ഡല്‍ഹിയിൽ ഷൂട്ട് ചെയ്യാൻ അനുമതി കിട്ടിയില്ല, പുതിയ ലൊക്കേഷൻ തേടി അജിത്തിൻറെ 'വലിമൈ' ടീം

കെ ആര്‍ അനൂപ്| Last Modified തിങ്കള്‍, 19 ഒക്‌ടോബര്‍ 2020 (19:53 IST)
കഴിഞ്ഞ ഡിസംബറിൽ അഭിജിത്തിൻറെ 'വലിമൈ' ഷൂട്ടിംഗ് ആരംഭിച്ചതാണ്. ലോക്ക് ഡൗണിന് ശേഷം അടുത്തിടെ ചിത്രീകരണം പുനരാരംഭിച്ചിരുന്നു. ഇപ്പോഴിതാ സിനിമയ്ക്ക് ഡൽഹിയിൽ ഷൂട്ട് ചെയ്യാനുള്ള അനുമതി നിഷേധിച്ചുവെന്നാണ് കോളിവുഡിൽ നിന്ന് ലഭിക്കുന്ന പുതിയ വിവരം.

നിലവിൽ അജിത്ത് ഇല്ലാത്ത ഭാഗങ്ങളാണ് ഷൂട്ട് ചെയ്യുന്നത്. വലിമൈ റേസിംഗിനെ അടിസ്ഥാനമാക്കിയുള്ള സിനിമ ആയതിനാൽ വിദേശത്ത് ചില രംഗങ്ങൾ ചിത്രീകരിക്കാൻ ആയിരുന്നു ആദ്യം പദ്ധതിയിട്ടിരുന്നത്. എന്നാൽ നിലവിലെ സാഹചര്യം കണക്കിലെടുത്ത് ഇന്ത്യയിൽ തന്നെ ആ രംഗങ്ങൾ ചിത്രീകരിക്കാനാണ് തീരുമാനിച്ചിരിക്കുന്നത്. അതിനാൽ ഡല്‍ഹിയിൽ അധികം സിനിമകളൊന്നും ചിത്രീകരിക്കാത്ത പ്രശസ്തമായ ഒരു സ്ഥലത്ത് ഷൂട്ടിംഗ് നടത്താൻ നിർമ്മാതാവ് പദ്ധതിയിട്ടിരുന്നു. എന്നാൽ സിനിമ ചിത്രീകരിക്കാൻ ആ സ്ഥലത്ത് അനുമതി ലഭിക്കാത്തതിനാൽ ടീം പുതിയ സ്ഥലം തേടുകയാണ് എന്നാണ് വിവരം.

എച്ച് വിനോദ് സംവിധാനം ചെയ്യുന്ന ചിത്രം ബോണി കപൂറാണ് നിർമ്മിക്കുന്നത്. യുവൻ ശങ്കർ രാജയാണ് സംഗീത സംവിധാനം നിർവഹിക്കുന്നത്. ഛായാഗ്രാഹകനായി നീരവ് ഷായും ചിത്രത്തിലുണ്ട്.



ഇതിനെക്കുറിച്ച് കൂടുതല്‍ വായിക്കുക :