Prince and Family: ബോക്‌സ്ഓഫീസില്‍ വലിയ ചലനമുണ്ടാക്കാന്‍ സാധിക്കാതെ ദിലീപ് ചിത്രം 'പ്രിന്‍സ് ആന്റ് ഫാമിലി'. റിലീസ് ചെയ്തു ആറ് ദിവസങ്ങള്‍ പിന്നിടുമ്പോള്‍ ചിത്രത്തിന്റെ ഇന്ത്യ നെറ്റ് കളക്ഷന്‍ ഏഴ് കോടി മാത്രമാണ്.

ആറാം ദിനമായ ഇന്നലെ 1.02 കോടിയാണ് ഇന്ത്യന്‍ ബോക്‌സ് ഓഫീസില്‍ നിന്ന് ദിലീപ് ചിത്രത്തിനു കളക്ട് ചെയ്യാന്‍ സാധിച്ചത്. റിലീസിനു ശേഷമുള്ള ആദ്യ ഞായറാഴ്ച മാത്രമാണ് ഒന്നര കോടിക്ക് മുകളില്‍ കളക്ട് ചെയ്യാന്‍ പ്രിന്‍സ് ആന്റ് ഫാമിലിക്കു സാധിച്ചത്. റിലീസ് ദിനത്തില്‍ 90 ലക്ഷമാണ് ഇന്ത്യന്‍ ബോക്‌സ്ഓഫീസില്‍ നിന്ന് ചിത്രം കളക്ട് ചെയ്തത്.

ഷാരിസ് മുഹമ്മദിന്റെ തിരക്കഥയില്‍ ബിന്റോ സ്റ്റീഫനാണ് പ്രിന്‍സ് ആന്റ് ഫാമിലി സംവിധാനം ചെയ്തിരിക്കുന്നത്. ലിസ്റ്റിന്‍ സ്റ്റീഫനാണ് നിര്‍മാണം. ഇന്ത്യന്‍ എക്‌സ്പ്രസ് ശരാശരി (2.5/5) റേറ്റിങ്ങാണ് ചിത്രത്തിനു നല്‍കിയിരിക്കുന്നത്. ലെന്‍സ്മാന്‍ റിവ്യു മോശം സിനിമയായും ദിലീപ് ചിത്രത്തെ റേറ്റ് ചെയ്തിട്ടുണ്ട്. അഞ്ചില്‍ മൂന്നാണ് ഒടിടി പ്ലേ നല്‍കിയിരിക്കുന്ന റേറ്റിങ്. ദിലീപിന്റെ കരിയറിലെ 150-ാം സിനിമ കൂടിയാണിത്.