ഫ്രഞ്ച് ഓപ്പണ് പുരുഷ ഡബിള്സ് കിരീടം നേടാന് സഹായിച്ചത് തന്റെ മുന് മിക്സഡ് ഡബിള്സ് കൂട്ടാളി മാര്ട്ടിന നവരത്തിലോവയാണെന്ന് ലിയാണ്ടര് പേയ്സ് പറഞ്ഞു. ഫ്രഞ്ച് ഓപ്പണിലെ തന്റെ ഓരോ വിജയത്തിനു പിന്നിലും നവരത്തിലോവയുടെ പ്രചോദനമുണ്ടായിരുന്നു എന്നും പേസ് പറഞ്ഞു. ഫ്രഞ്ച് ഓപ്പണ് ടെന്നിസ് ഡബിള്സ് കിരീടം നേടിയതിന് ശേഷം മാധ്യമപ്രവര്ത്തകരോട് സംസാരിക്കുകയായിരുന്നു പേസ്.
ശനിയാഴ്ച നടന്ന കിരീടപ്പോരാട്ടത്തില് പെയ്സ് ലൂക്കാസ് ളൌഹി സഖ്യം വെസ്ലി മൂഡി-ഡിക് നോര്മന് സഖ്യത്തെയാണ് ഒന്നിനെതിരെ രണ്ട് സെറ്റുകളില് (3-6, 6-3, 6-2) മറികടന്നത്. മല്സരത്തിനിടെ പന്ത് കണ്ണില്ക്കൊണ്ട പരിക്കേറ്റ പേയ്സ് പ്രാഥമിക ശുശ്രൂഷയ്ക്കു ശേഷം കളി തുടരുകയായിരുന്നു. പേയ്സിന്റെ ഒമ്പതാം ഗ്രാന്ഡ് സ്ലാം കിരീടമാണിത്.
2006ല് യു എസ് ഓപ്പണ് കിരീടം നേടിയ ശേഷമുള്ള പേയ്സിന്റെ ആദ്യഗ്രാന്സ്ലാം കിരീടമാണിത്. അതേസമയം, ഫ്രഞ്ച് കളിമണ് കോര്ട്ടിലെ പേയ്സിന്റെ മൂന്നാം കിരീടവുമാണിത്. ഇതിന് മുമ്പ് 1999ലും 2001ലും ഇന്ത്യന് താരം മഹേഷ് ഭൂപതിക്കൊപ്പമായിരുന്നു വിജയം നേടിയത്. | 
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ