അനുബന്ധ വാര്ത്തകള്
- Israel vs Iran: ഇറാന്റെ തന്ത്രപ്രധാനമേഖലകള് ഇസ്രായേല് ലക്ഷ്യമിടുന്നുവെന്ന് റിപ്പോര്ട്ട് , പശ്ചിമേഷ്യ യുദ്ധത്തിലേക്കോ?,മേഖലയിലെ നയതന്ത്ര ഉദ്യോഗസ്ഥരുടെ എണ്ണം വെട്ടിച്ചുരുക്കി യു എസ്
- ഇസ്രയേലിൽ കനത്ത നാശം വിതച്ച് ഇറാൻ; ഇരുന്നൂറിലേറെ പേർക്ക് പരിക്ക്, നിരവധി പേരെ കാണാനില്ല
- Israel vs Iran: പോര് കനക്കുന്നു; ഇറാനിലെ എണ്ണപ്പാടം ആക്രമിച്ച് ഇസ്രയേല്, സ്ഥിതി സങ്കീര്ണം
- ഇസ്രായേലിനെ സഹായിക്കരുത്, അമേരിക്കയ്ക്ക് ഇറാന്റെ മുന്നറിയിപ്പ്, ആക്രമണം തുടര്ന്നാല് ടെഹ്റാന് കത്തിക്കുമെന്ന് ഇസ്രായേല്
- ഇസ്രയേലിനെ സഹായിച്ചാല് തിരിച്ചടി നേരിടേണ്ടി വരും: അമേരിക്കയ്ക്കും ഫ്രാന്സിനും മുന്നറിയിപ്പ് നല്കി ഇറാന്
ഞങ്ങൾക്ക് യാതൊരു പങ്കുമില്ല, ഇങ്ങോട്ട് അക്രമിച്ചാൽ ഇറാന് ഇതുവരെ കാണാത്ത തിരിച്ചടി നൽകും, മുന്നറിയിപ്പ് നൽകി ട്രംപ്
ഇസ്രായേലിനെതിരെ അതിര്ത്തികടന്നുള്ള ആക്രമണങ്ങള് മൂന്നാം ദിവസത്തിലേക്ക് കടന്നതോടെ ഇറാന് ശക്തമായ മുന്നറിയിപ്പ് നല്കി യു എസ് പ്രസിഡന്റ് ഡൊണാള്ഡ് ട്രംപ്. ഇറാന് തലസ്ഥാനമായ ടെഹ്റാന് ലക്ഷ്യമാക്കി ഇസ്രായേല് നടത്തിയ ആക്രമണങ്ങളില് യുഎസിന് യാതൊരു പങ്കുമില്ലെന്നും യുഎസിനെ ആക്രമിച്ചാല് ഇതുവരെയും കാണാത്ത തരത്തിലുള്ള തിരിച്ചടി നല്കുമെന്നും ട്രംപ് മുന്നറിയിപ്പ് നല്കി. ജന്മദിനത്തില് ട്രൂത്ത് സോഷ്യലില് എഴുതിയ കുറിപ്പിലാണ് ട്രംപിന്റെ മുന്നറിയിപ്പ്.
ഏതെങ്കിലും വിധത്തില് ഇറാന് ആക്രമിച്ചാല് മുമൊരിക്കലും കണ്ടിട്ടില്ലാത്ത തരത്തില് യു എസ് സായുധ സേനയുടെ മുഴുവന് ശക്തിയും ഇറാന് കാണേണ്ടിവരുമെന്നാണ് ട്രംപ് വ്യക്തമാക്കിയത്. ഇറാനും ഇസ്രായേലും തമ്മിലുള്ള സംഘര്ഷം പൂര്ണ്ണതോതിലുള്ള യുദ്ധമായി മാറാതിരിക്കാന് ഇരുരാജ്യങ്ങളും തമ്മില് സമാധാനക്കരാറില് എത്തുവാന് യുഎസ് മധ്യവര്ത്തിയായി പ്രവര്ത്തിക്കാമെന്നും ട്രംപ് കൂട്ടിച്ചേര്ത്തു. കഴിഞ്ഞ ദിവസം ഇറാനെതിരായ ആക്രമണത്തില് യുഎസും പങ്കാളിയാവണമെന്ന് ഇസ്രായേല് ആവശ്യപ്പെട്ടിരുന്നു. നിലവില് ആക്രമണത്തില് പങ്കാളിയാവാനില്ലെന്ന് യുഎസ് അറിയിക്കുകയും ചെയ്തിരുന്നു. അതേസമയം ഇറാന്റെ ആക്രമണത്തില് നിന്നും ഇസ്രായേലിനെ സംരക്ഷിക്കാന് അമേരിക്ക പ്രതിജ്ഞാബദ്ധമാണെന്നും ട്രംപ് ആവര്ത്തിച്ചു.
