2011ലെ ലോകകപ്പ് ക്രിക്കറ്റിന്‍റെ വേദികള് പുന:ക്രമീകരിച്ചു. പാകിസ്ഥാനെ ആതിഥേയരാജ്യങ്ങളില്‍ നിന്ന് ഒഴിവാക്കിയതിനെ തുടര്‍ന്നാണ് വേദികള് പുന:ക്രമീകരിച്ചത്. ഫൈനല്‍ ഉള്‍പ്പെടെ 29 മത്സരങ്ങള്‍ ഇന്ത്യയിലാകും നടക്കുക.
ശ്രീലങ്കയില്‍ 12 മത്സരങ്ങളും ബംഗ്ലാദേശില്‍ 8 മത്സരങ്ങളും നടക്കും. ഫെബ്രുവരി പതിനെട്ടിന് ബംഗ്ലാദേശിലായിരിക്കും ലോകകപ്പിന്‍റെ ഉദ്ഘാടനം. സെമി ഫൈനലുകള്‍ ഇന്ത്യയിലും ശ്രീലങ്കയിലുമായിട്ടാണ് നടക്കുക.
പാകിസ്ഥാന്‍, ഇന്ത്യ, ബംഗ്ലാദേശ്, ശ്രീലങ്ക എന്നീ ഏഷ്യന്‍ രാജ്യങ്ങളിലാണ് ലോകകപ്പ് നടത്താന്‍ തീരുമാനിച്ചിരുന്നത്. എന്നാല്‍ സുരക്ഷാഭീഷണി കണക്കിലെടുത്ത് പാകിസ്ഥാനെ വേദികളില്‍ നിന്ന് ഒഴിവാക്കുകയായിരുന്നു.
