കുടാതെ ഭരണിനാളിലെ തിരക്ക് പ്രമാണിച്ച് കെ.എസ്.ആര്.റ്റി.സിയും മറ്റും സ്പെഷ്യല് സര്വീസുകളും നടത്തും.കുത്തിയോട്ടവും കെട്ടുകാഴ്ചയും കാണാന് നാനാഭാഗങ്ങളില് നിന്നും ആയിരക്കണക്കിന് ആളുകളാണ് ചെട്ടികുളങ്ങരയില് എത്തുന്നത്.
കുത്തിയോട്ടം
കുത്തിയോട്ടത്തിനുള്ള ബാലന്മാരെ 'ചൂരല് മുറിയുന്ന" ചടങ്ങ് പുലര്ച്ചെ നടന്നു ബാലന്മാരെ ഒരുക്കി തലയില് കിന്നരിവച്ച തൊപ്പി, മണിമാല, കയ്യില് മടുവും കാപ്പും എന്നിവ ധരിപ്പിച്ച ശേഷം ദേഹമാസകലം കളഭം പൂശി തറ്റുടുപ്പിച്ച് അതിനു മുകളിലായി വാഴയില വാട്ടിക്കെട്ടി അരമണി ചാര്ത്തി.
ഇരുകൈകളും ശിരസിനു മുകളില് ചേര്ത്തു പിടിച്ച് കയ്യില് പഴുക്കാപ്പാക്ക് തറച്ച കത്തി പിടിപ്പിച്ചു . പിന്നീട് കുട്ടികളുടെ അരയില് സ്വര്ണ്ണമോ, വെള്ളിയോ കൊണ്ടു നിര്മ്മിച്ച നൂല് കോര്ത്തു .ഇതാണ് ചൂരല് മുറിയല്
വെഞ്ചാമരം കൊണ്ടു വീശിയും പനിനീര് തളിച്ചും ഘോഷയാത്രയായാണ് ബാലന്മാരെ ക്ഷേത്രത്തിലേക്ക് കൊണ്ടുവന്നത്. അവസാനിച്ചു . ലോഹനൂല് ഊരിയെടുത്ത് ദേവിക്ക് സമര്പ്പിക്കുന്നതോടെ കുത്തിയോട്ടം വഴിപാട് അവസാനിച്ചു .