നിര്മ്മാതാവ് ഗോകുലം ഗോപാലനും നായികമാരിലൊരാളായ പത്മപ്രിയയ്ക്കും ഒപ്പമാണ് പഴശ്ശിരാജ കണ്ടത്. പഴശ്ശിരാജ’ എന്ന ടൈറ്റില് തെളിഞ്ഞപ്പോള് രജനീകാന്ത് ചിത്രങ്ങളുടെ റിലീസിന് തുല്യമായ പ്രതികരണം. വര്ണക്കടലാസുകള് കീറിപ്പറത്തുന്നവര്. സ്ക്രീനിനു മുന്നില് നൃത്തം ചവിട്ടുന്നവര്. ആര്പ്പുവിളികള്. കേരളത്തിലാണോ ഇതു സംഭവിക്കുന്നതെന്ന് അമ്പരന്നു പോയി. മലയാളത്തിലെ ഒരു സൂപ്പര്സ്റ്റാര് ചിത്രത്തിന് ഇതുവരെ ലഭിച്ചിട്ടുള്ളതില് ഏറ്റവും ഗംഭീരമായ സ്വീകരണംപക്ഷേ, പഴശ്ശിരാജയെ പരിചയപ്പെടുത്തിക്കൊണ്ടുള്ള മോഹന്ലാലിന്റെ അവതരണം ആരാധകബഹളത്തില് മുങ്ങിപ്പോയി.)
PROപഴശ്ശിത്തമ്പുരാനായി മമ്മൂട്ടി നിറഞ്ഞാടിയപ്പോള്, ഇത് സിനിമയാണെന്നു പോലും മറന്ന് പ്രേക്ഷകര് ത്രസിച്ചിരുന്നു. പഴശ്ശിരാജ വെറുമൊരു സിനിമയല്ല. 1700കളിലെ ഇന്ത്യയെ പുനഃസൃഷ്ടിച്ചിരിക്കുകയാണ്. ബ്രിട്ടീഷ് ഈസ്റ്റിന്ത്യാ കമ്പനിയുടെ അധിനിവേശത്തിന്റെയും പഴശ്ശിരാജയുടെ ചെറുത്തുനില്പ്പിന്റെയും വീരഗാഥ. വയനാടന് കര്ഷകരുടെ വിയര്പ്പിന്റെയും അധ്വാനത്തിന്റെയും അതിജീവനത്തിന്റെയും ചരിത്രം