ഹോളിവുഡ് സിനിമകളുടെ തമിഴ് മൊഴിമാറ്റം കലാഭവന് പ്രദീപിന്റെ പ്രിയ ശിഷ്യ അവതരിപ്പിച്ചപ്പോള് കൃസ്ത്യന് കോളേജ് മൈതാനിയില് കയ്യടി ഉയര്ന്നു. അതേസമയം മിമിക്രി വേദിയില് ആവര്ത്തന വിരസത അനുഭവപ്പെട്ടതായാണ് പൊതുവേ വിലയിരുത്തപ്പെട്ടത്. മൃഗങ്ങളുടെയും ട്രെയിന് ഓടുന്നതിന്റെയും ഹെലികോപ്റ്റര് പറക്കുന്നതിന്റെയും പ്രഭാതം പൊട്ടിവിടരുന്നതിന്റെയും ശബ്ദങ്ങള് ആവര്ത്തിച്ചെത്തിയത് ഏറെ പ്രതീക്ഷയുമായെത്തിയവരെ നിരാശരാക്കി. എങ്കിലും കോഴിക്കോട് സെന്റ് ജോസഫ് സ്കൂളിലെ രാഹുലനെപ്പോലെയുള്ളവരുടെ വേറിട്ട അവതരണ ശൈലി കാണികളില് ചിരി പടര്ത്തി.