അമേരിക്കയിലെ മേരിലാന്‍ഡ് സര്‍വകലാശാലയിലെ ശാസ്ത്രജ്ഞരാണ് സ്മാര്‍ട്ട് അടിവസ്ത്രം വികസിപ്പിച്ചെടുത്തത്. ഒരു ചെറിയ ഉപകരണം സാധാരണ അടിവസ്ത്രങ്ങളില്‍ ഘടിപ്പിക്കുകയും ഇലക്ട്രോകെമിക്കല്‍ സെന്‍സറുകള്‍ ഉപയോഗിച്ച് കുടല്‍ വാതക ഉത്പാദനം തുടര്‍ച്ചയായി നിരീക്ഷിക്കുകയും ചെയ്യുന്നു. മുന്‍പത്തെ കണക്കുകള്‍ സൂചിപ്പിക്കുന്നത് ആളുകള്‍ ഒരു ദിവസം ശരാശരി 14 തവണ വാതകം പുറന്തള്ളുന്നു എന്നാണ്.

എന്നാല്‍ ഈ ഉപകരണം ധരിച്ച ആരോഗ്യമുള്ള മുതിര്‍ന്നവരില്‍ പ്രതിദിനം ശരാശരി 32 തവണ വായു പുറന്തള്ളുന്നുണ്ടെന്ന് കണ്ടെത്തി. ഇത് മുമ്പ് റിപ്പോര്‍ട്ട് ചെയ്തതിനേക്കാള്‍ ഇരട്ടിയാണ്. ഒരു ദിവസം കുറഞ്ഞത് നാല് മുതല്‍ ഉയര്‍ന്നത് 59 തവണ ഇത്തരത്തില്‍ വായു പുറന്തള്ളുന്ന പ്രവണത കണ്ടെത്തി. അധോവായുവില്‍ സാധാരണയായി ഹൈഡ്രജന്‍, കാര്‍ബണ്‍ ഡൈ ഓക്‌സൈഡ്, നൈട്രജന്‍ എന്നിവ അടങ്ങിയിട്ടുണ്ട്. ചില ആളുകള്‍ മീഥേന്‍ ഉത്പാദിപ്പിക്കുകയും ചെയ്യുന്നു.

രക്തത്തിലെ ഗ്ലൂക്കോസിനോ കൊളസ്‌ട്രോളിനോ വ്യത്യസ്തമായി വായുവിന്റെ ആവൃത്തിക്കോ അളവിനോ ഒരു സാധാരണ പരിധി നിലവിലില്ല. പുതിയ ഉപകരണം വ്യക്തികളുടെ രോഗവും മരുന്നുകളോട് അവ എങ്ങനെ പ്രതിപ്രവര്‍ത്തിക്കുന്നുവെന്നും മനസിലാക്കാന്‍ സഹായിക്കും. കൂടാതെ ചികിത്സയുടെ പുരോഗതിയും വിലയിരുത്താന്‍ സാധിക്കും.