ഒരൊറ്റ മിനിറ്റില്‍ നെറ്റില്‍ നടക്കുന്നത് എന്തൊക്കെ?!

iNTERNET
PRO
PRO

ഒരൊറ്റ മിനിറ്റിനുള്ളില്‍ ഗൂഗിള്‍ ഉപയോഗിച്ച് നെറ്റില്‍ തിരയുന്നവരുടെ എണ്ണം ഇരുപത് ലക്ഷത്തിലും അധികമാണ്. സോഷ്യല്‍ നെറ്റ്‌വര്‍ക്കിംഗ് സൈറ്റായ ഫേസ്‌ബുക്ക് സന്ദര്‍ശിക്കുന്നവരുടെ എണ്ണം വെറും 60 സെക്കന്റില്‍ അറുപത് ലക്ഷത്തിലധികമാണ്! ഇതുമാത്രമല്ല, ഒരു മിനിറ്റിനുള്ളില്‍ മൂന്ന് ലക്ഷത്തോളം പേരാണ് ഫേസ്‌ബുക്കില്‍ തങ്ങള്‍ കാണുകയും കേള്‍‌ക്കുകയും ചെയ്യുന്നതില്‍ ലൈക്കടിക്കുന്നത്! (ഫേസ്‌ബുക്കിനെ ഗൂഗിള്‍ ഭയക്കുന്നതില്‍ കാര്യമില്ലാതില്ല, അത്രയ്ക്കാണ് ഫേസ്ബുക്കിന്റെ റീച്ച്!)

വെറും നൂറ്റിനാല്‍‌പത് ക്യാരക്ടറുകളില്‍ വേണ്ടതൊക്കെ പറയാന്‍ നമ്മെ അനുവദിക്കുന്ന മൈക്രോ ബ്ലോഗിംഗ് സൈറ്റായ ട്വിറ്ററില്‍ ഒരൊറ്റ മിനിറ്റിനകം വന്നുനിറയുന്നത് 1 ലക്ഷം ട്വീറ്റുകളാണ്. ഓരോ മിനിറ്റിലും 32-ഓളം പുതിയ യൂസര്‍മാര്‍ ട്വിറ്ററില്‍ അക്കൌണ്ട് എടുക്കുന്നുണ്ട്. ഫോട്ടോ ഷെയറിംഗ് സൈറ്റായ ഫ്ലിക്കറില്‍ അറുപത് സെക്കന്റില്‍ വന്നുകുമിയുന്ന ഫോട്ടോകള്‍ മൂവായിരമാണ്. ഓരോ മിനിറ്റിലും ഇവിടെ ഫോട്ടോ കാണാന്‍ എത്തുന്നവരുടെ എണ്ണം രണ്ട് കോടിയാണ്. യാഹുവിന്റെ ഉടമസ്ഥതയിലുള്ള സൈറ്റാണ് ഫ്ലിക്കര്‍.
Internet
PRO
PRO

പ്രൊഫഷണല്‍ സോഷ്യല്‍ നെറ്റ്‌വര്‍ക്കിംഗ് സൈറ്റായ ലിങ്ക്‌ഡ്‌ഇന്നും തകര്‍ക്കുന്നുണ്ട്. ഓരോ അറുപത് സെക്കന്റിലും ഈ സൈറ്റില്‍ പുതിയതായി നൂറോളം പ്രൊഫഷണലുകള്‍ എത്തുന്നു, അക്കൌണ്ടെടുക്കുന്നു. മൊബൈല്‍ നെറ്റും മെസ്സെഞ്ചറുകളും സോഷ്യല്‍ നെറ്റ്‌വര്‍ക്കിംഗ് സൈറ്റുകളും നിലവില്‍ വന്നതോടെ ഇമെയില്‍ യുഗത്തിന് അന്ത്യമായി എന്ന് കരുതുന്നവര്‍ ഉണ്ടെങ്കില്‍ ശ്രദ്ധിക്കുക. 21 കോടി ഇമെയിലുകളാണ് അറുപത് സെക്കന്റിനുള്ളില്‍ കൈകാറ്റം ചെയ്യപ്പെടുന്നത്!

മൊബൈലില്‍ നെറ്റ് ഉപയോഗിക്കുന്നവരുടെ എണ്ണം കൂടുന്നുണ്ട്. ഇപ്പോഴത്തെ കണക്കനുസരിച്ച്, ഒരൊറ്റ മിനിറ്റിനുള്ളില്‍ 1300 പേരാണ് മൊബൈല്‍ നെറ്റിന് സ്വാഗതം പറയുന്നത്. എന്തിനും ഏതിനും നമ്മള്‍ ആശ്രയിക്കുന്ന വിക്കിപ്പീഡിയയില്‍ ഒരു മിനിറ്റിനുള്ളില്‍ ആറോളം പുതിയ പേജുകള്‍ ഉണ്ടാകുന്നു. ഇ-കൊമേഴ്സ് സൈറ്റായ ആമസോണില്‍ ഓരോ അറുപത് സെക്കന്റിലും ഏകദേശം 4,230 രൂപയ്ക്കുള്ള കച്ചവടം നടക്കുന്നു (മിനിറ്റില്‍ ഇത്രയെങ്കില്‍ ഒരു വര്‍ഷം എത്ര വരുമാനം ഉണ്ടാക്കുന്നുണ്ടാകും ആമസോണ്‍).

ആപ്ലിക്കേഷന്‍ ലോകമാണല്ലോ ഇത്. ആന്‍‌ഡ്രോയിഡായാലും ഐഫോണായാലും ബ്ലാക്ക്‌ബെറിയായാലും ഫോണുകളില്‍ ആപ്ലിക്കേഷന്‍ മയമാണ്. ഒരൊറ്റ മിനിറ്റില്‍ അമ്പതിനായിരത്തോളം ആപ്ലിക്കേഷനാണ് ലോകമെങ്ങും ഡൌണ്‍‌ലോഡ് ചെയ്യപ്പെടുന്നത്. ആകെ മൊത്തത്തില്‍, ആറു ലക്ഷത്തി മുപ്പത്തി ഒമ്പതിനായിരത്തി എണ്ണൂറ് ജിബി ഡാറ്റയാണ് ഓരോ 60 സെക്കന്റിലും നെറ്റില്‍ കൈമാറപ്പെടുന്നത് (ഇതിന്റെ ആയിരത്തിലൊരു ഭാഗം നിറയ്ക്കാന്‍ പാകത്തില്‍ ഒരു എക്സ്റ്റേണല്‍ ഹാര്‍ഡ് ഡിസ്ക്ക് കിട്ടിയാല്‍ എന്ത് സുഖമായിരിക്കും)!

WEBDUNIA|
ഇന്റര്‍‌നെറ്റ് യുഗമാണിത് എന്നൊക്കെ പലരും പറയുമ്പോള്‍ ‘എന്ത് കുന്തമാണ്’ ഇന്റര്‍‌നെറ്റില്‍ നടക്കുന്നത് എന്ന ചോദ്യം നാവിന്‍ തുമ്പിലെത്തുക സ്വാഭാവികം. നമുക്ക് ഈ ഈ ചോദ്യം അല്‍പമൊന്ന് മാറ്റി, ‘ഒരു മിനിറ്റിനുള്ളില്‍ നെറ്റില്‍ എന്തൊക്കെ നടക്കുന്നു’ എന്ന് ചോദിച്ചുനോക്കാം. അതായത് 60 സെക്കന്റില്‍ നെറ്റില്‍ എന്തൊക്കെ നടക്കുന്നു എന്നാണ് ചോദ്യം. ഏറെക്കാലമായി ഗോ-ഗ്ലോബ് ഡോട്ട് കോമെന്ന വെബ് പോര്‍ട്ടല്‍ കമ്പനി ഈ ചോദ്യത്തിന് പിറകെയായിരുന്നു. 60 സെക്കന്റിനുള്ളില്‍ നെറ്റില്‍ നടക്കുന്ന കാര്യങ്ങളെ പറ്റി ഗോ-ഗ്ലോബിന്റെ പഠനത്തില്‍ പറയുന്നത് വായിച്ചാല്‍ ശരിക്കും തല കറങ്ങും!
ഇപ്പോള്‍ മനസിലായല്ലോ, നാം ജീവിക്കുന്നത് ഇന്റര്‍‌നെറ്റ് യുഗത്തിലാണെന്ന്!



ഇതിനെക്കുറിച്ച് കൂടുതല്‍ വായിക്കുക :