എജ്ബാസ്റ്റന് ക്ലാസിക് വനിതാ ടെന്നീസിന്റെ സിംഗിള്സ് സെമിയില് മുന് ഒന്നാം നമ്പര് താരം മരിയ ഷറപ്പോവയ്ക്ക് തോല്വി. ചൈനയുടെ ലിനായാണ് ഷറപ്പോവയെ തോല്പ്പിച്ചത്. സ്കോര്: 6-4, 6-4. എന്നാല്, ഷറപ്പോവയ്ക്ക് ഇത് ജൂണ് 24 തുടങ്ങുന്ന വിംബിള്ടണ് ടൂര്ണമെന്റിനുള്ള പരിശീലന ടൂര്ണമെന്റ് കൂടിയായിരുന്നു.
കളിയിലുടനീളം തെറ്റുകള് വരുത്തിയ ഷറപ്പോവ ഒരിക്കല് പോലും മുന്നേറ്റം നടത്തിയില്ല. രണ്ടാം സെറ്റില് 2-0യ്ക്ക് ലീഡ് ചെയ്തതിന് ശേഷമാണ് ഷറപ്പോവ തോറ്റത്. എജ്ബാസ്റ്റന് ക്ലാസിക് ടെന്നീസ് ടൂര്ണമെന്റില് 2004, 2005 വര്ഷങ്ങളില് ഷറപ്പോവയായിരുന്നു കിരീടം നേടിയത്. ഇന്ന് നടക്കുന്ന ഫൈനലില് ചൈനീസ് താരം ലിനാ സ്ലോവാക്യയുടെ മഗ്ദലേന റൈബറിക്കോവയെ നേരിടും.
തോളിന് പരിക്കേറ്റ് പത്ത് മാസത്തോളം കോര്ട്ടിന് പുറത്തിരുന്ന ഷറപ്പോവ മിയാമി ടൂര്ണമെന്റോടെയാണ് തിരിച്ചെത്തിയത്. കഴിഞ്ഞ ഫ്രഞ്ച് ഓപ്പണില് ക്വാര്ട്ടര് വരെ എത്തിയ ഷറപ്പോവ മികച്ച പ്രകടനമാണ് കാഴ്ചവച്ചത്. | 
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ