ഈശ്വരവിശ്വാസം മനസിലേക്കിറ്റുവീഴ്ത്തിയ സ്നേഹവും, കരുണയും, അപരാധബോധവും ഏറെയുള്ള താരമാണ് സുരേഷ്ഗോപി. ആരുമായും മുഷിയരുതെന്ന് ആഗ്രഹിക്കുന്പോഴും ചില നൊന്പരപ്പാടുകള്‍ സുരേഷ്ഗോപിയ്ക്ക് മലയാള സിനിമയില്‍ നിന്നും ആദ്യകാലങ്ങളില്‍ കിട്ടിയിട്ടുണ്ട്. അപ്പോഴൊക്കെ കരുത്തായത് ഈശ്വരവിശ്വാസവും ശുഭാപ്തിവിശ്വാസവുമാണെന്ന് സുരേഷ്ഗോപി പറയും.
ആ വിശ്വാസങ്ങളിലൂടെ ഒരു നടനായി മലയാളികളുടെ മനസില്‍ ഇടംനേടാന്‍ സുരേഷ് ഗോപിയ്ക്ക് സാധിച്ചത് കഠിന പ്രയത്നംകൊണ്ട് മാത്രമാണ്.ഓരോ ഓണത്തിനും സുരേഷ് ഗോപി ഇതെല്ലാം ഓര്‍മ്മിയ്ക്കും.എന്നും കുടുംബത്തൊടൊപ്പമാണ് സുരേഷിന്‍റെ ഓണം
കുടുംബബന്ധങ്ങള്‍ക്ക് ഏറെ വിലകല്‍പിക്കുന്ന സുരേഷ് ഗോപിയുടെ ഈ ഓണവും കുടുംബത്തോടൊപ്പം തന്നെ.താരപ്രഭയുടെ ഔന്നത്യത്തില്‍ നില്‍ക്കുന്പോഴും വന്ന വഴി മറക്കാതിരിക്കുന്ന കലാകാരന്‍മാരില്‍ ഒരാളാണ് സുരേഷ് ഗോപി. പട്ടിണിപ്പാവങ്ങള്‍ക്ക് എത്രയോവട്ടം ആ കൈകള്‍കൊണ്ട് അന്നമേകിയിരിക്കുന്നു.
