2014ല് ബ്രസീലില് നടക്കുന്ന ലോകകപ്പ് ഫുട്ബൊള് മത്സരങ്ങല്ക്കുള്ള വേദികളുടെ കാര്യത്തില് തീരുമാനമായി. ബഹമാസില് ചേര്ന്ന ഫിഫ ഭരണസമിതിയാണ് മത്സരം നടത്തേണ്ട 12 നഗരങ്ങളെ തെരഞ്ഞെടുത്തത്. ബെലൊ ഹോരിസോണ്ടെ,ബ്രസില്ല, ക്യൂയബ, കറിട്ടിബ, ഫോര്ട്ട്ലെസ, മനൌസ്, നറ്റാല്, പോര്ട്ടൊ അലെഗ്രെ, റിസൈഫ്, റിയോ ഡി ജനീറൊ, സാല്വദൊര്, സാവൊ പോളൊ എന്നിവിടങ്ങളിലാണ് മത്സരങ്ങള് നടക്കുക.
17 നഗരങ്ങളാണ് ഫിഫയുടെ പരിഗണനയില് ഉണ്ടായിരുന്നത്. ഇതില് ബെലെം, കാമ്പൊ ഗ്രെനഡെ, ഗൊയ്ണിയ,റിയോ ബ്രാങ്കൊ, ഫ്ലോറിയാനാപൊളിസ് എന്നിവയെ ഒഴിവാക്കി. ബ്രസീലിന്റെ ഭൂരിഭാഗം പ്രദേശങ്ങളും ഉള്ക്കൊള്ളുന്ന രീതിയിലാണ് സ്ഥലങ്ങള് തെരഞ്ഞെടുത്തിരിക്കുനത്.
ബ്രസീലിലെ ഫുട്ബോള് ആരാധന വച്ചു നോക്കുമ്പോള് പരിഗണിക്കപ്പെട്ട 17 നഗരങ്ങളില് നിന്ന് അഞ്ചെണ്ണം ഒഴിവാക്കുക എന്നത് ശ്രമകരമായ ജോലിയായിരുന്നുവെന്ന് ഫിഫ പ്രസിഡന്റ് സെപ് ബ്ലാറ്റര് പറഞ്ഞു. 1950ലാണ് ലോകകപ്പിന് അവസാനമായി ബ്രസീല് ആതിഥ്യം വഹിച്ചത്. അന്ന് ഫൈനലില് ഉറുഗ്വേയോട് തോല്ക്കാനായിരുന്നു ബ്രസീലിന്റെ വിധി. | 
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ