ഓര്‍മ്മയില്‍ സൂക്ഷിക്കാന്‍-ബന്ധവ്ഗഡ്

ഹിമം

PTI
പക്ഷികളുടെ കളകളാരവവും ഹരിതാഭമായ വന ഭംഗിയും ഏതൊരു വിനോദ സഞ്ചാരിയും ഓര്‍മ്മയില്‍ സൂക്ഷിക്കാന്‍ ഇഷ്ടപ്പെടുന്ന അനുഭങ്ങളായിരിക്കും. അപ്രതീക്ഷിതമായി മുന്നില്‍ വന്നെത്തുന്ന കാട്ടിലെ രാജാക്കന്‍‌മാര്‍ കൂടിയായാല്‍ സഞ്ചാരി സംതൃപ്തിയുടെ പരകോടിയിലെത്തുമെന്ന് ഉറപ്പ്.

ഏറ്റവും വലിയ സംസ്ഥാനമെന്ന് പേരു കേട്ട മധ്യ പ്രദേശ് വന ഭൂമിയുടെ കാര്യത്തിലും മുന്നിലാണ്. ഇവിടത്തെ ബന്ധവ്ഗഡ് ദേശീയ പാര്‍ക്ക് വിനോദ സഞ്ചാരികളുടെ പറുദീസ തന്നെയാണ്. കണ്ണുകളിലേക്ക് അത്ഭുതത്തിന്‍റെ തിരിവെട്ടം പകര്‍ന്ന് പാറിയെത്തുന്ന പക്ഷികള്‍, പ്രകൃതിയുടെ പച്ചപ്പ് നിര്‍ല്ലോഭം വാരിയണിഞ്ഞു കിടക്കുന്ന പുല്‍‌മേടുകള്‍, വിന്ധ്യ പര്‍വതത്തിന്‍റെ മടിത്തട്ടിലെ ഈ ഉദ്യാനം ആനന്ദകരമായ കാഴ്ച തന്നെയെന്ന് ആരും സമ്മതിക്കും.

PRATHAPA CHANDRAN|
കടുവകളാണ് ഈ വന്യജീവി സംരക്ഷണ കേന്ദ്രത്തിന്‍റെ മുഖ്യ ആകര്‍ഷണം. മാമരങ്ങളും മുളംങ്കാടുകളും പുല്‍‌മേടുകളും നിറഞ്ഞ ഇവിടെ കുന്നുകളും താഴ്‌വരകളും ചേര്‍ന്ന് വൈവിധ്യതയൊരുക്കുന്നു. മൊത്തം 407 ചതുരശ്ര കിലോമീറ്ററിലാണ് ബന്ധവ്ഗഡ് പരന്നു കിടക്കുന്നത്. നവംബര്‍ പകുതിമുതല്‍ ജൂണ്‍ വരെയുള്ള സമയമാണ് സന്ദര്‍ശനത്തിന് ഏറ്റവും അനുയോജ്യം. ജൂലൈ മുതല്‍ നവംബര്‍ വരെ സന്ദര്‍ശകരെ അനുവദിക്കില്ല.


ഇതിനെക്കുറിച്ച് കൂടുതല്‍ വായിക്കുക :