അയൽ സംസ്ഥാനങ്ങൾക്ക് ഇനി ഓക്‌സിജൻ നൽകാനാവില്ലെന്ന് കാണിച്ച് മുഖ്യമന്ത്രി പിണറായി വിജയൻ പ്രധാനമന്ത്രിക്ക് കത്തയച്ചു. കേരളത്തിൽ ഉത്‌പാദിപ്പിക്കുന്ന 219 ടൺ ഓക്‌സിജൻ കേരളത്തിനകത്ത് തന്നെ വിതരണത്തിന് അനുവദിക്കണമെന്നാണ് കത്തിലെ ആവശ്യം. കരുതൽ ശേഖരമായ 450 ടണിൽ 86 ടൺ മാത്രമാണ് ഇനി ബാക്കിയുള്ളത്.

സംസ്ഥാനത്തെ സാഹചര്യങ്ങൾ ഗുരുതരമാണെന്നും മെയ് 15 ഓടെ 6 ലക്ഷം രോഗികൾ സംസ്ഥാനത്തുണ്ടാകുമെന്നും കത്തിൽ മുഖ്യമന്ത്രി പറയുന്നു. ലിക്വിഡ് ഓക്‌സിജൻ ഉപയോഗിക്കേണ്ട രോഗികളുടെ എണ്ണത്തിൽ വൻ വർധനവാണ് സംസ്ഥാനത്തുള്ളത്. രോഗികൾ വർധിക്കുന്ന സാഹചര്യം കൂടി കണക്കിലെടുത്ത് സംസ്ഥാനത്ത് ഉത്‌പാദിപ്പിക്കുന്ന ഓക്‌സിജൻ സംസ്ഥാനത്തിനകത്ത് തന്നെ വിതരണം ചെയ്യാൻ അനുവദിക്കണമെന്നാണ് കത്തിലെ ആവശ്യം.