WEBDUNIA|
Last Updated:
ബുധന്, 23 ഏപ്രില് 2014 (13:08 IST)
PRO
PRO
കായികക്കുതിപ്പിന്റെ ആവേശപ്പോരാട്ടങ്ങള്ക്ക് ഇനി ഏഴ് ദിവസങ്ങള് മാത്രം. ഓരോ അണുവിലും വാശിയും ആവേശവും നിറച്ച് പ്രതിഭയുടെ മിന്നല്പ്പിണരാകാന് താരങ്ങള് ഒരുങ്ങിക്കഴിഞ്ഞു. നേട്ടങ്ങളുടെ കൊടുമുടിയിലേക്ക് ഓടിയും ചാടിയും വിസ്മയങ്ങള് തീര്ക്കാന് താരങ്ങള്ക്ക് വേണ്ട എല്ലാ സൌകര്യങ്ങളുമായി ലണ്ടനിലെ മത്സര മൈതാനങ്ങളും ഒരുങ്ങിക്കഴിഞ്ഞു. ഒളിമ്പിക്സിലെ സുവര്ണനേട്ടങ്ങളുടെയും നിമിഷങ്ങളുടെ മാത്രം പിഴവിലെ നഷ്ടങ്ങളുടെയും ചരിത്ര കൌതുകങ്ങളുടെയും വിവരണങ്ങളും വാര്ത്തകളുമായി വെബ്ദുനിയയും ഈ ആവേശത്തില് പങ്കുചേരുന്നു. പ്രത്യേക ഒളിമ്പിക്സ് വാര്ത്തകള് ദിവസവും വെബ്ദുനിയയില് വായിക്കാം.
പിന്തിരിയാനല്ല; മിന്നല്പ്പിണരാകാന് ലിയു!
PRO
PRO
ബീജിംഗ് ഒളിമ്പിക്സില് ചൈനയായിരുന്നു ചാമ്പ്യന്മാര്. പക്ഷേ ചൈനക്കാര് ഒരിക്കലും ഓര്ക്കാന് ഇഷ്ടപ്പെടാത്ത ഒരു സംഭവവും ബീജിംഗ് ഒളിമ്പിക്സില് നടന്നിരുന്നു. ട്രാക്കില് ചൈനയുടെ അഭിമാനതാരമായ ലിയു സിയാങ് പിന്തിരിഞ്ഞ നിമിഷമായിരുന്നു ആതിഥേയരാഷ്ട്രത്തെ നടുക്കിയത്. ട്രാക്കില് കുതിച്ചുപാഞ്ഞു സ്വര്ണം സ്വന്തമാക്കുമെന്ന് ചൈനക്കാര്ക്ക് ഉറപ്പുണ്ടായിരുന്ന ലിയു പരുക്കിനെ തുടര്ന്ന് മത്സരത്തിനിടെ പിന്മാറുകയായിരുന്നു.
പക്ഷേ ഇത്തവണ പിന്തിരിയില്ലെന്ന് ഉറപ്പിച്ചുതന്നെയാണ് ലിയു ലണ്ടനിലേക്ക് എത്തുന്നത്. കഴിഞ്ഞ തവണ പിന്മാറേണ്ടി വന്നപ്പോള് ചൈനക്കാര്ക്ക് ലിയു ഒരു വാക്കുകൊടുത്തിരുന്നു. ലണ്ടനില് സ്വര്ണനേട്ടം സ്വന്തമാക്കി നാട്ടില് തിരിച്ചെത്തുമെന്ന്. ആ വാഗ്ദാനം പാലിക്കാന് ലണ്ടനില് ലിയു മിന്നല്പ്പിണരാകുമെന്ന് തന്നെയാണ് ചൈനക്കാര് കരുതുന്നത്. 110 മീറ്റര് ഹര്ഡില്സില് മത്സരിക്കുന്ന ലിയു ലോകറെക്കോര്ഡിനൊപ്പമെത്തിയ പ്രകടനം കാഴ്ചവച്ചാണ് ലണ്ടനിലെത്തുന്നത്.
ലോക റെക്കോര്ഡ്, ലോക ചാമ്പ്യന്, ഒളിമ്പിക്സ് ചാമ്പ്യന് എന്നീ നേട്ടങ്ങള് സ്വന്തമാക്കുന്ന ആദ്യത്തെ ചൈനീസ് അത്ലറ്റാണ് ലിയു. 2004 ഒളിമ്പിക്സിലാണ് ലിയു സ്വര്ണം നേടിയത്.
ഒളിമ്പിക്സ് വാര്ത്തകള് വായിക്കാന് ചുവടെ ക്ലിക്ക് ചെയ്യുക