സമരങ്ങള് (ഹര്ത്താലുകളും ബന്ദുകളും) ഒരാചാരം പോലെ സംസ്ഥാനത്തെ പൊതുജന ജീവിതം കാന്സര് പോലെ കാര്ന്ന് തിന്നാന് തുടങ്ങിയിട്ട് ദശാബ്ദങ്ങളായി. ഹര്ത്താല് ദിനത്തില് സ്വതന്ത്രമായി സഞ്ചരിക്കാരുള്ള സാഹചര്യം പോയിട്ട് ഒന്ന് മുള്ളണമെങ്കില് തന്നെ ഇവരുടെ സമ്മതം വേണം. അയല് സംസ്ഥാനങ്ങള് പുരോഗതിയില് നിന്നും പുരോഗതിയിലേക്ക് പ്രായാണം ചെയ്യുമ്പോള് ഇവിടെ ജനജീവിതം അടിക്കടി ദുസ്സഹനീയമായി തീരുന്നു! ഇരു മുന്നണികളും ഈ വിഷയത്തില് ഒരേ സമീപനം തന്നെ. വന്ന് വന്ന് ആളില്ലാ പാര്ട്ടിയായ PDP പോലും സംസ്ഥാന ഹര്ത്താലിന് മുതിരുന്ന സാഹചര്യം അത്ര വിദൂരമെല്ല! കോടതി ബന്ദു നിരോധിച്ചപ്പോള് അത് പേരുമാറി ഹര്ത്താല് ആയി പരിണമിച്ചു. ഒരു വര്ഷത്തില് 35% വരെ പ്രവര്ത്തി ദിവസങ്ങള് (സ്കൂളുകളും, മറ്റ് പ്രവര്ത്തി മേഖലകളും) അപഹരിക്കപ്പെടുന്ന ഈ കാട്ട് നീതിക്കൊരു അറുതിവരാതെ കേരളം രക്ഷപ്പെടില്ല!