ചെന്നൈ|
WEBDUNIA|
Last Modified തിങ്കള്‍, 17 മാര്‍ച്ച് 2014 (16:26 IST)
PRO
തമിഴ്‌നാട്ടിലെ കല്‍ക്കരി പ്ലാന്റില്‍ സിഐഎസ്എഫ് ജവാന്‍ നടത്തിയ വെടിവെപ്പില്‍ ഒരു തൊഴിലാളി കൊല്ലപ്പെട്ടു. കൂഡല്ലൂര്‍ ജില്ലയിലുള്ള നെയ്‌വേലി കല്‍ക്കരി കോര്‍പ്പറേഷന്‍ പ്ലാന്റിലാണ് സംഭവം.
തൊഴിലാളികളുമായുള്ള സംഘര്‍ഷത്തെതുടര്‍ന്ന് പ്ലാന്റിന്റെ സുരക്ഷാചുമതലയുള്ള ജവാന്‍ വെടിയുതിര്‍ക്കുകയായിരുന്നുവെന്നാണ് വിവരം. പ്ലാന്റില്‍ കരാര്‍ അടിസ്ഥാനത്തില്‍ ജോലി ചെയ്തിരുന്നു ആളാണ് ജവാന്റെ വെടിയേറ്റ് മരിച്ചത്.
സംഭവത്തെ തുടര്‍ന്ന് പൊലീസ് പ്രദേശത്തേക്ക് തിരിച്ചു. സ്ഥലത്ത് സംഘര്‍ഷാവസ്ഥ നിലനില്‍ക്കുന്നുണ്ടെന്നാണ് വിവരം.
