റഷ്യയില് നടക്കുന്ന ഉമാഖ്നോവ് മെമ്മോറിയല് ബോക്സിംഗ് ചാമ്പ്യന്ഷിപ്പില് ഇന്ത്യന് ബോക്സര്മാരുടെ മിന്നുന്ന പ്രകടനം. 48 കിലോ ഗ്രാം വിഭാഗത്തില് അമന്ദീപ് സിംഗ്, 91 കിലോ ഗ്രാം വിഭാഗത്തില് മന്പ്രീത് സിംഗ് എന്നിവര് സെമിഫൈനലിലെത്തിയതോടെ ഇന്ത്യ രണ്ട് വെങ്കല മെഡലുകള് ഉറപ്പാക്കി.
ആതിഥേയ താരമായ ഗിനാക്മേവിനെയാണ് അമന്ദീപ്(11-2) ക്വാര്ട്ടറില് ഇടിച്ചിട്ടത്. റഷ്യയുടെ മറ്റൊരു പ്രതീക്ഷയായ അബ്ദുള്ളേവ് രുസ്തമിനെ തോല്പ്പിച്ചാണ് മന്പ്രീത് സെമിയിലെത്തിയത്. 81 കിലോ ഗ്രാം വിഭാഗത്തിലേ ദേശീയ ചാമ്പ്യന് ജസ്വീര് സിംഗ് രണ്ടാം റൌണ്ടില് കടന്നിട്ടുണ്ട്.
ആദ്യ റൌണ്ടില് അസര്ബൈജാന്റെ ഇസാകണ്ട്രോവ് ഖാറ്റിസിനെ(8-2)യാണ് ജസ്വീര് മറികടന്നത്. എന്നാല് മറ്റ് ഇന്ത്യന് താരങ്ങളായ ജയ് സിംഗ് പട്ടേല്(69 കിലോ), കുല്ദീപ് സിംഗ് എന്നിവര് തോല്വി നേരിട്ടു. | 
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ