അമേരിക്കന് കാപ്പി കമ്പനിയായ സ്റ്റാര്ബക്സ് ഇന്ത്യന് വിപണിയിലെത്തുന്നു. ഇന്ത്യയിലെ പ്രമുഖ കാപ്പി കമ്പനിയായ ടാറ്റാ കോഫീ ലിമിറ്റഡുമായി ചേര്ന്നാണ് സ്റ്റാര്ബക്സിന്റെ ഈ നീക്കം . ഇതുസംബന്ധിച്ച് ടാറ്റാ കോഫീ ലിമിറ്റഡുമായി സ്റ്റാര്ബക്സ് ധാരണാ പത്രം ഒപ്പു വെച്ചു.
ടാറ്റാ കോഫി ലിമിറ്റഡിന്റെ റീടെയില് സ്റ്റോറുകളിലൂടെയായിരിക്കും സ്റ്റാര്ബക്സിന്റേയും ഉല്പ്പന്നം വില്ക്കുക. ടാറ്റാ കോഫിയുടെ കുടകിലെ യൂണിറ്റും സ്റ്റാര്ബക്സ് ഉപയോഗിക്കും. സ്റ്റാര് ബക്സിന് ലോകവ്യാപകമായി 16000 സ്റ്റോറുകളാണുള്ളത്.