പ്രധാന താള് » കായികം » മറ്റു കളികള് » കായിക വാര്ത്ത » പ്രീമിയര് ലീഗില് ഇന്ന് ‘സൂപ്പര് സണ്ഡേ’ (Manchester meets Chelsea in EPL)
Feedback
Print
പ്രീമിയര് ലീഗില് ഇന്ന് ‘സൂപ്പര് സണ്ഡേ’ 
ലണ്ടന്, ഞായര്, 8 നവംബര് 2009( 10:43 IST )
PRO
ചെല്സിയുടെ മൈതാനമായ സ്റ്റാംഫോഡ് ബ്രിജിലാണ് മത്സരമെന്നതും ഇതുവരെയുള്ള ഫോമും നോക്കിയാല് നീലപ്പടയ്ക്ക് തന്നെയാണ് ജയസാധ്യത. 11 കളികളില്നിന്ന് 27 പോയിന്റാണ് ചെല്സിയുടെ സമ്പാദ്യമെങ്കില് ഇത്രയുംതന്നെ കളികളില്നിന്ന് യുണൈറ്റഡിന് 25 പോയിന്റുണ്ട്. സമനില തെറ്റാതെ കാത്താല് ചെല്സിക്ക് ഒന്നാം സ്ഥാനത്ത് തുടരാം.
ദ്രോഗ്ബെയുടെ ഗോളടി മികവിലാണ് ചെല്സിയുടെ പ്രതീക്ഷകള്. വെയ്ന് റൂണിയിലും അന്റോണിയോ വലന്സിയയിലുമാണ് മാഞ്ചസ്റ്ററിന്റെ സ്വപ്നങ്ങള്. ചെല്സി ജയിച്ചാല് യുണൈറ്റഡുമായുള്ള പോയിന്റ് വ്യത്യാസം അഞ്ചായി ഉയരും. യുണൈറ്റഡ് ജയിച്ചാല് ചെല്സി ഒരു പോയിന്റ് പിന്നിലാവും.
കഴിഞ്ഞ അഞ്ചു ഹോം മല്സരങ്ങളിലും ചെല്സി പരാജയമറിഞ്ഞിട്ടില്ല. യുണൈറ്റഡ് കഴിഞ്ഞ അഞ്ച് എവേ മല്സരങ്ങളില് മൂന്നിലും വിജയിച്ചു. എങ്കിലും ലിവര്പൂളിനോടെറ്റ തോല്വി അവരെ ഇപ്പോഴും വേട്ടയാടുന്നുണ്ട്.
സസ്പെന്ഷനിലുള്ള ഗാരി നെവിലിനു പകരം ജോണ് ഒ ഷിയ ആയിരിക്കും യുണൈറ്റഡ് നിരയില് ഇറങ്ങുക. പരുക്കേറ്റ റിയോ ഫെര്ഡിനാന്റിനും സ്ഥാനം സൈഡ് ബെഞ്ചിലാണ്. പരുക്കു കഴിഞ്ഞെത്തുന്ന നെമാന്യ വിഡിച്ച് ഇന്നു കളിച്ചേക്കും. പാട്രിക് എവ്രയും തിരിച്ചെത്തുമെന്നാണ് കരുതുന്നത്. പ്രതിരോധനിരയില് 3 മാറ്റങ്ങളുമായിട്ടായിരിക്കും യുണൈറ്റഡ് ചെല്സിയെ നേരിടാനിറങ്ങുക.