യുവേഫ ചാമ്പ്യന്സ് ലീഗിന്റെ പ്രീക്വാര്ട്ടറില് മാഞ്ചസ്റ്റര് യുണൈറ്റഡ് ഇന്ന് ഇന്റര് മിലാനെ നേരിടും. നിലവിലെ ചാമ്പ്യന്മാരായ മാഞ്ചസ്റ്ററിന് ഇന്റര് കടുത്ത വെല്ലുവിളിയാണുയര്ത്തുന്നത്.
ആദ്യപാദ മത്സരത്തില് ഇരു ടീമുകളും ഗോള്രഹിത സമനിലയില് പിരിയുകയായിരുന്നു. സീസണില് അഞ്ചു ഫുട്ബോള് കിരീടമെന്ന ലക്ഷ്യം വെച്ചാണ് മാഞ്ചസ്റ്റര് മാറ്റുരയ്ക്കുന്നത്. ലോക ക്ലബ് ചാംപ്യന്ഷിപ്പും, കാര്ലിങ് കപ്പും ഈ സീസണില് അവര് സ്വന്തമാക്കിയിട്ടുണ്ട്.
ഇക്കുറി ചാമ്പ്യന്സ് ലീഗ് കിരീടം കൂടി നിലനിര്ത്താനായാല് സീസണിലെ അഞ്ച് കിരീടങ്ങളും മാഞ്ചസ്റ്ററിന് സ്വന്തമാകും. മാഞ്ചെസ്റ്ററിന്റെ വിജയശില്പി ഫെര്ഗൂസന് വെല്ലുവിളിയാകുക എതിരാളി മൗറിഞ്ഞോ പുറത്തെടുക്കുന്ന തന്ത്രങ്ങളാകും. താരങ്ങളുടെ പരിക്കാണ് മൌറീഞ്ഞോയെ അലട്ടുന്നത്. പ്രതിരോധനിരയിലെ വമ്പന് മറ്റരാസി, ബുര്ഡിസോ എന്നിവര് ഇനിയും ഫിറ്റ്നസ് വീണ്ടെടുത്തിട്ടില്ല.
മറ്റ് മത്സരങ്ങളില് ബാഴ്സലോണയെ ഫ്രഞ്ച് ക്ലബ്ബായ ഒളിമ്പിക് ലിയോണ് ഇന്ന് എതിരിടും. അത്ലറ്റിക്കോ മാഡ്രിഡ് എഫ് സി പോര്ട്ടോയെയും ഇന്ന് നേരിടുന്നുണ്ട് | 
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ