പ്രധാന താള് » കായികം » മറ്റു കളികള് » കായിക വാര്ത്ത » ഇറാഖി ഫുട്ബോളിന് സസ്പെന്ഷന് (FIFA suspended Iraq from international football)
Feedback
Print
ഇറാഖി ഫുട്ബോളിന് സസ്പെന്ഷന് 
ബാഗ്ദാദ്, ശനി, 21 നവംബര് 2009( 10:24 IST )
PRO
കഴിഞ്ഞ ദിവസമാണ് ഇറാഖിലെ ഫുട്ബോള് അസോസിയേഷന്റെ നിയന്ത്രണം പൊലീസ് പിടിച്ചെടുത്തത്. അസോസിയേഷന് ആസ്ഥാനം കൈയ്യേറിയ പൊലീസ് നിയന്ത്രണം ഏറ്റെടുത്തതായി പ്രഖ്യാപിക്കുകയായിരുന്നു. നേരത്തെ ഇറാഖിലെ ഒളിമ്പിക് കമ്മറ്റി ഫുട്ബോള് അസോസിയേഷന് ഭരണസമിതിയെ പിരിച്ചുവിട്ടതായി പ്രഖ്യാപിച്ചിരുന്നു.
തുടര്ന്നാണ് അന്താരാഷ്ട്ര ഫുട്ബോള് അസോസിയേഷന് പ്രശ്നത്തില് ഇടപെട്ടത്. സസ്പെന്ഷന് ഒഴിവാക്കാന് ആവശ്യമായ നടപടികള് സ്വീകരിക്കാന് എഴുപത്തിരണ്ട് മണിക്കൂര് ഫിഫ അനുവദിച്ചിരുന്നു. എന്നാല് ഈ സമയപരിധിയിലും കാര്യങ്ങളില് കാര്യമായ പുരോഗതി ഉണ്ടാകാഞ്ഞതിനെ തുടര്ന്നാണ് സസ്പെന്ഡ് ചെയ്യാന് തീരുമാനിച്ചത്.
നേരത്തെ 2008 ലും ഇറാഖ് ഫുട്ബോളിനെ ഫിഫ സസ്പെന്ഡ് ചെയ്തിരുന്നു. ദേശീയ ഒളിമ്പിക് കമ്മറ്റി സര്ക്കാര് പിരിച്ചുവിട്ടതിനെ തുടര്ന്നായിരുന്നു ഇത്. എന്നാല് ഇറാഖ് ഫുട്ബോള് അസോസിയേഷനില് ഇടപെടല് നടത്തിയിട്ടില്ലെന്ന സര്ക്കാര് വിശദീകരണത്തെ തുടര്ന്ന് സസ്പെന്ഷന് നീക്കുകയായിരുന്നു.
ഇറാഖില് ഏറെ പ്രചാരമുള്ള കായിക വിനോദമാണ് ഫുട്ബോള്. 2007 ലെ ഏഷ്യാ കപ്പിലെ ചാമ്പ്യന്മാരുമാണ് ഇറാഖ്.