മെസ്സിയും ക്രിസ്‌ത്യാനോയും നേര്‍ക്കുനേര്‍- പോരാട്ടം തകര്‍ക്കും
മാഡ്രിഡ്|
WEBDUNIA|
Last Modified വ്യാഴം, 19 ഏപ്രില്‍ 2012 (17:11 IST)
PRO
PRO
ക്ലാസിക് മത്സരത്തിനായുള്ള കാത്തിരിപ്പിലാണ് ഫുട്ബോള് ലോകം. സ്‌പാനിഷ്‌ ക്ലബ്ബുകള്‍ റയല് മാഡ്രിഡും ബാഴ്‌സലോണയും തമ്മിലുള്ള പോരാട്ടമാണ് ശനിയാഴ്ച നടക്കുന്നത്. അതിനുമപ്പുറം ക്രിസ്ത്യാനോ റൊണാള്‍ഡോയും ലയണല് മെസ്സിയുമാണ് നേര്‍ക്കുനേര്‍ ഏറ്റുമുട്ടാന്‍ പോകുന്നത്.
സ്‌പാനിഷ്‌ ലീഗ് കിരീടത്തില്‍ ആര് മുത്തമിടും എന്ന ചോദ്യത്തിനുള്ള ഉത്തരം കൂടിയാവും ഈ മത്സരം എന്നതിനാല്‍ ആകാംക്ഷ ഏറുകയാണ്. സ്‌പാനിഷ്‌ ലീഗിലെ നിലവിലെ ചാമ്പ്യന്‍മാര്‍ ബാഴ്‌സയാണ്. ഈ സീസണില്‍ റയലും ബാഴ്സയും ഇത് ആറാം തവണയാണ് ഏറ്റുമുട്ടുന്നത്.
ലാലിഗ മത്സരങ്ങളില്‍ ക്രിസ്‌ത്യാനോയും മെസ്സിയും 41 ഗോളുകള്‍ വീതം നേടിയിട്ടുണ്ട്. ലാലിഗയിലെ ആദ്യ പാദ മല്‍സരത്തില്‍ റയല് ബാഴ്‌സയോട് തോല്‍‌വി ഏറ്റുവാങ്ങിയിരുന്നു.
