ഇന്നലെ അന്തരിച്ച പോപ് സംഗീതത്തിലെ അതുല്യപ്രതിഭ മൈക്കല് ജാക്സണ് ലോക ടെന്നീസിലെ രാജാവ് റോജര് ഫെഡററുടെ പ്രണാമം. സോഡര്ലിംഗിനെതിരായ പ്രീ ക്വാര്ട്ടര് മത്സരത്തിന് മുന്നോടിയായി നടന്ന വാര്ത്താ സമ്മേളനത്തിലാണ് ലോകത്തോട് വിട ചൊല്ലിയ സംഗീത പ്രതിഭയെ ഫെഡറര് അനുസ്മരിച്ചത്.
1988ലോ 89 ലോ ആണ് ജാക്സണ് സ്വിറ്റ്സര്ലന്ഡിലെ ബാസല് സന്ദര്ശിച്ചത്. അന്ന് അദ്ദേഹത്തിന്റെ സംഗീതനിശ കാണാന് ഞാനും സഹോദരിയും പോയിരുന്നു. എന്നാല് തിരക്ക് കാരണം സ്റ്റേഡിയത്തിനകത്ത് പ്രവേശിക്കാനായില്ല. എങ്കിലും അദ്ദേഹത്തിന്റെ പാട്ട് ഞങ്ങള് പുറത്തുനിന്നു കേട്ടു. അദേഹത്തിന്റെ പാട്ടുകള് എന്റെ ഹൃദയത്തില് തൊട്ടു. പിന്നീട് ആ പാട്ടുകളുടെ ആരാധകനായി ഞാനും.
ഇനിയുമതേറെക്കാലം അങ്ങനെതന്നെ ആയിരിക്കും-വികാരധീനനായി ഫെഡറര് പറഞ്ഞു നിര്ത്തി. വിംബിള്ഡണിലെ ഇതുവരെയുള്ള കടുത്ത പോരാട്ടമായിരുന്നു തനിക്ക് മൂന്നാം റഊണ്ടി നേരിടേണ്ടി വന്നതെന്നും ഫെഡറര് പറഞ്ഞു. മൂന്നാം റൌണ്ടില് ജര്മനിയുടെ ഫിലിപ്പ് കോഷ്രൈബറെ ഒന്നിനെതിര മൂന്നു സെറ്റുകള്ക്കാണ്( 6-3, 6-2, 6-7 (5/7), 6-1) ഫെഡറര് മറികടന്നത്. | 
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ