പ്രസവചിത്രീകരണത്തിന്‍റെ പേരില്‍ വിവാദക്കൊടുങ്കാറ്റുയര്‍ത്തിയ ‘കളിമണ്ണ്’ തിയേറ്ററിലെത്തിയപ്പോള്‍ നനഞ്ഞുകുതിര്‍ന്നു. ഒരു ക്ലാസ് സിനിമ പ്രതീക്ഷിച്ചെത്തിയ പ്രേക്ഷകര്‍ക്ക് ശരാശരിച്ചിത്രം പോലുമായില്ല കളിമണ്ണ്. തിരക്കഥയില്‍ വലിയ പാളിച്ചകള്‍ നേരിട്ട സിനിമയ്ക്ക് ഏറ്റവും വലിയ ന്യൂനത അതിന്‍റെ ക്ലൈമാക്സ് തന്നെയാണ്. കാഴ്ചയും തന്‍‌മാത്രയും ഭ്രമരവുമൊരുക്കിയ ബ്ലെസിക്ക് കളിമണ്ണ് പ്രത്യേകിച്ച് ഒരു നേട്ടവും സമ്മാനിക്കുന്നില്ല.
