പ്രധാന താള് » കായികം » മറ്റു കളികള് » കായിക വാര്ത്ത » ന്യൂസിലന്ഡ് ദക്ഷിണാഫ്രിക്കയിലേക്ക് ടിക്കെറ്റെടുത്തു (Kiwis Qualify For World Cup)
Feedback
Print
ന്യൂസിലന്ഡ് ദക്ഷിണാഫ്രിക്കയിലേക്ക് ടിക്കെറ്റെടുത്തു 
വെല്ലിംഗ്ടണ്, ശനി, 14 നവംബര് 2009( 17:37 IST )
PRO
രണ്ടാം പകുതിയില് ബഹ്റിന് നഷ്ടമാക്കിയ പെന്ല്റ്റി അവര്ക്ക് നഷ്ടമാക്കിയത് ലോകകപ്പ് ഫൈനല് ബര്ത്തായിരുന്നു. നാലുവര്ഷം മുന്പും പ്ലേ ഓഫില് തലകുനിക്കേണ്ടി വന്ന ബഹ്റിന് ഈ തോല്വി ഹൃദയഭേദകമായി. മികച്ച പന്തടക്കം കാണിച്ച ബഹ്റിനായിരുന്നു ആദ്യ പകുതിയില് മുന്തുക്കം. എന്നാല് കളിയുടെ ഗതിക്കെതിരായി കിവിപ്പട ആദ്യ ഗോള് കുറിച്ചതോടെ സ്റ്റേഡിയം പൊട്ടിത്തെറിച്ചു.
രണ്ടാം പകുതിയില് കൂടുതല് നിശ്ചയദാര്ഢ്യത്തോടെ കളത്തിലിറങ്ങിയ ബഹ്റിന് നാലു വര്ഷം മുന്പത്തെ ദുരന്തം മായ്ച്ചുകളയുമെന്ന് തോന്നിച്ചുവെങ്കിലും ഭാഗ്യം കൂട്ടിനുണ്ടായില്ല. രണ്ടാം പകുതിയില് കീവി ഡിഫന്ഡര് ലോക്ഹെഡ് ബഹ്റിന് താരം അബ്ദുളള ഒമറിനെ പെനല്റ്റി ബോക്സില് വീഴ്ത്തിയതിന് ലഭിച്ച സ്പോട് കിക്ക് പാഴാക്കി സയ്യിദ് മുഹമ്മദ് ദുരന്ത നായകനായി. സയ്യിദ് എടുത്ത ദുര്ബലമായ സ്പോട്ട് കിക്ക് തട്ടിയകറ്റിയ കീവി ഗോളി പാസ്റ്റണ് ദേശീയ ഹീറോ ആവുകയും ചെയ്തു.