ഇന്ത്യന് അഭിമാനമായ സാനിയ മിര്സ ഡി. എഫ്. എസ് ക്ളാസിക്ക് ടെന്നീസ് ടൂര്ണമെന്റിന്റെ രണ്ടാം റൗണ്ടിലെത്തി.
ചൊവ്വാഴ്ച നടന്ന കളിയില് ഇറ്റലിയുടെ മരിയ എലേന കാംറിനെയാണ് സാനിയ പരാജയപ്പെടുത്തിയത്. നേരിട്ടുള്ള രണ്ട് സെറ്റുകള്ക്കാണ് സാനിയ വിജയിച്ചത്. സ്കോര്: 6-&3, 6&-3.
സ്കോര് സൂചിപ്പിക്കുന്ന രീതിയിലായിരുന്നില്ല കളിയുടെ തുടക്കം. ആദ്യ സെറ്റില് 1-& 3 ന് പിന്നില് നിന്നശേഷം തുടര്ച്ചയായി അഞ്ചു ഗെയിംമുകള് സ്വന്തമാക്കിയാണ് സാനിയ മുന്നേറിയത്.
മരിയ എലേനയുടെ ലോക റാങ്കിംഗ് 66 ആണിപ്പോള്. ഒരു മണിക്കൂര് 28 മിനിട്ട് കൊണ്ടാണ് സാനിയ മരിയയെ പരാജയപ്പെടുത്തിയത്.
രണ്ടാം റണ്ടിലും സാനിയയുടെ എതിരാളിയാവുന്നത് ഇറ്റലിക്കാരി തന്നെയാണ് - മാര സന്റാഞ്ചലോ. പുതിയ ഡബ്ല്യു.ടി.എ റാങ്കിംഗ് അനുസരിച്ച് സാനിയയുടെ റാങ്കിംഗ് നില 42 ആയി ഉയര്ന്നിട്ടുണ്ട്.
|
കായികം 
