അനുബന്ധ വാര്ത്തകള്
- ഇഡി റെയ്ഡില് സംഘര്ഷം ഉണ്ടാകും; പോലീസ് ഇന്റലിജന്സ് മുന്നറിയിപ്പുകള് അവഗണിച്ചെന്ന് ആരോപണം
- Pinarayi Vijayan: 'പഴയ പാർട്ടി സെക്രട്ടറി തിരിച്ചുവന്നിരിക്കുന്നു'; ഇഡി റെയ്ഡിൽ പിണറായിയെ വാഴ്ത്തി ദേശീയ മാധ്യമങ്ങൾ
- പ്രധാനമന്ത്രിക്കും നിര്മല സീതാരാമനും പിന്നാലെ അമിത് ഷായെ കണ്ട് വിഡി സതീശന്; ഇഡി റെയ്ഡില് മൗനം
- ഇഡി ഉദ്യോഗസ്ഥർക്ക് നേരെയുണ്ടായത് ആസൂത്രിതമായ ആക്രമണം, പോലീസിന് ഗുരുതര വീഴ്ചയെന്ന് കേന്ദ്ര ഇൻ്റലിജൻസ്
- പിണറായി വിജയനെതിരായ ഇഡി വേട്ട; ഒന്നും മിണ്ടാതെ സതീശൻ
വീണാ വിജയന്റെ ഫോണ് പിടിച്ചെടുത്ത് ഇഡി, ചോദ്യം ചെയ്യാന് സമന്സ് അയക്കും
സിഎംആര്എല്- എക്സലോജിക് ഇടപാടിലെ റെയ്ഡിന് പിന്നാലെ പ്രതിപക്ഷ നേതാവ് പിണറായി വിജയന്റെ മകള് വീണ വിജയന് ചോദ്യം ചെയ്യലിന് ഹാജരാകാന് സമന്സ് അയക്കുമെന്ന് റിപ്പോര്ട്ട്. പരിശോധനയില് വീണ വിജയന്റെ ഫോണ് പിടിച്ചെടുത്തതായി ഇ ഡി വൃത്തങ്ങള് സ്ഥിരീകരിച്ചു. സ്വത്തുവിവരങ്ങള് അടക്കമുള്ളവയിലും പരിശോധനയുണ്ടാവും. സമന്സിനെതിരെ വീണ കോടതിയില് പോയാല് അക്രമസംഭവങ്ങള് ചൂണ്ടിക്കാട്ടി കടുത്ത നിലപാട് എടുക്കാനാണ് ഇഡിയുടെ തീരുമാനം.
ഇന്നലെ തിരുവനന്തപുരത്തെ പിണറായി വിജയന്റെ വീട്ടില് നടത്തിയ പരിശോധനയില് ഡിജിറ്റല് ഉപകരണങ്ങളുടെ കൂട്ടത്തിലാണ് വീണ വിജയന്റെ ഫോണും ഇഡി പിടിച്ചെടുത്തത്. പിടിച്ചെടുത്ത രേഖകളുടെയും ഡിജിറ്റല് ഉപകരണങ്ങളുടെയും പരിശോധനയ്ക്ക് ശേഷമാകും ചോദ്യം ചെയ്യലിനായി വീണയ്ക്ക് നോട്ടീസ് അയക്കുക. ഹാജരായില്ലെങ്കില് കടുത്ത നടപടികളിലേക്ക് ഇഡി കടക്കാനും സാധ്യതയുണ്ട്. ഇഡി റെയ്ഡിനിടെ പ്രതിഷേധമുണ്ടായതിനാല് മൊഴി രേഖപ്പെടുത്താനായില്ലെന്നാകും ഇഡി കോടതിയെ ബോധ്യപ്പെടുത്തുക.
