കായികക്കുതിപ്പിന്റെ ആവേശപ്പോരാട്ടങ്ങള്‍ക്ക് ഇനി നാല് ദിവസങ്ങള്‍ മാത്രം. ഓരോ അണുവിലും വാശിയും ആവേശവും നിറച്ച് പ്രതിഭയുടെ മിന്നല്പ്പിണരാകാന് താരങ്ങള്‍ ഒരുങ്ങിക്കഴിഞ്ഞു. നേട്ടങ്ങളുടെ കൊടുമുടിയിലേക്ക് ഓടിയും ചാടിയും വിസ്മയങ്ങള്‍ തീര്‍ക്കാന്‍ താരങ്ങള്‍ക്ക് വേണ്ട എല്ലാ സൌകര്യങ്ങളുമായി ലണ്ടനിലെ മത്സര മൈതാനങ്ങളും ഒരുങ്ങിക്കഴിഞ്ഞു. ഒളിമ്പിക്സിലെ സുവര്‍ണനേട്ടങ്ങളുടെയും നിമിഷങ്ങളുടെ മാത്രം പിഴവിലെ നഷ്ടങ്ങളുടെയും ചരിത്ര കൌതുകങ്ങളുടെയും വിവരണങ്ങളും വാര്‍ത്തകളുമായി വെബ്ദുനിയയും ഈ ആവേശത്തില്‍ പങ്കുചേരുന്നു. പ്രത്യേക ഒളിമ്പിക്സ് വാര്‍ത്തകള്‍ ദിവസവും വെബ്ദുനിയയില്‍ വായിക്കാം.
പ്രായം 71. പക്ഷേ വയസ്സനെന്ന് പറഞ്ഞ് വെറുതെ വീട്ടിലിരിക്കാനൊന്നും ഹൊകെട്സു ഹിറോഷിയെ കിട്ടില്ല. ലോക കായിക മാമാങ്കത്തില്‍ പോരാട്ടത്തിനെത്തിയിരിക്കുകയാണ് ഹിറോഷി. ഇക്വസ്ട്രിയന്‍ താരമായാണ് ജപ്പാനിലെ ഹിറോഷി ലണ്ടന്‍ ഒളിമ്പിക്സിനെത്തിയിരിക്കുന്നത്.
ഹിറോഷി 1964ലാണ് ആദ്യമായി ഒളിമ്പിക്സില്‍ പങ്കെടുക്കുന്നത്. ഷോ ജമ്പിംഗില്‍ നാല്‍പ്പതാം സ്ഥാനത്തായിരുന്നു ഹിറോഷി. 1988 ഒളിമ്പിക്സിലും യോഗ്യത നേടിയെങ്കിലും കുതിരയ്ക്ക് അസുഖമായതിനാല്‍ പങ്കെടുക്കാനായില്ല. 2008 ഒളിമ്പിക്സിലും ഹിറോഷി ഒളിമ്പിക്സിനെത്തി. ഇതോടെ ജപ്പാനില്‍നിന്നുള്ള ഏറ്റവും പ്രായം കൂടിയ ഒളിമ്പിക്സ് താരവുമായി ഹിറോഷി.
സ്വീഡന്റെ ഓസ്കാര്‍ സ്വാനാണ് ഏറ്റവും പ്രായം കൂടിയ ഒളിമ്പ്യന്. എഴുപത്തിരണ്ടാം വയസ്സില്‍ ഓസ്കാര്‍ 1920 ഒളിമ്പിക്സില്‍ മത്സരിച്ചിരുന്നു. ഒളിമ്പിക്സില്‍ പ്രായത്തിന്റെ കാര്യത്തില്‍ ഓസ്കാര്‍ സ്വാന് തൊട്ടുപിന്നില്‍ ഈ ഒളിമ്പിക്സോടെ ഹിറോഷി ഇടം‌പിടിക്കും.
ഒളിമ്പിക്സ് വാര്‍ത്തകള്‍ വായിക്കാന്‍ ചുവടെ ക്ലിക്ക് ചെയ്യുക
