പ്രധാന താള് » കായികം » മറ്റു കളികള് » കായിക വാര്ത്ത » മിലാനെതിരെ റൂണി കളിക്കും (Rooney to play against Milan)
Feedback
Printമിലാനെതിരെ റൂണി കളിക്കും 
മാഞ്ചസ്റ്റര്, ബുധന്, 10 മാര്ച്ച് 2010( 13:50 IST )
PRO
ഈജിപ്തിനെതിരായ സൌഹൃദ മത്സരത്തിനിടെയാണ് റൂണിയ്ക്ക് പരുക്കേറ്റത്. ഈ സീസണില് മാഞ്ചസ്റ്ററിനായി 28 ഗൊളുകള് നേടി മിന്നുന്ന ഫോമിലാണ് റൂണി. ഇന്നത്തെ മത്സരത്തില് കളിക്കാന് റൂണു പൂര്ണമായും ഫിറ്റാണെന്ന് മാഞ്ചസ്റ്റര് പരിശീലകന് അലക്സ് ഫെര്ഗൂസന് വ്യക്തമാക്കി.
ഏഴു വര്ഷത്തെ ഇടവേളയ്ക്കു ശേഷം മാഞ്ചസ്റ്ററിന്റെ പ്രിയപ്പെട്ട ഏഴാം നമ്പര് താരമായിരുന്ന ഡേവിഡ് ബെക്കാം വീണ്ടും മാഞ്ചസറ്ററിന്റെ മണ്ണിലെത്തുന്നു എന്ന പ്രത്യേകത കൂടിയുണ്ട് ഇന്നത്തെ മത്സരത്തിന്. എന്നാല് ഇത്തവണ മാഞ്ചസ്റ്ററിന് വേണ്ടിയല്ല മാഞ്ചസ്റ്ററിനെതിരെയാണ് ബെക്കാം പോരിനിറങ്ങുന്നത്. മിലാന് കുപ്പായത്തിലായിരിക്കും ബെക്കാം ഓള്ഡ് ട്രാഫോര്ഡില് ഇന്ന് കളിക്കാനിറങ്ങുക.