അനുബന്ധ വാര്ത്തകള്
- കേരള ഹൈക്കോടതി ജഡ്ജിയുടെ വീട്ടില് മോഷണം; ആറു പവന്റെ സ്വര്ണാഭരണങ്ങള് നഷ്ടമായി
- Janaki vs State of Kerala: നാട് എങ്ങോട്ടാണ് പോകുന്നത്, കഥാപാത്രത്തിന് ഹിന്ദു പേരിടാൻ പറ്റാത്ത അവസ്ഥ, ജാനകി vs സ്റ്റേറ്റ് ഓഫ് കേരള വിവാദത്തിൽ ബി ഉണ്ണികൃഷ്ണൻ
- പെട്രോൾ പമ്പിലെ ശുചിമുറികൾ പൊതുശൗച്യാലയമല്ല, ഇടക്കാല ഉത്തരവ് പ്രഖ്യാപിച്ച് കേരള ഹൈക്കോടതി
- ആന ഇടഞ്ഞുണ്ടാകുന്ന ആക്രമണങ്ങളിൽ ഉത്തരവാദിത്വം ഉടമസ്ഥനും പാപ്പാന്മാർക്കും: ഹൈക്കോടതി
- ആര്ഡിഎക്സ് വച്ചിട്ടുണ്ടെന്ന് ഇമെയില് സന്ദേശം; കേരള ഹൈക്കോടതിയില് ബോംബ് ഭീഷണി
എന്താണ് ജാനകി എന്ന പേരിന് കുഴപ്പം, എല്ലാ പേരുകളും ഏതെങ്കിലും ദൈവത്തിന്റെ പേരിലായിക്കും, ജെഎസ്കെ കേസില് വിമര്ശനവുമായി ഹൈക്കോടതി
ജാനകി വേഴ്സസ് സ്റ്റേറ്റ് ഓഫ് കേരള എന്ന സിനിമയിലെ കഥാപാത്രത്തിന് ജാനകി എന്ന പേര് നല്കിയതില് അണിയറപ്രവര്ത്തകരെ അഭിനന്ദിച്ച് കേരള ഹൈക്കോടതി. സിനിമയുടെ പേര് വിവാദത്തിലേക്ക് വലിച്ചിഴച്ച സെന്സര് ബോര്ഡിനോട് നിരവധി ചോദ്യങ്ങളാണ് ഹൈക്കോടതി ഉന്നയിച്ചത്. പ്രദര്ശനാനുമതി തീരുമാനം വൈകുന്നത് ചോദ്യം ചെയ്ത് കൊണ്ട് ജാനകി വേഴ്സസ് സ്റ്റേറ്റ് ഓഫ് കേരളയുടെ നിര്മാതാക്കള് നല്കിയ ഹര്ജിയിലാണ് ഹൈക്കോടതിയുടെ നടപടി.
ജാനകി എന്ന പേരിടുന്നതിനുള്ള തടസം എന്താണെന്ന് കൃത്യമായ ഉത്തരം വേണം. ആരുടെ വികാരങ്ങളെയാണ് വൃണപ്പെടുത്തുന്നതെന്ന് മറുപടി നല്കണം. സെന്സര് ബോര്ഡാണോ പേരിടാന് സംവിധായകനോട് നിര്ദേശിക്കുന്നത്. ബുധനാഴ്ച ഹര്ജി പരിഗണിക്കുമ്പോള് എല്ലാത്തതിനും വ്യക്തമായ മറുപടി വേണം. ഇതില് ജാനകി എന്ന പേര് വന്നത് ഏത് മതവിഭാഗത്തെയാണ് വേദനിപ്പിക്കുന്നത്. രാജ്യത്ത് 80 ശതമാനം ആളുകള്ക്കും ഏതെങ്കിലും മതപരമായ പേരുകളാണുള്ളത്. രാമനെന്നും കൃഷ്ണനെന്നും മുഹമ്മദെന്നും പേരുള്ളവരുണ്ട്. എല്ലാ പേരുകളും ഏതെങ്കിലും ദൈവത്തിന്റെ പേരിലായിരിക്കും. ഈ സാഹചര്യത്തില് ജാനകി എന്ന പേര് കൊടുത്തതില് എന്താണ് കുഴപ്പം. സെന്സര് ബോര്ഡ് കലാകാരന്മാരോട് കല്പ്പിക്കുകാണോ? കോടതി ചോദിച്ചു.
