ബാംഗ്ലൂരില്‍ വിദ്യാര്‍ഥിനിക്ക് പീഡനം; മൂന്ന് മലയാളികള്‍ അറസ്റ്റില്‍
ബാംഗ്ലൂര്|
WEBDUNIA|
PRO
മലയാളി നഴ്സിങ്‌ വിദ്യാര്‍ഥിനിയെ പീഡിപ്പിച്ച കേസില്‍ മൂന്നു മലയാളി യുവാക്കള്‍ അറസ്റ്റില്‍. മാവേലിക്കര സ്വദേശിയായ ശ്രീകാന്ത്‌ (24), ഹരിപ്പാട്‌ സ്വദേശി വിനോദ്‌ (25), ഹൊസ്കോട്ടെ ദണ്ഡുപാളയ സ്വദേശിയായ നിതിന്‍ എം വര്‍ഗീസ്‌ എന്നിവരെയാണ്‌ അശോക‌നഗര്‍ പൊലീസ്‌ അറസ്റ്റ്‌ ചെയ്‌തത്‌.
പള്ളിയില്‍ പോയിട്ട് വഴിയരികില്‍ നിന്ന തന്നെ മൂന്നുപേര്‍ തന്നെ കാറില്‍ തട്ടിക്കൊണ്ടു പോയി പീഡിപ്പിച്ചെന്നാണു പെണ്കുട്ടി കഴിഞ്ഞ ദിവസം നല്‍കിയ പരാതിയില്‍ ആരോപിച്ചത്‌. എന്നാല്‍ പെണ്‍കുട്ടിക്കു പ്രതികളിലൊരാളായ നിതിനെ രണ്ടു വര്‍ഷമായി അറിയാമെന്നു പൊലീസ്‌ പറയുന്നു.
കഴിഞ്ഞ ഞായറാഴ്ച രാവിലെ എട്ടരയോടെയാണു സംഭവം. ഹൊസൂര്‍ റോഡ്‌ ജോണ്‍സണ്‍ മാര്‍ക്കറ്റിനടുത്തുള്ള പള്ളിയില്‍ പോയശേഷം സെന്റ്‌ ഫിലോമിനാസ്‌ ബസ്‌ സ്റ്റോപ്പില്‍ നില്‍ക്കുമ്പോള്‍ മൂവര്‍ സംഘം തട്ടിക്കൊണ്ടുപോയെന്നാണു പരാതി.
യുവാക്കള്‍ ഏതോ മേല്‍വിലാസമെഴുതിയ കടലാസ്‌ കാട്ടിയതിനെത്തുടര്‍ന്നു വാഹനത്തിനടുത്തേക്കു ചെല്ലുകയായിരുന്നത്രേ. ആളൊഴിഞ്ഞ വീട്ടിലെത്തിച്ചു നിര്‍ബന്ധപൂര്‍വം മദ്യം നല്‍കിയ ശേഷം പീഡിപ്പിച്ചതായാണു പരാതി. പീഡനം നടന്നതു നിതിന്റെ വീട്ടില്‍ വച്ചാണെന്നു പൊലീസ്‌ പറഞ്ഞു. കൂടുതല്‍ അന്വേഷണം നടക്കുകയാണ്.
