാട്‌ ജംഗ്‌ഷനില്‍ നിന്ന്‌ വൈകുന്നേരം 5.10 ന്‌ ആരംഭിച്ച ഘോഷയാത്ര മൂന്നു കിലോമീറ്റര്‍ അകലെ ശ്രീകുമാര്‍ നഗറില്‍ എത്തിച്ചേരാന്‍ മണിക്കൂറുകള്‍ വേണ്ടിവന്നു.

സഭാ പ്രസിഡന്റ്‌ സി.പി. ദാമോദരന്‍, വൈസ്‌ പ്രസിഡന്റ്‌ വി.കെ. രാമന്‍, ജനറല്‍ സെക്രട്ടറിമാരായ എം.എസ്‌. കുട്ടപ്പന്‍, പി.എസ്‌. ചെല്ലപ്പന്‍, ജോയിന്റ്‌ സെക്രട്ടറി വി.ടി. രാജപ്പന്‍, ട്രഷറര്‍ എ.ജെ. രവികുമാര്‍, മഹിളാസമാജം പ്രസിഡന്റ്‌ എം. പൊന്നമ്മ, യുവജനസംഘം പ്രസിഡന്റ്‌ കെ.ടി. രാജീവ്‌, സെക്രട്ടറി എം.എന്‍. ശശികുമാര്‍, ഗുരുകുലശ്രേഷ്‌ഠന്‍ കെ.ഇ. നാരായണന്‍, ഉപശ്രേഷ്‌ഠന്‍ ടി.കെ. സത്യരാജ്‌, ഗുരുകുല ഉപദേഷ്‌ടാക്കളായ കെ.ആര്‍. സോമന്‍, വി.കെ. മാധവദാസ്‌, കെ.ആര്‍. തങ്കപ്പന്‍, ഇ.ടി. രാമന്‍, എം. ഭാസ്‌കരന്‍, മീഡിയ കണ്‍വീനര്‍ വി.കെ. ചെല്ലകുമാര്‍ തുടങ്ങിയവര്‍ നേതൃത്വം നല്‍കി.

പൊതുസമ്മേളനത്തില്‍ സഭാ പ്രസിഡന്റ്‌ സി.പി. ദാമോദരന്‍ അദ്ധ്യക്ഷത വഹിച്ചു. നിയമസഭാ സ്‌പീക്കര്‍ കെ. രാധാകൃഷ്‌ണന്‍ ഉദ്‌ഘാടനം ചെയ്‌തു. ശ്രീകുമാരഗുരുദേവ ജന്മദിന സപ്ലിമെന്റ്‌ പ്രകാശനം തമിഴ്‌ സാഹിത്യകാരന്‍ ചാരുനിവേദിത നിര്‍വഹിച്ചു.

മാരാമണ്‍ കണ്‍വന്‍ഷന്‍ ഫെബ്രുവരി 10 ന് തുടക്കം

Sat, 09 Feb 2008 17:46:03 +0530

കോഴഞ്ചേരി : മാരാമണ്‍ കണ്‍വന്‍ഷന്‍ ഞായറാഴ്ച തുടങ്ങും. ഫെബ്രുവരി 10 മുതല്‍ 17 വരെ പമ്പാനദിക്കരയിലെ മാരാമണ്‍ മണല്‍ത്തിട്ടയില്‍ തയാറാക്കിയ പന്തലിലാണ്. 113-ാമതു കണ്‍വന്‍ ഷന്‍ നടക്കുക.

ഞായറാഴ്ച 2.30ന് ഡോ. ജോസഫ് മാര്‍ത്തോ മ്മാ മെത്രാപ്പൊലീത്ത കണ്വെന്‍ഷന്‍ ഉദ് ഘാടനം ചെയ്യും. ഫെബ്രുവരി 11 മുതല്‍ 16 വരെ രാവിലെ 10.30നും ഉച്ചയ്ക്കു 2.30നും വൈകിട്ട് 6.30നുമാണു പൊതുയോഗങ്ങള്‍ നടക്കുക ‍.

മാര്‍ത്തോമ്മാ സഭാ മിഷനറി പ്രസ്ഥാ നമായ മാര്‍ത്തോമ്മാ സുവിശേഷ പ്രസംഗ സംഘമാണ് കണ്വെന്‍ഷന്‍ സംഘടിപ്പിക്കുന്നത്. .ലോകപ്രശസ്തരായ ദൈവശാസ്ത്ര പണ്ഡിതരും സുവിശേഷ പ്രസംഗകരും വിവിധ യോഗങ്ങളില്‍ പ്രസംഗിക്കും. കേരളത്തിന്ന്‍റെ വിവിധഭാഗങ്ങളില്‍ നിന്നും ഇന്ത്യയില്‍ പലേറ്റത്തു നുഇന്നുമായി ഒട്ടേരെ പേര്‍ കണ്വെന്ഷനില്‍ പങ്കുകൊള്ളും.

രാവിലെ 7.30നു സ്ത്രീകള്‍ക്കും പുത്ധഷന്മാര്‍ക്കുമുള്ള ബൈബിള്‍ ക്ളാസും കുട്ടികള്‍ക്കുള്ള പ്രത്യേക യോഗങ്ങളും. 13നു രാവിലെ 10.30നാണ് എക്യൂമെനിക്കല്‍ സമ്മേളനം. വിവിധ സഭാ മേലധ്യക്ഷന്മാര്‍ പങ്കെടുക്കും.

11, 12, 13 തീയതികളില്‍ നാലുമണിക്കു കുടുംബവേദി യോഗങ്ങള്‍. 14, 15, 16 തീയതികളില്‍ യുവവേദി യോഗങ്ങള്‍ നടക്കും. കണ്‍വന്‍ഷന്‍റെ ഒത്ധക്കങ്ങള്‍ അവസാനഘട്ടത്തിലാണെന്ന് സുവിശേഷ പ്രസംഗ സംഘം ജനറല്‍ സെക്രട്ടറി റവ. ഡോ. ജോണ്‍സണ്‍ പി. മാത്യു,പബ്ലിസിറ്റി കണ്‍വീനര്‍ രാജു കുളക്കട എന്നിവര്‍ അറിയിച്ചു.

തൃപ്രയാര്‍ ഏകാദശി

Tue, 27 Nov 2007 15:11:28 +0530

വൃശ്ചികത്തിലെ കൃഷ്ണപക്ഷ ഏകാദശി.തൃപ്രയാറിലെ വിഖ്യാതമായ ഏകാദശിയും അന്നു തന്നെ.2007 നവംബര്‍ 21 ന് ആയിരുന്നു ഏകാദ്ശി

ഏകാദശി ദിവസം പുലര്‍ചെ മുതല്‍ ക്ഷേത്രത്തില്‍ നല്ല തിരക്കായിരുന്നു.കാണിക്കയര്‍പ്പിക്കലാണ് ഏകാദശി നാളിലെ പ്രധാന ചടങ്ങ്. സംഗീതപരിപാടികളും സംസ്കാരികോത്സവവും നടക്കുന്നുണ്ട്.

ശനിയാഴ്ച സന്ധ്യക്കു ദശമി വിളക്ക് തൊഴാനും ആയിരങ്ങള്‍ എത്തിയിരുന്നു. നെറ്റിപ്പട്ടം കെട്ടിയ ആനകളും പഞ്ചരി മേളവും വിളക്ക് ചടങ്ങുകള്‍ക്ക് മാറ്റുകൂട്ടി.

തൃപ്രയാര്‍ ഭഗവാന് ആടിയ എണ്ണ വാതത്തിനും പിത്തത്തിനും കൈക്കണ്ട ഔഷധമാണെന്നാണ് വിശ്വാസം. പുഴക്കടവിലെ മീനൂട്ട്,കളഭാഭിഷേകം, ഉദയാസ്തമയ പൂജ-,അവല്‍ നിവേദ്യം,തുലാഭാരം എന്നിവയാണ് ഇവിടത്തെ പ്രധാന വഴിപാടുകള്‍

.സര്‍വാഭീഷ്ട സിദ്ധിക്കായി മുഖമണ്ഡപത്തില്‍ രാമായണം സുന്ദരകാണ്ഡം പരായണം ചെയ്യാറുണ്ട്. വെടിവഴിപാടും പ്രധാനം. തൃപ്രയാര്‍ ക്ഷേത്രത്തില്‍ കൊടിമരമില്ല എന്ന പ്രത്യേകതയും ഉണ്ട്.

ടിപ്പുവിന്‍റെ പടയോട്ടക്കാലത്ത് മൂന്നു കഷണമായ ശ്രീരാമവിഗ്രമാണിവിടെ. ഇപ്പോള്‍ ഗോളക ചാര്‍ത്തിയിരിക്കുക യാണ്. രാവണ നിഗ്രഹത്തിനു ശേഷം പ്രപഞ്ചസംരക്ഷണത്തിനായി കാത്തിരിക്കുന്ന ശ്രീരാമന്‍ എന്നാണ് സങ്കല്‍പം.

ക്ഷേത്രത്തില്‍ ശാസ്താവിന്‍റെ പ്രതിഷ്ഠയായിരുന്നു മുന്പുണ്ടായിരുന്നത് ; ഈ പിന്നീടാണ് ശ്രീരാമനെ പ്രതിഷ്ഠിച്ചത് എന്നുമാണ് വിശ്വാസ ം.

അമൃതാനന്ദമയി സുവര്‍ണ്ണജയന്തി ബുനാഴ്ച തുടക്കം

Wed, 26 Sep 2007 20:48:00 +0530

FILE

കൊല്ലം,23/സപ്തം/2003 സദ്ഗുരു മാതാമൃതാനന്ദമയിയുടെ സുവര്‍ണ്ണജയന്തി ആഘോഷങ്ങള്‍ക്ക് സെപ്റ്റംബര്‍ 24ന് തിരിതെളിയും. കൊല്ലം ജില്ലയിലുളള വളളിക്കാവിനടുത്ത് പറയക്കടവ് എന്ന കായലോര ഗ്രാമത്തില്‍ 1953 സെപ് തംബര്‍ 27 ന് അമൃതാനന്ദമയി ജനിച്ചത്.

വിശ്വപ്രേമത്തിന്‍റെ ലയമാധുര്യം ലോകശാന്തിയ്ക്ക് എന്ന സന്ദേശവുമായി അമൃതവര്‍ഷം 50 എന്നു പേരിട്ടിരിയ്ക്കുന്ന ജയന്തി അഘോഷങ്ങള്‍ കൊച്ചിയിലെ കല്ലൂര്‍ അന്തരാഷ്ട്ര സ്റ്റേഡിയത്തില്‍ ഉദ്ഘാടനം ചെയ്യുന്നത് ഉപപ്രധാനമന്ത്രി എല്‍.കെ.അദ്വാനിയാണ്.

നാലു ദിവസമായി നടക്കുന്ന വിവിധപരിപാടികള്‍ രാഷ്ട്രപതി എ.പി.ജെ. അബ്ദുള്‍ കലാം, ഉപരാഷ്ട്രപതി ഭൈരോണ്‍ സിങ്ങ് ഷെഖാവത്ത്, കേരള മുഖ്യമന്ത്രി എ.കെ.ആന്‍റണി എന്നിവര്‍ പങ്കെടുക്കും.

സുപ്രസിദ്ധ കലാകാരന്മാര്‍ വരച്ച 126 ചിത്രങ്ങളുടെ പ്രദര്‍ശനം, അമ്മയുടെ ജീവിതത്തേയും കാരുണ്യപ്രവര്‍ത്തനങ്ങളേയും ചിത്രീകരിക്കുന്ന പ്രദര്‍ശനം, അമൃത വിശ്വവിദ്യാപീഠവും അമൃത ഹോസ്പിറ്റലും തയാറാക്കിയ പ്രദര്‍ശനം എന്നിവയും അമൃതവര്‍ഷം 50ന്‍റെ ഭാഗമായി ഒരുക്കിയിട്ടുണ്ട്.

ഭക്തര്‍ക്ക് പരിപാടിയില്‍ പങ്കെടുക്കുന്നതിന് കൊച്ചിയിലേക്ക് വന്നു പോകുന്നതിനും പ്രത്യേക വാഹന സൗകര്യങ്ങളും കുറഞ്ഞ ചിലവിലുള്ള താമസ സൗകര്യവും സംഘാടകര്‍ ഒരുക്കിയിട്ടുണ്ട്. പരിപാടിയ്ക്കെത്തുന്നവര്‍ക്ക് ആശ്രമ ഭക്ഷണവും ഒരുക്കിയിട്ടുണ്ട്. യാത്രസൗകര്യവും ഭക്ഷണവും സൗജന്യമാണ്.

കാര്യ പരിപാടികള്‍

2003 സെപ്തംബര്‍ 24 (ബുധനാഴ്ച)

6.55 സര്‍വമത പ്രാര്‍ത്ഥന, ധ്വജാരോഹണം - മാധ്വാചാര്യ വിശ്വേശതീര്‍ത്ഥസ്വാമികള്‍
7.30 ഡോ.എല്‍.സുബ്രഹ്മണ്യത്തിന്‍റെയും കവിതാസുബ്രഹ്മണ്യത്തിന്‍റെയും സംഗീതാവതരണം.
9.00 ശങ്കരാചാര്യ രാഘവേശ്വര ഭാരതി സ്വാമികള്‍, വിശ്വേശതീര്‍ത്ഥ സ്വാമികള്‍, സ്വാമി ഗൗതമാനന്ദജി മഹാരാജ്, ഡോ.സലേഹ മഹമൂദ് അബദിന്‍, റവ. ഡോ.ജോവന്‍ ബ്രൗണ്‍ കാബെല്‍
12 റവ. തക്കെഡഹക്കുസായി, സിറില്‍ മാര്‍ ബസേലിയോസ്, റബ്ബി ലീ നോവിക്ക്, സാധ്വി സാമനി കേ ജ്യാതിപ്രജ്ഞ, റവ. ഡോ.ഐപ്പ് ജോസഫ്, ബാവ ജെയിന്‍, പി.പരമേശ്വരന്‍ തുടങ്ങിയ സന്യാസി വര്യന്മാരും മത ആദ്ധ്യാത്മിക രംഗത്തെ പ്രഗല്‍ഭരായ മാര്‍"ദര്‍ശികളും സമ്മേളിക്കുന്ന സത്സംഗം.

അമ്മയുടെ ദിവ്യ സാന്നിദ്ധ്യത്തില്‍ ഉപപ്രധാനമന്ത്രി എല്‍.കെ.അദ്വാനി അമൃതവര്‍ഷം 50 ന്‍റെ ഉദ്ഘാടനവും സുവര്‍ണ്ണ ജയന്തി സ്മരണികയുടെ പ്രകാശനവും നിര്‍വഹിക്കുന്നു.

4 എ.കെ.ആന്‍റണി (കേരള മുഖ്യമന്ത്രി), രവിശങ്കര്‍ പ്രസാദ് (കേന്ദ്ര വാര്‍ത്താ പ്രക്ഷേപണ മന്ത്രി), കെ.എം.മാണി (നിയമ റവന്യൂ മന്ത്രി), ലാരി പ്രെസ്ലര്‍ (മുന്‍ അമേരിക്കന്‍ സെനറ്റര്‍), സെനറ്റര്‍ ഡാതുക്ക് കേയ്വിയസ് (മലേഷ്യ), അലന്‍ ഗാനു (മൗറീഷ്യസ്), യാന്‍ ക്വുനന്‍ (ഫ്രാന്‍സ്) എന്നീ വിശിഷ്ട വ്യക്തികള്‍ പങ്കെടുക്കുന്നു.

6 അമ്മയെക്കുറിച്ച് ഡോ.വിജയ് പി.ഭട്കര്‍ (ഭാരതത്തില്‍ ഇദം പ്രഥമമായി നിര്‍മ്മിച്ച പരം 10000 സൂപ്പര്‍ കംപ്യൂട്ടറിന്‍റെ ഉപജ്ഞാതാവും ശില്‍പ്പിയും) നടത്തുന്ന പ്രഭാഷണം.

9.30 കുമാരി ലിന്‍ഡ എവന്‍സും, മോഹന്‍ലാലും ചേര്‍ന്ന് ഉദ്ഘാടനം ചെയ്യുന്ന കലാ സാംസ്കാരിക വിരുന്നില്‍, പദ്മഭൂശഷണ്‍ ഡോ.പദ്മാ സുബ്രഹ്മണ്യം, ലോണ്‍ഡുഭ് (പരമ്പരാഗത ഐറിഷ് സംഗീതം), കാര്‍വയലന്‍സ് (സ്പെയിന്‍ നാട്ടിലെ നൃത്തവും ഭജനയും), കോക്കിരിക്കോയും കണ്ണമ്മായിയും (ജപ്പാനിലെ നാടോടി നൃത്തം), ഡോ.എല്‍.സുബ്രഹ്മണ്യവും, കവിതാ സുബ്രഹ്മണ്യവും ഒരുക്കുന്ന വിഭവങ്ങള്‍)

2003 സെപ്തംബര്‍ 25 (വ്യാഴാഴ്ച)

8.30 അന്താരാഷ്ട്ര വനിതകളുടെ ഒരു ഉദ്യമം - ഉദ്ഘാടനം കുമാരി യോളണ്ടാ കിംഗ്. അദ്ധ്യക്ഷ - രാജ്യസഭ ഉപാദ്ധ്യക്ഷ ഡോ.നജ്മാ ഹെപ്തുള്ള. ആധുനിക സമുദായത്തില്‍ വനിതകള്‍ക്കു ശക്തി പകരേണ്ട മാര്‍"ങ്ങളെക്കുറിച്ച് ഈ സമ്മേളനം അന്വേഷിക്കും. ദേനാ മെറിയം, ഡോ.കെ.എസ്.ഫാത്തിമാ ബീവി, സ്വാമിനി നിരഞ്ജനാനന്ദ, ഡോ.കപിലാ വാത്സ്യായന്‍, മൃദുലാ സിന്‍ഹ, ഡോ. സലേഹ മഹ് മൂദ് അബദിന്‍, ഡോ.പൂര്‍ണ്ണീമാ അദ്വാനി, പ്രൊഫ.മംഗളം ശ്രീനിവാസന്‍, ജോസഫ് പുലിക്കുന്നേല്‍ എന്നിവര്‍ ഇതില്‍ പങ്കെടുക്കുന്നു.

5.45 അമ്മയും അമ്മയുടെ നിയോഗവും എന്ന വിഷയത്തെക്കുറിച്ച് ഡോ.മുരളീ മനോഹര്‍ ജോഷി (കേന്ദ്ര മാനവ വിഭവ വികസന മന്ത്രി) യുടെ പ്രഭാഷണം.

9.30 പ്രശസ്ത നൃത്ത സംഗീത കലാകാരന്‍മാര്‍ അവതരിപ്പിക്കുന്ന സാംസ്കാരിക വിരുന്നില്‍ പങ്കെടുക്കുന്നവര്‍ പണ്ഡിറ്റ് ഹരിപ്രസാദ് ചൗരസ്യ, ദിവ്യാ ഉണ്ണി, കാവ്യാ മാധവന്‍, നവ്യാ നായര്‍, സുജാ കാര്‍ത്തിക, ദേവീ ചന്ദന എന്നിവര്‍ക്കു പുറമേ മെക്സിക്കോവില്‍ നിന്നുള്ള തേവാ നര്‍ത്തകരും, ജപ്പാനിലെ സൗബുഗന്‍ എന്ന നാടോടിനൃത്ത കലാകാരന്‍മാരും.

2003 സെപ്തംബര്‍ 26 (വെള്ളി)

8.30 യുവജന സമ്മേളനം ഉദ്ഘാടനം - കുകി ഗാല്‍മാനും ശങ്കര്‍ മഹാദേവനും.

8.30 അമ്മയുടെ ദിവ്യസാന്നിദ്ധ്യത്തില്‍ രാഷ്ട്രപതി, ഡോ.എ.പി.ജെ.അബ്ദുള്‍ കലാം അദ്ധ്യക്ഷത വഹിക്കുന്ന ലോകവ്യവസായ പ്രമുഖരുടെ ഉച്ചകോടി സമ്മേളനം..

12 കേന്ദ്രമന്ത്രി സുഷമാ സ്വരാജ് (കുടുംബ ക്ഷേമവകുപ്പ്), കര്‍ണ്ണാടക മുഖ്യമന്ത്രി എസ്.എം.കൃഷ്ണ എന്നിവര്‍ ആഘോഷങ്ങളില്‍ പങ്കെടുക്കുന്നു.

2 ഐക്യരാഷ്ട്ര സംഘടനയില്‍ അംഗത്വമുള്ള 191 രാഷ്ട്രങ്ങളുടെ പ്രതിനിധികള്‍ അവരവരുടെ ദേശീയ പതാകകളം വഹിച്ചുകൊണ്ടുള്ള ഘോഷയാത്ര, സപ്ത സാഗരങ്ങളില്‍ നിന്നും ഭാരതത്തിലെ സപ്ത പുണ്യനദികളില്‍ നിന്നും ശേഖരിച്ച തീര്‍ത്ഥജലം ഒന്നിച്ചു യോജിപ്പിച്ചുകൊണ്ട്, മനുഷ്യമഹത്വം ദിവ്യപ്രേമത്തില്‍ ഒന്നുചേരുന്നുവെന്നു സൂചിപ്പിക്കുന്ന ചടങ്ങും.

4 രാഷ്ട്രപതിയും അമ്മയും 1,00,000 യുവാക്കളെ മുന്‍നിര്‍ത്തി സമൂലമായ ആദ്ധ്യാത്മിക പരിവര്‍ത്തനത്തിന്‍റെയും അന്തര്‍ദേശീയമായ ഉത്ഗ്രഥനത്തിന്‍റെയും അനിവാര്യതയെ ചൂണ്ടിക്കാണിച്ചുകൊണ്ട് രാഷ്ട്രത്തിനു നല്‍കുന്ന ആഹ്വാനം. ചടങ്ങില്‍ മുഖ്യമന്ത്രി എ.കെ.ആന്‍റണിയും സന്നിഹിതനായിരിക്കും.

6.30 മുകേഷ് അംബാനി, ഡോ.വംഗാരി മാതായി, ഹാന്നേ സ്ട്രോംഗ്, സബീര്‍ ഭാട്ടിയ, ബി.വി.ജഗദീഷ്, പദ്മശ്രീ മമ്മൂട്ടി, ജാക്കി ഷെറോഫ്, ഡോ.ശ്രീകാന്ത് ജിഝ്കര്‍, ശങ്കര്‍ മഹാദേവന്‍ തുടങ്ങിയ പ്രമുഖ വ്യക്തികളുടെ പ്രഭാഷണങ്ങള്‍.

9.30 സാംസ്കാരിക പരിപാടികള്‍ : ചൈനയിലെ സിംഹ നൃത്തം, കാമറൂണ്‍ - ഐവറി കോസ്റ്റില്‍ നിന്നുള്ള ആദ്ധ്യാത്മിക സംഗീതം, പെറുവില്‍ നിന്നുള്ള പരമ്പരാഗത ഇന്‍കാ നൃത്തം, ശങ്കര്‍ മഹാദേവന്‍റെ ഭക്തി സംഗീതം.

2003 സെപ്തംബര്‍ 27 ശനിയാഴ്ച

6.30 ജഗ്ജിത്ത് സിങ്ങും സംഘവും അവതരിപ്പിക്കുന്ന ഭജന

9.00 അമ്മയുടെ പാദപൂജയും ജന്മദിന സന്ദേശവും

10.45 ഭാരതീയ സാംസ്കാരത്തിനും വേദ പാരമ്പര്യത്തിനും നല്‍കിയ മഹത്തായ സംഭാവനകളെ മാനിച്ച് നല്‍കുന്ന അമൃതകീര്‍ത്തി ദേശീയ പുരസ്കാരദാനം. ബഹു.ഉപരാഷ്ട്രപതി ഭൈരോണ്‍ സിങ്ങ് ഷേഖാവത്ത് നിര്‍വഹിക്കുന്നു.

അമൃതകീര്‍ത്തി സംസ്ഥാനതല പുരസ്കാരദാനം.

പ്രത്യേക കവറിന്‍റെ പ്രകാശനം - തിരുനാവുക്കരശര്‍ (കേന്ദ്ര സഹമന്ത്രി കമ്മ്യൂണിക്കേഷന്‍ ഇന്ഫര്‍മേഷന്‍ ടെക്നോളജി).
മഹാരാഷ്ട്ര ഉപമുഖ്യമന്ത്രി ഛഗന്‍ ഭുജ്ബാല്‍ ചടങ്ങില്‍ പങ്കെടുക്കുന്നു.

സാമ്പത്തികമായി ദുര്‍ബ്ബലരായ 108 വധൂവരന്മാര്‍ക്ക് അമ്മയുടെ സാന്നിദ്ധ്യത്തില്‍ സൗജന്യ സമൂഹവിവാഹം.
ദേശീയതലത്തില്‍ നടത്തിയ ഉപന്യാസമത്സര വിജയികളായ വിദ്യാര്‍ത്ഥികല്‍ക്കായി മൊത്തം 5,00,000 രൂപയുടെ സമ്മാനദാനം.

മാതാ അമൃതാനന്ദമയീ മഠത്തിന്‍റെ ഭാവി സേവന കാരുണ്യ പ്രവര്‍ത്തനങ്ങളുടെ ഉദ്ഘാടനം

പാവങ്ങള്‍ക്ക് സൗജന്യ നിയമ സഹായം നല്‍കുന്നതിനായൈ രൂപീകൃതമായ 1008 അഭിഭാഷകരടങ്ങിയ ദേശീയ നിയമ സഹായവേദി.

അഗതി മന്ദിരങ്ങളും വൃദ്ധജങ്ങളും

25000 അന്ധന്‍മാര്‍ക്ക് നേത്രദാനം ചെയ്യാനുള്ള അമ്മയുടെ മക്കളുടെയും ആരാധകരുടെയും പ്രതിജ്ഞ.

കലാപരിപാടികള്‍ : പി.ജയചന്ദ്രനും, രാധികാതിലകും അവതരിപ്പിക്കുന്ന ഭക്തിഗാനങ്ങള്‍, ഓസ്ട്രലിയന്‍ പരമ്പരാഗത നൃത്തങ്ങള്‍, പണ്ഡിറ്റ് ദേബു ചൗധരിയുടെ സിത്താര്‍ കച്ചേരി, ലാല്‍ഗുഡി ജയറാമിന്‍റെ വയലിന്‍ കച്ചേരി.

മാതാഅമൃതാനന്ദമയി ചിത്രം കാനില്‍

Wed, 26 Sep 2007 20:36:03 +0530

FILE

കാന്‍, 15/മെയ്/2005 : ലോക പ്രസിദ്ധമായ കാന്‍ ചലചിത്രമേളയില്‍ മാതാ അമൃതാനന്ദമയി ദേവിയെക്കുറിച്ചുള്ള ചലച്ചിത്രം പ്രദര്‍ശിപ്പിക്കും. ജ-ാന്‍ കോനന്‍ എന്ന ഫ്രഞ്ച് ചലച്ചിത്രനിര്‍മ്മാതാവ് നിര്‍മ്മിച്ചതാണ് ദര്‍ശന്‍-ദി എംബ്രേയ്സ് എന്ന മാതാ അമൃതാനന്ദമയിയെ കുറിച്ചുള്ള ചിത്രം. മെയ് പതിനെട്ടിനാണ് ഇത് പ്രദര്‍ശിപ്പിക്കുന്നത്.

2003 ല്‍ നടന്ന മാതാ അമൃതനന്ദമയിയുടെ അന്‍പതാം ജ-ന്മദിനാഘോഷ വേളയില്‍ ആണ് ഈ ചിത്രം നിര്‍മ്മാണം തുടങ്ങിയത്. ഫ്രാന്‍സില്‍ നിന്നുള്ള സിനിമയായാണ് ഈ ചിത്രത്തെ കണക്കാക്കുന്നത്.

മേളയിലെ ഫ്രഞ്ച് സിനിമാ വിഭാഗത്തിലുള്ളവര്‍ സിനിമ പ്രദര്‍ശിപ്പിക്കുന്ന അവസരത്തില്‍ അമൃതാനന്ദമയിയുടെ സാന്നിദ്ധ്യം ഉണ്ടാവണമെന്ന് അപേക്ഷിച്ചിട്ടുണ്ട്. ദേവിയുടെ പ്രതിപുരുഷനായി അവരുടെ ഏറ്റവും ഉന്നത സ്ഥാനത്തുള്ള ശിഷ്യരിലൊരാളെ അതിനായി നിയോഗിച്ചിട്ടുണ്ട്.

കൂടാതെ മാതാ അമൃതാനന്ദമയിയുടെ സന്ദേശം ഉള്‍ക്കൊള്ളുന്ന വീഡിയോ ചിത്രം തദവസരത്തില്‍ പ്രദര്‍ശിപ്പിക്കുന്നതുമാണ്.

അഗസ്ത്യവന്ദനം പ്രകൃതിവന്ദനം

Wed, 23 May 2007 19:54:37 +0530

അഗസ്ത്യാര്‍കൂടം. അഗസ്ത്യമുനി തപസ്സനുഷ്ഠിച്ച പര്‍വ്വതശിഖരമെന്ന് വിശ്വസിക്കപ്പെടുന്ന അഗസ്ത്യാര്‍കൂടത്തിനിപ്പോള്‍ തീര്‍ത്ഥാടന കാലമാണ്.

തീര്‍ത്ഥാടകര്‍ തിരുവനന്തപുരത്ത് നിന്ന് 60 കിലോമീറ്റര്‍ അകലെയുള്ള ബോണക്കാട് എത്തി 30 കിലോമീറ്റര്‍ കാല്‍നടയായി നടന്ന് കരമനയാര്‍, അട്ടയാര്‍, കുട്ടിയാര്‍ എന്നിവയുടെ കൈവഴികള്‍ പിന്നിട്ട് ഏഴുമടക്കന്‍ മലയും മുട്ടിടിച്ചാന്‍ മലയും അതിരുമലയും കടന്ന് പൊങ്കാലപ്പാറയിലെത്തുന്നു.

ഇവിടെ താമ്രപര്‍ണി നദി തീര്‍ക്കുന്ന തടാകത്തില്‍ മുങ്ങിക്കുളിച്ച് കൊടുമുടി കയറുന്നു. അഗസ്ത്യമുടിയുടെ നെറുകയിലുളള ചോലവനത്തിലാണ് അഗസ്ത്യമുനിയുടെ പ്രതിഷ്ഠയുള്ളത്. തീര്‍ത്ഥാടകര്‍ സ്വയം പൂജനടത്തി മലയിറങ്ങുകയാണ് പിന്നെ.

അഗസ്ത്യവന്ദനം പ്രകൃതിവന്ദനമാണിവിടെ. സാഹസികതയും ഭക്തിയും പ്രകൃതിയുമൊക്കെ ഈ യാത്രയില്‍ സമ്മേളിക്കുന്നു. പ്രകൃതിയെ വണങ്ങാനായി മാത്രമൊരു തീര്‍ത്ഥാടനം. അമ്പലമില്ലാത്ത, പൂജാവിധികളില്ലാത്ത, കാണിക്കയും ദക്ഷിണയുമില്ലാത്ത തീര്‍ത്ഥാടനം. മകരവിളക്കുനാള്‍ തുടങ്ങി ശിവരാത്രിയോടെയാണ് ഇവിടുത്തെ തീര്‍ത്ഥാടന കാലം അവസാനിക്കുക.

അതിരുമലയിലേക്കുള്ള യാത്രയില്‍ അപൂര്‍വ്വയിനം പക്ഷികള്‍, ശലഭങ്ങള്‍, മലയണ്ണാന്‍ തുടങ്ങിയവയൊക്കെ കാണാന്‍ കഴിയും. ആന, കാട്ടുപോത്ത്, ഉഗ്രവിഷമുള്ള പാമ്പുകള്‍, കടുവ, പുലി തുടങ്ങിയവയും സുലഭം. ഔഷധ സസ്യങ്ങളുടെ കലവറയിലൂടെ ശുദ്ധവായു ശ്വസിച്ചുകൊണ്ടുള്ള യാത്ര ആയുസ്സ് വര്‍ദ്ധിപ്പിക്കുമെന്നാണ് വിശ്വാസം.

വഴിയരികിലുള്ള ചാത്തന്‍ അപ്പ്, കരടി അപ്പ് എന്നീ പാറയടുക്കുകള്‍ വിശ്രമ കേന്ദ്രങ്ങളാണ്. പുല്‍മേടുകള്‍, ഇലപൊഴിയും വനം, നിത്യഹരിത വനം, ചോലക്കാടുകള്‍ തുടങ്ങി വൈവിധ്യമാര്‍ന്ന ആവാസ വ്യവസ്ഥയിലൂടെയാണ് യാത്ര. വിഗ്രഹത്തിന്‍റെ സാദൃശ്യമുള്ള പാറകള്‍ നിരന്ന് കിടക്കുന്ന വിഗ്രഹപ്പാറ മറ്റൊരു കൗതുകമാണ്. ആദ്യ ദിവസത്തെ യാത്ര ഇവിടെയാണ് അവസാനിക്കുക.മലദേവനായ കറുപ്പാ സ്വാമിയുടെ നടയില്‍ തിരിതെളിയിച്ചാണ് രണ്ടാം ദിവസം യത്ര തുടങ്ങുക. ആനച്ചൂരുള്ള ഈറ്റക്കാടുകള്‍ കടന്ന് പൊങ്കാലപ്പാറയിലെത്തുന്നു. പൂക്കള്‍ നിറഞ്ഞ സസ്യലതാദികളുടെ വൈവിദ്ധ്യവും സമൃദ്ധിയും ആരുടെയും മനം കുളിര്‍പ്പിച്ചേക്കും. അഗസ്ത്യാര്‍കൂടത്തെ കൈലാസത്തോട് ഉപമിക്കുന്ന തീര്‍ത്ഥാടകര്‍ ഈ താഴ്വാരത്തെ തടാകത്തിനെ "മാനസസരോവര്‍' എന്നും വിളിക്കുന്നു.

അഗസ്ത്യഗീതയില്‍ നിന്ന് ഉത്ഭവിച്ച് തമിഴകത്തേക്ക് ഒഴുകുന്ന "താമ്രപര്‍ണ്ണി' തീര്‍ക്കുന്നതാണ് ഈ തടാകം. ഇവിടെ മുങ്ങിക്കുളിച്ച് പൂജയ്ക്കുള്ള തീര്‍ത്ഥവും ശേഖരിച്ചാണ് യാത്ര തുടരുക.

ഇവിടെ മുതലുള്ള യാത്ര വര്‍ണ്ണനാതീതമാണ്. ഓരോ നിമിഷവും മിന്നിമായുന്ന പ്രകൃതിയുടെ ഉദാത്തഭാവങ്ങള്‍. വീശിയടിക്കുന്ന തണുത്ത കാറ്റും അടുത്തു നില്‍ക്കുന്നവരെ പോലും മറയ്ക്കുന്ന കോടമഞ്ഞും, ഭീതിയും സാഹസികതയും പകര്‍ന്നു തരുന്ന ഇരുണ്ട കാനനപാത പിന്നിട്ട് അഗസ്ത്യശൃംഖത്തിലെത്തുമ്പോള്‍ സ്വര്‍ഗ്ഗം തന്നെ മുന്നില്‍ കാണുകയായി. പച്ച പുതച്ച മലനിരകളം അതി സുന്ദരമായ പ്രകൃതി ദൃശ്യങ്ങളും, പേപ്പാറ - നെയ്യാര്‍ ജലസംഭരണികളും അവിടെയെത്തിച്ചേരുന്ന നദികളും.

തീര്‍ത്ഥാടകന് അഗസ്ത്യനെ സ്വയം പൂജിക്കാനുള്ള അസുലഭ സൗഭാഗ്യവും ഇവിടെ കിട്ടും. പിന്നെ അഗസ്ത്യനെയും പ്രകൃതിയെയും വന്ദിച്ച് മലയിറക്കമാണ്.

1869 മീറ്റര്‍ ഉയരമുള്ള അഗസ്ത്യമുനി ഉയരത്തില്‍ കേരളത്തിലെ രണ്ടാം സ്ഥാനക്കാരനാണ്. വനം വകുപ്പിന്‍റെ അനുമതിയോടെയേ ഇവിടെ പ്രവേശനമുള്ളൂ.

നെയ്യാര്‍ഡാം-കൊമ്പൈ-മീന്‍മുട്ടി-ഉണ്ണിക്കടവ് വഴിയും അതിരുമലയിലെത്താം. എന്നാല്‍ ഈ പാത അതി ദുര്‍ഘടമാണ്. തമിഴകത്ത് നിന്ന് മൂങ്ങന്‍തുറൈ റിസര്‍വ് വനത്തിലൂടെയും അംബാസമുദ്രം - കളക്കാട് - ഇഞ്ചിക്കുന്ന് വഴിയും ഇവിടെ തീര്‍ത്ഥാടകരെത്തുന്നു.

ഇന്ന് ശ്രീരാമ ജയന്തി

Wed, 23 May 2007 18:16:20 +0530

ഇന്ന് ചൈത്രമാസത്തിലെ വെളുത്ത പക്ഷത്തിലെ നവമി ദിവസം. ത്രേതായുഗത്തില്‍ ഇങ്ങനെയൊരു ദിവസം പുണര്‍തം നക്ഷത്രത്തിലാണ് ശ്രീരാമന്‍ ജനിച്ചത്.

അതുകൊണ്ട് ചൈത്രമാസ ശുക്ളപക്ഷ നവമി ശ്രീരാമ നവമി എന്ന ശ്രീരാമ ജയന്തി ആയി ആഘോഷിക്കുന്നു. - മിക്കപ്പോഴും ഈ ദിവസം പുണര്‍തം നക്ഷത്രം ആവാറില്ലെങ്കിലും . സനാതന ധര്‍മ്മങ്ങളുടെ പാലകനായ അവതാര പുരുഷനാണ് ശ്രീരാമന്‍.

ഹിന്ദുക്കള്‍ ഈ ദിവസം ഭക്ത്യാദരങ്ങളോടെ കൊണ്ടാടുന്നു. പ്രത്യേകിച്ച് വടക്കേ ഇന്ത്യയില്‍. ശ്രീരാമ ക്ഷേത്രങ്ങളില്‍ വിഗ്രഹത്തില്‍ പഞ്ചാമൃതം അഭിഷേകം ചെയ്യും. ധൂപങ്ങളും ദീപങ്ങളും നൈവേദ്യവും കൊണ്ട് പൂജകള്‍ നടത്തും. രാമായണ പാരായണം, പ്രഭാഷണം എന്നിവയും ഉണ്ടാകാറുണ്ട്.

ശ്രീരാമ ജന്മഭൂമിയായ അയോദ്ധ്യയില്‍ ഈ ദിവസം വളരെ പ്രധാനമാണ്. ഭക്തന്മാര്‍ സരയൂ നദിയില്‍ മുങ്ങിക്കുളിച്ച് ക്ഷേത്രദര്‍ശനം നടത്തുന്നു. ചിലര്‍ ഉച്ചവരെ വ്രതമെടുത്ത് രാമചരിത മാനസം വായിച്ച ശേഷം ഉച്ചയ്ക്ക് ശ്രീരാമ വിഗ്രഹത്തില്‍ അര്‍ച്ചനയും ആരതിയും നടത്തുന്നു.

മറ്റു ചിലര്‍ രാമായണ കഥ പുനരാഖ്യാനം ചെയ്യുന്നു. നാടകമായും നൃത്തമായും ഹരികഥയായും ഈ കഥ അവതരിപ്പിക്കുന്നു. ഗുരു ഗോപിനാഥ് സംവിധാനം ചെയ്ത രാമായണം ബാലെ കേരളത്തില്‍ ആയിരത്തിലേറെ അരങ്ങുകളില്‍ അവതരിപ്പിച്ചുട്ടുണ്ട്.

ഡല്‍ഹിയിലെ ശ്രീരാം ഭാരതീയ കലാ കേന്ദ്രത്തിന്‍റെ രാമ്ലീല എത്രയോ വര്‍ഷമായി തുടരുന്ന വാര്‍ഷിക അവതരണമാണ്. രാം ലീല ഇന്നു കാണുന്ന മട്ടില്‍ അഖില ഭാരതീയ സങ്കല്‍പ്പത്തോടെ ചിട്ടപ്പെടുത്തിയത് ഗുരു ഗോപിനാഥാണ്

താന്‍ പ്രതിഷ്ഠിച്ച രാമേശ്വരം ക്ഷേത്ര ദര്‍ശനം പൂര്‍ണ്ണാമാകണമെങ്കില്‍ കാശി വിശ്വനാഥ ക്ഷേത്രത്തില്‍ കൂടി ദര്‍ശനം നടത്തണമെന്ന് കല്‍പിച്ച ശ്രീരാമന്‍ യുഗങ്ങള്‍ക്ക് മുന്‍പേ അഖണ്ഡഭാരത സങ്കല്‍പമാണ് മുന്നോട്ടു വച്ചത്.

വടക്കും തെക്കും താമസിക്കുന്നവര്‍ ഒരേ സംസ്കൃതിയുടെയും പൈതൃകത്തിന്‍റെയും ഭാഗമാണെന്ന മഹത്തായ സന്ദേശം ശ്രീരാമന്‍ അരുള്‍ചെയ്തു.

ത്യാഗത്തിന്‍റെ ധാര്‍മ്മികത

മര്യാദാ പുരുഷോത്തമന്‍ എന്ന പേരുകേട്ട ശ്രീരാമന്‍റെ ജ-ീവിതം ത്യാഗസുരഭിലമാണ്. സമഭാവനയുടെ സന്ദേശം തരുന്നതാണ്. ത്യാഗത്തില്‍ അധിഷ്ഠിതമായ ഭാരതീയ മൂല്യങ്ങളെയാണ് ശ്രീരാമന്‍റെ ജീവിതം പ്രതിനിധാനം ചെയ്യുന്നത്.

കിരീട ധാരണത്തിന് തൊട്ടു തലേന്ന് രാജ്യം വലിച്ചെറിഞ്ഞ് കാട്ടിലേക്ക് പോകേണ്ടിവന്നു ശ്രീരാമന്. സുഖത്തിലും ദു:ഖത്തിലും ഭര്‍ത്താവിനോടൊപ്പം നിന്ന സീത. എന്നിട്ടും ജ-നഹിതത്തിന് വേണ്ടി പ്രിയതമയെ വെടിയേണ്ടിവന്ന അവസ്ഥ.

ഇവിടെയെല്ലാം മറ്റുള്ളവരെ സഹായിക്കാന്‍ സ്വന്തം സുഖ സൗകര്യങ്ങള്‍ ഉപേക്ഷിക്കുക എന്നത് മനുഷ്യ ധര്‍മ്മമാണെന്ന് ശ്രീരാമന്‍ കാണിച്ചുതന്നു.സമഭാവനയും സമദര്‍ശനവും

മനുഷ്യരോട് മാത്രമല്ല മൃഗങ്ങളോടും പക്ഷികളോടും വൃക്ഷലതാദികളോടും സമഭാവന പുലര്‍ത്തിയ ശ്രേഷ്ഠ വ്യക്തിത്വമായിരുന്നു ശ്രീരാമന്‍. മനുഷ്യരുടെ കാര്യത്തില്‍ ദോഷ ചിന്തയോ ജാതി വ്യത്യാസമോ ശ്രീരാമന്‍ കാണിച്ചില്ല.

വെട്ടേറ്റു വീണ ജടായുവിന്‍റെ ദു:ഖം ശ്രീരാമന് സ്വന്തം ദു:ഖമായി. രാമന്‍റെ മടിയില്‍ കിടന്നാണ് ജടായു മരിക്കുന്നത്

ഗംഗാ തടത്തിലെ കാനന രാജ-ാവായ ഗുഹനെ ശ്രീരാമന്‍ ആശ്ളേഷിച്ചു. കീഴ്ജാതിക്കാരിയായ ശബരിക്ക് മോക്ഷം നല്‍കി. അവരോടൊപ്പം രാമനും നിലത്തിരുന്നു. മനുഷ്യരെല്ലാം ഒന്ന് എന്ന ഏകതാ മാനവ ദര്‍ശനമാണ് ശ്രീരാമന്‍ നല്‍കുന്നത്.

രാമന്‍റെ സൈന്യം വാനരരുടേതാണ്. രാമനും വാനര രാജാവായ സുഗ്രീവനും സഖ്യമുണ്ടാക്കുന്നു. ഇവിടെ പ്രകൃതിയും മനുഷ്യനും തമ്മിലുള്ള സഖ്യമാണ് നടക്കുന്നത്.

സഹോദര പത്നിയെ പീഢിപ്പിച്ചതുകൊണ്ടാണ് വധിക്കേണ്ടിവന്നതെന്ന് ബാലിയെ ധരിപ്പിക്കുമ്പോള്‍ ഇന്നത്തെ ലോകത്തിന് കൂടി ബാധകമായ സ്ത്രീ പീഢനം കൊടിയ പാപമാണെന്ന സന്ദേശം ശ്രീരാമന്‍ നല്‍കി.

ഇന്ന് കുംഭ ഭരണി

Wed, 23 May 2007 18:15:38 +0530

കുംഭ മാസത്തിലെ ഭരണി നാള്‍ ദേവീക്ഷേത്രങ്ങളില്‍ പ്രധാനമാണ്. ഈ മാസങ്ങളില്‍ ദേവി ദര്‍ശനം നടത്തുകയും ഉപാസന നടത്തുകയും ചെയ്യുന്നത് സമസ്ത ജീവിത വിജയങ്ങളും നേടിത്തരുമെന്നാണ് വിശ്വാസം.

ചൊവ്വാ ദോഷങ്ങള്‍ക്കുള്ള പരിഹാരം കൂടിയാണ് ഇത്. കേരളത്തിലെ മിക്ക ദേവീ ക്ഷേത്രങ്ങളിലും ഭദ്രകാളി ക്ഷേത്രങ്ങളിലും കുംഭം, മീനം മാസങ്ങള്‍ വളരെ പ്രധാനമാണ്.കുംഭത്തിലേയും മീനത്തിലേയും ഭരണി നാളുകള്‍ ദേവിക്ക് ഏറ്റവും പ്രിയപ്പെട്ട ദിനങ്ങളായാണ് കരുതുന്നത്. ഈ ദിവസങ്ങളില്‍ ഗോത്രത്തനിമ നിറഞ്ഞതും പൗരാണിക കരകൗശല വിദ്യകള്‍ പ്രദര്‍ശിപ്പിക്കുന്നതുമായ ആഘോഷങ്ങളാണ് ക്ഷേത്രങ്ങളില്‍ നടക്കാറ്.

ചെട്ടികുളങ്ങര ക്ഷേത്രത്തിലെ കെട്ടുകാഴ്ചയോട് കൂടിയ ഭരണി ആഘോഷം തന്നെ ഇതിനൊരു ഉദാഹരണമാണ്. ആറ്റുകാലിലെ പൊങ്കാലയും കുംഭത്തിലാണ്. ചോറ്റാനിക്കര മകം ആഘോഷവും ഇതേ മാസത്തില്‍ തന്നെ.

ചാന്താട്ടം, കുത്തിയോട്ടം, കുരുതി, രക്തപുഷￗാഞ്ജലി, ഗരുഡന്‍ തൂക്കം, താലപ്പൊലി, ഉച്ചാരവേല, പൂരോല്‍സവം, തോറ്റം പാട്ട്, കാളിയൂട്ട്, എന്നിങ്ങനെ ഒട്ടേറെ വഴിപാടുകളും നേര്‍ച്ചകളും ഈ മാസം നടക്കുന്നു.

ഊട്ട്, പാട്ട്, വേല, വിളക്ക്, തീയാട്ട്, കളിയാട്ടം, ഭരണി വേല എന്നിവയാണ് ദേവിയെ പ്രീതിപ്പെടുത്താനുള്ള പ്രധാന വഴിപാടുകള്‍. പൊങ്കാല, ഉച്ചാരവേല, കലംകരിപ്പ്, പൂരോല്‍സവം എന്നിവയും ചില ക്ഷേത്രങ്ങളില്‍ നടത്തിവരുന്നു.

ഇതിനെല്ലാം പ്രകൃത്യാരാധനയുമായി ബന്ധപ്പെട്ട ചടങ്ങുകളാണ് കാണാന്‍ കഴിയുക. ഇതിനര്‍ത്ഥം ദേവീ പൂജയില്‍ പ്രകൃതി ആരാധനയും ഉര്‍വരതാ ആരാധനയും മുന്നിട്ടു നില്‍ക്കുന്നു എന്നതാണ്.

തിരുവനന്തപുരത്തെ പാച്ചല്ലൂര്‍ ചുടുകാട് ശ്രീഭദ്രകാളി ക്ഷേത്രം, ശാസ്തമംഗലം ബ്രഹ്മപുരം മഹാലക്സ്മി ക്ഷേത്രം, പേരൂര്‍ക്കട മണ്ണാമ്മൂല ഭഗവതി ക്ഷേത്രം എന്നീ ക്ഷേത്രങ്ങളില്‍ കുംഭ ഭരണിയോട് അനുബന്ധിച്ച് വിവിധ ആഘോഷങ്ങള്‍ നടക്കുന്നു.

കൊടുങ്ങല്ലൂര്‍ ക്ഷേത്രത്തില്‍ ഇന്നാണ് കൊടിയേറ്റം. വൈരങ്കോട് വലിയ തീയാട്ട്, വേഴപ്പുറ ഭഗവതി ക്ഷേത്രത്തിലും പള്ളിക്കാട്ട് കാവിലും പൊങ്കാല, കൊയിലാണ്ടി കൊല്ലം പിഷാരടി കാവ് കളിയാട്ടം കുറിക്കല്‍, വള്ളിക്കോട് വളയപ്പുള്ളി ഭഗവതി പാട്ടുകുറിയിടല്‍ എന്നിവ കുംഭ ഭരണി നാളില്‍ തുടങ്ങും.

കണിച്ചുകുളങ്ങര ഏഴാം പൂജ, നെല്ലിക്കോട്ടുകാവ് താലപ്പൊലി, കല്‍പ്പത്തൂര്‍ പരദേവതാ ആറാട്ട്, വെള്ളത്തുരുത്തി ഭഗവതി, വല്ലച്ചിറ പുതുക്കുളങ്ങര ഭഗവതി, നെച്ചൂര്‍ മടിക്കല്‍ ഭദ്രകാളി, വേളമാനൂര്‍ ഭഗവതി, ചിറക്കടവ് ദേവി, പാണ്ഡവര്‍കുളങ്ങര ഭഗവതി, ആയൂര്‍ ഭുവനേശ്വരി എന്നീ ക്ഷേത്രങ്ങളില്‍ ഇന്ന് പ്രധാനമാണ്.

കുറിഞ്ഞിപ്പിലാക്കല്‍ ഭഗവതി, തോലേരി കരേക്കണ്ടി ഭഗവതി എന്നീ ക്ഷേത്രങ്ങളില്‍ ഇന്ന് തിറ നടക്കും.ചാങ്ങാട്ട് ഭഗവതിയുടെ ഭരണിയും ഇന്നാണ്. കരുവന്തറ വിളയനാട്ട് കാവില്‍ ഇന്ന് പ്രധാനം.

ചരിത്ര പ്രധാനമായ ചെട്ടികുളങ്ങര കുംഭ ഭരണിയും കെട്ടുകാഴ്ചയും ഇന്നു നടക്കും. ഉത്സവം പ്രമാണിച്ച് മുഴവന്‍ സമയവും ക്ഷേത്രനട തുറന്നിരിക്കും. ദേവിയെ ആവാഹിച്ച ജീവത, കെട്ടുകാഴ്ച ഓരോന്നും സന്ദര്‍ശിക്കുന്നതോടെ ക്ഷേത്രാന്തരീക്ഷം ഭക്തി സാന്ദ്രമാവും.

ചെട്ടികുളങ്ങരയിലെ 13 കരകളില്‍ നിന്നുള്ള കെട്ടുകാഴ്ചകളാണ് ക്ഷേത്രത്തിലെത്തുക. ശ്രീദേവി വിലാസം ഹിന്ദുമത കണ്‍വെന്‍ഷനാണ് ഈ ചടങ്ങുകള്‍ക്ക് മേല്‍നോട്ടം വഹിക്കുന്നത്.

നീലംപേരൂരില്‍ ഇന്നു പടയണി

Wed, 23 May 2007 18:15:18 +0530

2006 സപ്റ്റംബര്‍ 21

ചങ്ങനാശ്ശേരി: നീലമ്പേരൂര്‍ ഗ്രാമം ഇന്ന് ഉണര്‍ന്നിരിക്കും അവിടത്തെ ക്ഷേത്രത്തിലെ പൂരം പടയണി ഇന്നാണ്.

ഇന്ന് പൂരം പടയണിയുടെ തട്ടകം ഒരുങ്ങിക്കഴിഞ്ഞു.. രണ്ടാഴ്ചയായി നടക്കുന്ന ചടങ്ങുകള്‍ ഇന്ന് അവസ്സനിക്കും. വര്‍ഷത്തിലൊരിക്കല്‍ എത്തുന്ന പടയണി നട്ടുകാലുടെ മഹൊത്സവമായി മാറുകയാണിവിടെ

ഇന്ന് 7.30 ന് അ ത്താഴപൂജയ്ക്കു ശേഷം പടയണിച്ചടങ്ങുകള്‍ ആരംഭിക്കും. എട്ടു മണിക്ക് പുത്തന്‍ അന്നങ്ങളുടെ തേങ്ങാമുറിക്കല്‍, 10ന് കുടംപൂജകളി, 10.30 ന് മേല്‍ശാന്തി ശങ്കരന്‍ നമ്പൂതിരിയുടെ മുഖ്യ കാര്‍മിക ത്വത്തില്‍ സര്‍വപ്രായശ്ഛിത്തം.
അത്.

ദേവസ്വം പ്രസിഡന്‍റ് വില്യാടം ഗോപിനാഥന്‍ നായര്‍ അനുജ്ഞ വാങ്ങും. പിന്നെ തോത്താക്കളിയാണ്. പള്ളി ഭഗവതിയു ടെ സന്നിധിയില്‍ പാതിരാ അടുക്കുമ്പോള്‍ പു ത്തന്‍ അന്നങ്ങളുടെ എഴു ന്നള്ളത്ത് ആരംഭിക്കും. രാത്രി 11 മണിയോടെ പുത്തന്‍ അന്നങ്ങളുടെ തിരുനട സമര്‍പ്പണം നടക്കും.

അതുകഴിഞ്ഞാല്‍ വലിയ അന്നങ്ങള്‍ കോലങ്ങള്‍, സിംഹം, പൊയ്യാനപ്പുറത്ത് എഴുന്നള്ളിപ്പ് എന്നിവക്കുശെഷം അരിയും തിരിയും വയ്പ്പോടുകൂടി ആഘോഷങ്ങള്‍ സമാപിക്കും.

ചൂട്ടു വയ്പ്പ് തട്ടുകുട തുടങ്ങിയ ചടങ്ങുകള്‍ കഴിഞ്ഞ ദിവസങ്ങളില്‍ സമാപിച്ചു. തെങ്ങിന്‍ മടലില്‍ പൂക്കള്‍ പലതട്ടുകളായി വച്ച് ഒരുക്കിയ തട്ടുകുടയുമായി കണ്ണനാമുണ്ണിയെ കാണുമാറാകണം എന്നഗാനാലാപത്തോടെ എഴുന്നള്ളിക്കുന്ന ചടങ്ങാണ് കുട നീര്‍ത്ത്.

കഴിഞ്ഞ ദിവസങ്ങളില്‍ വിവിധകോലങ്ങള്‍ ദേവിക്കു മുന്നിലേക്ക് എഴുന്നള്ളിച്ചു.പ്ളാവില കോലങ്ങള്‍,ആന ഹനൂമാന്‍,ഭീമസേനന്‍ തുടങ്ങിയ കോലങ്ങളാണ് ആടിയത്..കുടം പൂജകളി, തോതാക്കളി,വേലകളിപിണ്ടിയും കുരുത്തോലയും കൊടിക്കൂറ തുടങ്ങിയവ രാതി ഉണ്ടായിരുന്നു.

ശ്രീരാമ നവമി ഇന്ന്

Wed, 23 May 2007 18:02:18 +0530

ശ്രീരാമചന്ദ്ര ഭഗവാന്‍റെ ജന്മദിനമാണ് ഹിന്ദുക്കള്‍ ശ്രീരാമനവമിയായി ആഘോഷിക്കുന്നത്. ജനനശേഷം വര്‍ഷങ്ങള്‍ കഴിഞ്ഞ് ശ്രീരാമന്‍ സീതാ ദേവിയെ വിവാഹം ചെയ്തതും ഈ ദിനമാണെന്നാണ് സങ്കല്പം.

ചൈത്രശുക്ള നവമി മധ്യാഹ്നത്തില്‍ വരുന്ന ദിവസമാണിത്. മഹാവിഷ്ണുവിന്‍റെ ഏഴാമത്തെ അവതാരമായാണ് ശ്രീരാമനെ കണക്കാക്കുന്നത്.

സൂര്യവംശരാജാവായിരുന്ന ദശരഥന്‍റേയും കൗസല്യയുടേയും പുത്രനായാണ് ശ്രീരാമന്‍റെ ജനനംഅസുര രാജാവായ രാവണനെ കൊല്ലുകയായിരുന്നു ശ്രീരാമഅവതാരത്തിന്‍റെ ലക്ഷ്യം.

ശ്രീരാമനവമി ദിവസത്തില്‍ ഭക്തി പുരസ്സരം വ്രതം നോറ്റ് രാമനാമം ജപിക്കുന്നത് മോക്ഷപ്രാപ്തിക്കായുള്ള മാര്‍ഗ്ഗമായാണ് കരുതുന്നത്. ഭാരതത്തിലെ ചിലയിടങ്ങളില്‍ ശ്രീരാമ നവമി ആഘോഷങ്ങള്‍ ഒന്‍പത് ദിവസം നീണ്ടു നില്‍ക്കുന്നു.

വസന്ത നവരാത്രിയുമായി ബന്ധപ്പെടുത്തിയും ശ്രീരാമനവമി ആഘോഷിക്കുന്നു.

സ്നേഹപൂര്‍ണമായ പ്രകൃതം, നിസ്വാര്‍ത്ഥമായ പെരുമാറ്റം, സര്‍വോപരി എകപത്നീവ്രതം എന്നിവ അദ്ദേഹത്തെ ആദര്‍ശപുരുഷനാക്കുന്നു. ആ നിലയില്‍ ഒരു മാതൃകാ രാജാവായിട്ടാണ് വാല്മീകിയുടെ രാമായണത്തില്‍ രാമനെ ചിത്രീകരിച്ചിട്ടുള്ളത്. എന്നാല്‍ ഭാഗവതത്തിലെ രാമന്‍ അവതാരപുരുഷനാണ്.

ഇന്ന് ചെട്ടികുളങ്ങര കുംഭഭരണി

Wed, 23 May 2007 18:01:59 +0530

2006 മാര്‍ച്ച് 4
ചരിത്രപ്രസിദ്ധമായ ചെട്ടികുളങ്ങര കുംഭഭരണി മഹോത്സവം ഇന്ന്. ഉത്സവം പ്രമാണിച്ച് ഇന്നു മുഴുവന്‍ സമയവും ക്ഷേത്രനട തുറന്നിരിക്കും. ദേവിയെ ആവാഹിച്ച ജീവത ഓരോ കെട്ടുകാഴ്ചയും സന്ദര്‍ശിക്കുന്നതോടെ ദേവീനാമങ്ങളാല്‍ അന്തരീക്ഷം ഭക്തിസാന്ദ്രമാകും.

മാര്‍ച്ച് 4 ന് ശനിയാഴ്ചസന്ധ്യയോടെ കെട്ടുകാഴ്ചകള്‍ ക്ഷേത്രമൈതാനിയില്‍ ദൃശ്യവിസ്മയം ഒരുക്കും. പതിമൂന്നുകരകളുടെയും പ്രാതിനിധ്യമുള്ള ശ്രീദേവീവിലാസം ഹിന്ദുമത കണ്‍വന്‍ഷനാണ് ഉത്സവത്തിനു മേല്‍നോട്ടം വഹിക്കുന്നത്.

കരകൗശല കൗതുകങ്ങളും വര്‍ണ്ണാഭങ്ങളുമായ കെട്ടുകാഴ്ചകള്‍ക്ക് പുകള്‍പെറ്റതാണ്ചെട്ടികുളങ്ങര ഭരണി മഹോത്സവം. ക്ഷേത്രവുമായി ബന്ധപ്പെട്ട 13 കരകളില്‍ നിന്നെത്തുന്ന കുതിരകള്‍, തേരുകള്‍, ഭീമന്‍, ഹനുമാന്‍, പഞ്ചാലി എന്നിവയാണ് കെട്ടുകാഴ്ചകള്‍. ശിവരാത്രി നാളില്‍ തുടങ്ങിയതാണ് ഇതിനുള്ള ഒരുക്കങ്ങള്‍.

വൈകിട്ട് പതിമൂന്നു കരകളില്‍ നിന്നുള്ള അംബരചുംബികളായകെട്ടുകാഴ്ചകള്‍ ക്ഷേത്രനടയില്‍ എത്തി ദര്‍ശനം നടത്തിയ ശേഷം കിഴക്കുവശമുള്ള വയലില്‍ മുറപ്രകാരം ഇറക്കിവയ്ക്കും. ആറു കരക്കാര്‍ കുതിരകളും അഞ്ച് കരക്കാര്‍ തേരുകളും രണ്ടു കരക്കാര്‍ ഭീമസേനന്‍, ഹനുമാന്‍, പാഞ്ചാലി എന്നിവരുടെ രൂപങ്ങളുമാണു കെട്ടുകാഴ്ചയായി ക്ഷേത്രത്തില്‍ എത്തിക്കുന്നത്.

നരബലിയുടെ പ്രതീകാത്മകചടങ്ങായ കുത്തിയോട്ടം ശനിയാഴ്ച രാവിലെ തുടങ്ങിആചാരപ്പെരുമയും അനുഷ്ഠാനവിശുദ്ധിയും ഒത്തുചേരുന്ന കുംഭഭരണിയോടനുബന്ധിച്ച് വമ്പിച്ച വാണിഭങ്ങളും നടക്കും.കുടാതെ ഭരണിനാളിലെ തിരക്ക് പ്രമാണിച്ച് കെ.എസ്.ആര്‍.റ്റി.സിയും മറ്റും സ്പെഷ്യല്‍ സര്‍വീസുകളും നടത്തും.കുത്തിയോട്ടവും കെട്ടുകാഴ്ചയും കാണാന്‍ നാനാഭാഗങ്ങളില്‍ നിന്നും ആയിരക്കണക്കിന് ആളുകളാണ് ചെട്ടികുളങ്ങരയില്‍ എത്തുന്നത്.

കുത്തിയോട്ടം

കുത്തിയോട്ടത്തിനുള്ള ബാലന്മാരെ 'ചൂരല്‍ മുറിയുന്ന" ചടങ്ങ് പുലര്‍ച്ചെ നടന്നു ബാലന്മാരെ ഒരുക്കി തലയില്‍ കിന്നരിവച്ച തൊപ്പി, മണിമാല, കയ്യില്‍ മടുവും കാപ്പും എന്നിവ ധരിപ്പിച്ച ശേഷം ദേഹമാസകലം കളഭം പൂശി തറ്റുടുപ്പിച്ച് അതിനു മുകളിലായി വാഴയില വാട്ടിക്കെട്ടി അരമണി ചാര്‍ത്തി.

ഇരുകൈകളും ശിരസിനു മുകളില്‍ ചേര്‍ത്തു പിടിച്ച് കയ്യില്‍ പഴുക്കാപ്പാക്ക് തറച്ച കത്തി പിടിപ്പിച്ചു .
പിന്നീട് കുട്ടികളുടെ അരയില്‍ സ്വര്‍ണ്ണമോ, വെള്ളിയോ കൊണ്ടു നിര്‍മ്മിച്ച നൂല്‍ കോര്‍ത്തു .ഇതാണ് ചൂരല്‍ മുറിയല്‍

വെഞ്ചാമരം കൊണ്ടു വീശിയും പനിനീര്‍ തളിച്ചും ഘോഷയാത്രയായാണ് ബാലന്മാരെ ക്ഷേത്രത്തിലേക്ക് കൊണ്ടുവന്നത്. അവസാനിച്ചു . ലോഹനൂല്‍ ഊരിയെടുത്ത് ദേവിക്ക് സമര്‍പ്പിക്കുന്നതോടെ കുത്തിയോട്ടം വഴിപാട് അവസാനിച്ചു .

ശ്രീവളയനാട് ക്ഷേത്രോത്സവം കൊടിയേറി

Mon, 21 May 2007 13:36:35 +0530

ശ്രീവളയനാട് ക്ഷേത്രോത്സവം കൊടിയേറി

കോഴിക്കോട്: സാമൂതിരി രാജ-ാക്കന്മാരുടെ പരദേവതാ ക്ഷേത്രമായ ഗോവിന്ദപുരം ശ്രീവളയനാട് ദേവീ ക്ഷേത്ര മഹോത്സവത്തിന് തിങ്കളാഴ്ച രാത്രി കൊടിയേറി. ഫെബ്രുവരി ഏഴുമുതല്‍ 12 വരെയാണ് ഉത്സവം.

ക്ഷേത്രം തന്ത്രി ചേന്നാസ് ശങ്കരനാരായണന്‍ നമ്പൂതിരിപ്പാട് കൊടിയേറ്റിന് മുഖ്യകാര്‍മികത്വം വഹിച്ചു. കേരളത്തില്‍ ശാക്തേയ പൂജ- നടക്കുന്ന ക്ഷേത്രങ്ങളില്‍ പ്രധാനമാണ് ശ്രീ വളയനാട് ക്ഷേത്രം ഉത്സവകാലത്ത് മാത്രമേ ഇവിടെ ഉത്തമത്തില്‍ പൂജ- ഉണ്ടാകാറുള്ളൂ.

പ്രസിദ്ധമായ പള്ളിവേട്ട 12 ന് രാത്രി 8 മണിക്ക് തുടങ്ങും. അന്ന് 12 മണിയോടെ മരിമരുന്ന് പ്രയോഗം, പിന്നെ പള്ളിക്കുറുപ്പ്.

13 ന് വൈകുന്നേരം 5 മണിക്ക് വിഗ്രഹം എഴുന്നള്ളിച്ച് തറക്കല്‍ ക്ഷേത്രത്തിലെത്തിക്കും. രാത്രി ആറാട്ടുകടവായ മാങ്കാവിലെ തൃശ്ശാലക്കുളത്തില്‍ എത്തി രാത്രി 12 ന് ക്ഷേത്രത്തില്‍ മടങ്ങിയെത്തുന്നതോടെ ഉത്സവം സമാപിക്കും
ക്ഷേത്രം ട്രസ്റ്റിമാരായ കെ.വി. സേതുമാധവന്‍, പ്രജീഷ് തിരുത്തിയില്‍, ചോലക്കുളങ്ങര മുരളീധരന്‍ തുടങ്ങിയവര്‍ കൊടിയേറ്റ് ചടങ്ങില്‍

കൊടിയേറ്റിനുമുമ്പായി അവകാശികള്‍ കൊടി എഴുന്നള്ളിച്ച് വടക്കേ നടയില്‍ വെച്ചു. കൊടിയേറി കഴിഞ്ഞശേഷം കരിമരുന്നുപ്രയോഗം ഉണ്ടായിരുന്നു..
സാംസ്കാരികസമ്മേളനം സാമൂതിരിരാജാവ് പി.കെ.എസ്. രാജയും . കലാപരിപാടികള്‍ മേയര്‍ എം. ഭാസ്കരനും ഉദ്ഘാടനം ചെയ്തു. ഉത്സവാഘോഷക്കമ്മിറ്റി പ്രസിഡന്‍റ് എന്‍. കേശവന്‍ മൂസ്സത് അധ്യക്ഷതവഹിച്ചു.

ചാക്യാര്‍കൂത്ത്, ഓട്ടന്‍ തുള്ളല്‍, തായമ്പക തുടങ്ങിയ പരിപടികള്‍ക്ക് പുറമെ ഉത്സവപ്പറമ്പില്‍ ഗാനമേള, മിമിക്രി, നൃത്തനൃത്യങ്ങള്‍, ശാസ്ത്രീയസംഗീതം തുടങ്ങിയ കലാപരിപാടികളും നടക്കുന്നുണ്ട്.